Team India: టీమిండియాలో అతడు ఉన్నా లేనట్లే.. ఎందుకు ఆడిస్తున్నట్లు?

క్రికెట్ ఆడే ప్రతి ఒక్కరూ తమ నేషనల్ టీమ్​కు ఒక్కసారైనా ఆడాలని కోరుకుంటారు. అందుకోసం శాయశక్తులా ప్రయత్నిస్తారు. అయితే వారిలో ఏ కొందరికో మాత్రమే అవకాశం లభిస్తుంది. ఛాన్సులు వచ్చినా వాటిని సద్వినియోగం చేసుకొని టీమ్​లో సెటిల్ అయ్యేవారు తక్కువే. కానీ కొందరు మాత్రం తమకు వచ్చిన అవకాశాల్ని వినియోగించుకొని రెగ్యులర్​ ప్లేయర్స్​గా మారతారు. అయితే కెరీర్​ను సుదీర్ఘ కాలం పొడిగించుకోవాలంటే కంటిన్యూస్​గా పెర్ఫార్మ్ చేయాలి. అప్పుడే బెస్ట్ ప్లేయర్​గా పేరు తెచ్చుకోవచ్చు. ప్రస్తుత టీమిండియాలో విరాట్ కోహ్లీ, రోహిత్ శర్మ ఆ కేటగిరీలోకే వస్తారు. దశాబ్దంన్నర కాలంగా వీళ్లిద్దరూ అద్భుతంగా ఆడుతూ టీమ్ విజయాల్లో కీలకపాత్ర పోషిస్తున్నారు. అయితే వీళ్ల వారసత్వాన్ని ముందుకు తీసుకెళ్లే బలమైన ప్లేయర్లు కనిపించడం లేదు. కొందరికి వరుసగా ఛాన్సులు ఇస్తున్నా విఫలమవుతున్నారు. అందులో ఒకడు శ్రేయస్ అయ్యర్.

ఈ మధ్య కాలంలో టీమిండియాలో ఎక్కువ అవకాశాలు అందుకున్న ప్లేయర్లలో శ్రేయస్ అయ్యర్ ఒకడు. టీ20లు, వన్డేలతో పాటు టెస్టుల్లోనూ ఈ స్టైలిష్ బ్యాటర్​కు వరుస ఛాన్సులు ఇచ్చి ఎంకరేజ్ చేస్తోంది టీమ్ మేనేజ్​మెంట్. అయ్యర్ కూడా తనకు వచ్చిన అవకాశాల్ని అందిపుచ్చుకొని రాణిస్తున్నాడు. రీసెంట్​గా జరిగిన వన్డే వరల్డ్ కప్-2023లో సూపర్బ్​గా పెర్ఫార్మ్ చేశాడు. ఇంతవరకు బాగానే ఉంది. కానీ స్వదేశీ పిచ్​లపై తప్ప విదేశాల్లో అయ్యర్ సరిగ్గా ఆడట్లేదు. ఎక్స్​ట్రా పేస్, అనూహ్యమైన బౌన్స్ ఉండే ఫారెన్ పిచ్​ల్లో అట్లర్ ఫ్లాప్ అవుతున్నాడు. ముఖ్యంగా టెస్టుల్లో అతడి రికార్డు ఏమంత బాగోలేదు. ఇప్పటిదాకా 12 టెస్టులు ఆడిన అయ్యర్.. 20 ఇన్నింగ్స్​ల్లో కలిపి 707 పరుగులు చేశాడు. వీటిలో ఒక్క సెంచరీ మాత్రమే ఉంది.

సౌతాఫ్రికాతో జరిగిన రెండు టెస్టుల సిరీస్​లో అయ్యర్ దారుణంగా ఫెయిలయ్యాడు. ఈ సిరీస్​లో అతడి స్కోర్లు ఇలా ఉన్నాయి.. 31, 6, 0, 4. అయ్యర్ షార్ట్ బాల్ వీక్​నెస్​ను ప్రత్యర్థి బౌలర్లు టార్గెట్​ చేస్తూ సక్సెస్ అవుతున్నారు. వరల్డ్ కప్​లో దీని నుంచి కాస్త బయటపడినట్లు కనిపించాడు గానీ ఆ షాట్స్ మీద ఇంకా పూర్తి పట్టు సాధించలేదు. ఎక్స్​ట్రా పేస్​, స్వింగ్​తో వచ్చే బంతుల్ని ఎదుర్కోవడంలోనూ అతడు తడబడుతున్నాడు. ఇప్పుడిప్పుడే వన్డేలు, టీ20ల్లో సెటిల్ అవుతున్న అయ్యర్​ను తీసుకొచ్చి విదేశాల్లో ఆడించడం కరెక్ట్ కాదు. లిమిటెడ్ ఓవర్స్ క్రికెట్​లో కంటిన్యూస్​గా పెర్ఫార్మ్ చేస్తే అప్పుడు టెస్టుల్లోకి తీసుకొస్తే మంచి ఫలితం ఉంటుంది. స్పిన్ బాగా ఆడతాడని లాంగ్ ఫార్మాట్​లో ఆడిస్తున్నారు.. కానీ అక్కడ పేసర్లకు దొరికిపోతున్నాడు. అతడ్ని టెస్టుల్లో ఎందుకు ఆడిస్తున్నారనే విమర్శలు వస్తున్నాయి. టీమ్​లో అయ్యర్ ఉన్నా లేనట్లేనని.. అతడు అవసరమా అని సోషల్ మీడియాలో నెటిజన్స్ కామెంట్స్ చేస్తున్నారు. అతడి ప్లేస్​లో పుజారా, రహానె లాంటి సీనియర్లను తీసుకోవాలని లేదా ఇతర యంగ్​స్టర్స్​కు ఛాన్స్ ఇవ్వాలని సూచిస్తున్నారు. మరి.. టీమ్​లో అయ్యర్ అవసరం లేదంటూ వస్తున్న విమర్శలపై మీ అభిప్రాయాలను కామెంట్ చేయండి.

ఇదీ చదవండి: పుజారా సెంచరీ.. సూపర్బ్ నాక్​తో స్ట్రాంగ్ వార్నింగ్ ఇచ్చిన నయా వాల్!