P Venkatesh
సెన్సేషనల్ డైరెక్టర్ సందీప్ రెడ్డి వంగా తెరకెక్కించిన యానిమల్ మూవీ ఫిల్మ్ ఫేర్ అవార్డ్స్ లో సత్తా చాటింది. ఏకంగా అన్ని అవార్డులను కైవసం చేసుకుని అదరగొట్టింది.
సెన్సేషనల్ డైరెక్టర్ సందీప్ రెడ్డి వంగా తెరకెక్కించిన యానిమల్ మూవీ ఫిల్మ్ ఫేర్ అవార్డ్స్ లో సత్తా చాటింది. ఏకంగా అన్ని అవార్డులను కైవసం చేసుకుని అదరగొట్టింది.
P Venkatesh
సందీప్ రెడ్డి వంగా ఇది ఇప్పుడు పరిచయం అక్కర్లేని పేరు. ప్రస్తుతం సినీ ఇండస్ట్రీలో ఆయనొక సెన్సేషనల్ డైరెక్టర్ గా మారిపోయారు. తీసింది మూడు సినిమాలే అయిన సినీ చరిత్రలో మిగిలిపోయేలా తెరకెక్కించారు సందీప్ రెడ్డి. 2017లో అర్జున్ రెడ్డి సినిమాతో డైరెక్షన్ లోకి అడుగుపెట్టారు సందీప్ రెడ్డి వంగా. విజయ్ దేవరకొండ హీరోగా తెరకెక్కిన ఆ సినిమా బాక్సాఫీస్ రికార్డులను బద్దలు కొట్టింది. ఆ తర్వాత కబీర్ సింగ్, ఇటీవల యానిమల్ మూవీతో మరోసారి తన రేంజ్ ఏంటో చూపించారు సందీప్ రెడ్డీ వంగా. తాజాగా ఫిల్మ్ ఫేర్ అవార్డుల్లో యానిమల్ మూవీ సత్తా చాటింది. ఏకంగా ఆరు అవార్డులను సొంతం చేసుకుంది.
69వ ఫిల్మ్ ఫేర్ అవార్డుల ప్రధానోత్సవం గుజరాత్‌ రాజధాని గాంధీ నగర్‌లో అట్టహాసంగా జరిగింది. ఈ అవార్డుల్లో తెలుగు వాడు సందీప్ రెడ్డి వంగా తెరకెక్కించిన ‘యానిమిల్’ మూవీ ఉత్తమ నటుడు సహా ఎక్కువ అవార్డులను కైవసం చేసుకొని సత్తా చాటింది.ఇక ‘యానిమల్’ చిత్రంలోని నటనకు రణబీర్ కపూర్ ఉత్తమ నటుడిగా ఎంపికయ్యారు. ఉత్తమ మ్యూజిక్‌ ఆల్బం కేటగిరీలో యానిమల్ ఎంపికైంది. యానిమల్ ఉత్తమ నేపథ్య గాయకుడుగా భూపిందర్‌ బాబల్‌ (అర్జన్‌ వెయిలీ) ఎంపికయ్యారు.
ఉత్తమ బ్యాక్‌గ్రౌండ్‌ స్కోర్‌ కేటగిరీలో హర్షవర్ధన్‌ రామేశ్వర్‌(యానిమల్), ఉత్తమ సౌండ్‌ డిజైన్‌ కునాల్‌ శర్మ (సామ్‌ బహదూర్‌) సింక్‌ సినిమా (యానిమల్), ఆర్‌.డి. బర్మన్‌ అవార్డ్‌ ఫర్‌ అప్‌ కమింగ్‌ మ్యూజిక్‌ టాలెంట్‌ విభాగంలో శ్రేయ పురాణిక్ (యానిమల్) ఫిల్మ్ ఫేర్ అవార్డులను అందుకున్నారు. ఏకంగా 6 అవార్డులతో సందీప్ రెడ్డి వంగా యానిమల్ అదరగొట్టింది. ఇక ‘రాణీ ఔర్ రాఖీకీ ప్రేమ్ కహాని’ మూవీలోని నటనకు ఆలియా భట్ ఎంపికైయింది. అటు ఉత్తమ చిత్రంగా 12th ఫెయిల్ మూవీ ఎంపికైయింది.
