Nidhan
సంజూ శాంసన్ అభిమానులకు ఇది అదిరిపోయే న్యూస్. ఏళ్లుగా ఎదురుచూస్తున్న అతడి ఫ్యాన్స్ గనుక ఇది వింటే పండుగ చేసుకుంటారు.
సంజూ శాంసన్ అభిమానులకు ఇది అదిరిపోయే న్యూస్. ఏళ్లుగా ఎదురుచూస్తున్న అతడి ఫ్యాన్స్ గనుక ఇది వింటే పండుగ చేసుకుంటారు.
Nidhan
సంజూ శాంసన్.. క్రికెట్ అభిమానులకు పరిచయం అక్కర్లేని పేరు. 9 ఏళ్ల కిందే ఇంటర్నేషనల్ క్రికెట్లో అడుగుపెట్టాడీ కేరళ బ్యాటర్. అయితే కెరీర్ మొదట్లో అంతగా అవకాశాలు రాలేదు. టీమ్తో ట్రావెల్ అయినా అరకొర ఛాన్సులే దక్కాయి. వచ్చిన కొన్నింటినీ అతడు కంప్లీట్గా యూజ్ చేసుకోలేదు. దీంతో మధ్యలో కొన్నిసార్లు టీమ్లోకి వచ్చినా పూర్తిగా సెటిల్ కాలేకపోయాడు. ఎప్పుడు జట్టులో ఉంటాడో? ఎప్పుడు తీసేస్తారో? చెప్పలేని పరిస్థితి. అయితే ఇంటర్నేషనల్ కెరీర్ పరంగా ఇబ్బందులు ఎదుర్కొంటున్న ఈ స్టైలిష్ బ్యాటర్.. ఐపీఎల్లో మాత్రం దుమ్మురేపుతున్నాడు. వరుసగా అద్భుత ప్రదర్శనలతో రాజస్థాన్ రాయల్స్ కెప్టెన్గానూ ప్రమోషన్ దక్కించుకున్నాడు. అయితే మొత్తానికి అతడి అభిమానుల ఎదురుచూపులకు ఫుల్స్టాప్ పడే టైమ్ వచ్చేసింది.
భారత జట్టులో తన స్థానాన్ని పదిలం చేసుకోవడంతో పాటు వరల్డ్ కప్లో దేశానికి ప్రాతినిధ్యం వహించాలనేది సంజూ కల. అయితే మొదటిది క్రమంగా సెట్ అవుతోంది. ఈ మధ్య టీమిండియా తరఫున అతడికి మంచి అవకాశాలు వస్తున్నాయి. ఇక, ఈ ఐపీఎల్లో బ్యాట్తో చెలరేగడంతో రెండో కోరిక కూడా తీరడం కన్ఫర్మ్ అని అంటున్నారు. టీ20 వరల్డ్ కప్ జట్టులో సంజూ శాంసన్కు చోటు ఖాయం అని క్రికెట్ వర్గాల్లో జోరుగా వినిపిస్తోంది. అమెరికా-వెస్టిండీస్ సంయుక్తంగా ఆతిథ్యం ఇస్తున్న ప్రపంచ కప్కు వెళ్లే భారత జట్టులో సంజూ ఉంటాడని అంటున్నారు. ఫస్ట్ ఛాయిస్ వికెట్ కీపర్గా అతడ్ని తీసుకోవాలని సెలెక్టర్లతో పాటు బీసీసీఐ పెద్దలు డిసైడ్ అయ్యారని టాక్ నడుస్తోంది.
రీఎంట్రీలో అదరగొడుతున్న రిషబ్ పంత్తో పాటు పీక్ ఫామ్లో ఉన్న దినేష్ కార్తీక్, ఫుల్ స్వింగ్లో ఉన్న కేఎల్ రాహుల్ నుంచి తీవ్ర పోటీ ఎదురైనా సంజూను వికెట్ కీపర్ రోల్ వరించిందని తెలుస్తోంది. వరల్డ్ కప్ టీమ్లో అతడే ఫస్ట్ ఛాయిస్ వికెట్ కీపర్ అని, ప్లేయింగ్ ఎలెవన్లోనూ అతడు పక్కాగా ఉంటాడని చెబుతున్నారు. ఈ ఐపీఎల్లో ఆడిన 9 మ్యాచుల్లో సంజూ 161 స్ట్రైక్ రేట్తో 385 పరుగులు చేశాడు. కీపర్గా, కెప్టెన్గానూ సక్సెస్ అయ్యాడు. అతడి టాలెంట్, ఫిట్నెస్, టెక్నిక్, డిసిప్లిన్కు ఫిదా అయిన సెలెక్టర్లు వరల్డ్ కప్ బెర్త్ ఖాయం చేశారని వినికిడి. దీంతో ఈ వార్త విన్న అతడి ఫ్యాన్స్ హర్షం వ్యక్తం చేస్తున్నారు. ఇన్నేళ్ల కల నెరవేరిందని, సంజూ అనుకున్నది సాధించాడని అంటున్నారు. అయితే సంజూ వరల్డ్ కప్ టికెట్ కన్ఫర్మేషన్ గురించి బీసీసీఐ నుంచి అధికారిక ప్రకనట వస్తే గానీ ఏదీ చెప్పలేం.
View this post on Instagram
