Team India: టీమిండియా యంగ్ బ్యాటర్ అభిషేక్ శర్మ అరుదైన ఘనత సాధించాడు. భారత క్రికెట్లో ఇప్పటివరకు ఎవరికీ సాధ్యం కానిది అతడు చేసి చూపించాడు.
Team India: టీమిండియా యంగ్ బ్యాటర్ అభిషేక్ శర్మ అరుదైన ఘనత సాధించాడు. భారత క్రికెట్లో ఇప్పటివరకు ఎవరికీ సాధ్యం కానిది అతడు చేసి చూపించాడు.
వన్డేలు, టెస్టుల్లో సెంచరీలు, డబుల్ సెంచరీలు కొట్టడం ఇప్పుడు సర్వసాధారణంగా మారిపోయింది. అయితే టీ20 క్రికెట్లో మాత్రం ఇదంత ఈజీ కాదు. లీగ్స్లో కొట్టొచ్చేమో గానీ ఇంటర్నేషనల్ క్రికెట్లో పొట్టి ఫార్మాట్లో నమోదైన శతకాలు మాత్రం తక్కువే. అలాంటిది ఆడిన మొదటి సిరీస్లోనే మూడంకెల స్కోరును చేరుకున్నాడు టీమిండియా యంగ్ బ్యాటర్ అభిషేక్ శర్మ. జింబాబ్వేతో జరిగిన రెండో టీ20లో 47 బంతుల్లోనే 100 పరుగుల మార్క్ను చేరుకున్నాడు. అతడి ఇన్నింగ్స్లో బౌండరీల కంటే సిక్సులే ఎక్కువ. 7 ఫోర్లు కొట్టిన అభిషేక్.. ఏకంగా 8 భారీ సిక్సులు బాదాడు.
ఆ మ్యాచ్లో 212 స్ట్రైక్ రేట్తో బ్యాటింగ్ చేస్తూ ప్రత్యర్థి జట్టు బౌలర్లకు ఓ రేంజ్లో పోయించాడు అభిషేక్. ఈ సిరీస్లో బ్యాట్తోనే గాక బంతితోనూ అతడు ఆకట్టుకుంటున్నాడు. జింబాబ్వే సిరీస్లో అభిషేక్ తన టాలెంట్ మొత్తాన్ని చూపిస్తున్నాడు. ఒకవైపు బ్యాటింగ్లో బ్లాస్టింగ్ ఇన్నింగ్స్లు ఆడుతూనే బౌలింగ్, ఫీల్డింగ్లోనూ తన మార్క్ పెర్ఫార్మెన్స్తో ఆకట్టుకుంటున్నాడు. ఆ టీమ్తో జరిగిన నాలుగో టీ20లో 3 ఓవర్లలో 20 పరుగులు ఇచ్చి 1 వికెట్ పడగొట్టాడు. ఈ వికెట్తో అతడు అరుదైన ఘనతను అందుకున్నాడు. లెజెండరీ ప్లేయర్లు విరాట్ కోహ్లీ, రోహిత్ శర్మ వల్ల కూడా కానిది.. అభిషేక్ సాధించి చూపించాడు.
ఒక టీ20 సిరీస్లో సెంచరీ బాదడంతో పాటు వికెట్ కూడా తీసిన తొలి భారత ఆటగాడిగా అభిషేక్ శర్మ చరిత్ర సృష్టించాడు. టీమిండియా నుంచి మరే క్రికెటర్ కూడా ఈ ఫీట్ సాధించలేదు. ఆ మ్యాచ్లో వికెట్ తీసిన అభిషేక్కు బ్యాటింగ్ ఛాన్స్ రాలేదు. జింబాబ్వే విసిరిన 152 పరుగుల టార్గెట్ను భారత్ వికెట్ నష్టపోకుండా 15.2 ఓవర్లలోనే ఊదిపారేసింది. సిరీస్లోని ఆఖరి టీ20లో మరోమారు బ్యాటింగ్తో పాటు బౌలింగ్లోనూ రెచ్చిపోవాలని అభిషేక్ అనుకుంటున్నాడు. మరోసారి భారీ ఇన్నింగ్స్తో మెరవాలని, వికెట్లతో చెలరేగాలని భావిస్తున్నాడు. మరి.. రోహిత్, కోహ్లీ వల్ల కూడా కాని ఫీట్ను అభిషేక్ అందుకోవడం మీద మీ ఒపీనియన్ను కామెంట్ల రూపంలో తెలియజేయండి.
