Dharani
PM Kusum Scheme: అన్నదాతల కోసం మోదీ ప్రభుత్వం అదిరిపోయే పథకాన్ని తీసుకువచ్చింది. ఒక్కసారి ఈ స్కీమ్‌కు అప్లై చేసుకుంటే రైతులు అదనపు ఆదాయం పొందే అవకాశం కూడా ఉంది. ఆ వివరాలు..
PM Kusum Scheme: అన్నదాతల కోసం మోదీ ప్రభుత్వం అదిరిపోయే పథకాన్ని తీసుకువచ్చింది. ఒక్కసారి ఈ స్కీమ్‌కు అప్లై చేసుకుంటే రైతులు అదనపు ఆదాయం పొందే అవకాశం కూడా ఉంది. ఆ వివరాలు..
Dharani
రైతే రాజు.. అన్నదాతే దేశానికి వెన్నుముక అంటారు. వారు బాగుంటేనే దేశం సుభిక్షంగా ఉంటుంది. రైతు నష్టపోతే.. ఆ ప్రభావం దేశం మొత్తం మీద పడుతుంది. ఇక ఆరుగాలం కాయ కష్టం చేసి.. దేశానికి అన్నం పెట్టే రైతన్నలను ఆదుకోవడం కోసం కేంద్ర, రాష్ట్ర ప్రభుత్వాలు అనేక పథకాలను తీసుకొచ్చాయి. పెట్టుబడికి సాయం అందించడం మొదలు.. తక్కువ వడ్డీకే రుణాలు ఇవ్వడం, రుణమాఫీ, మద్దతు ధర ఇవ్వడంతో పాటు.. వారికి ఇతర ఆదాయాలు కల్పించే పథకాలను కూడా ప్రవేశపెడుతుంటాయి. ఈ క్రమంలో రైతన్నలకు ఏళ్ల తరబడి ఆదాయం అందించేందుకు గాను మోదీ ప్రభుత్వం ఓ పథకాన్ని అందుబాటులోకి తీసుకొచ్చింది. దీని ద్వారా.. వారు 25 ఏళ్ల పాటు నిరంతరంగా ఆదాయం పొందవచ్చు. ఇంతకు ఆ స్కీమ్ ఏది.. దానికి ఎలా అప్లై చేసుకోవాలంటే..
ఇక ఆ స్కీమ్ వివరాలకు వస్తే.. అన్నదాతలకు ఏళ్ల తరబడి నిరంతరం ఆదాయాన్ని అందించేందుకు మోదీ సర్కార్‌ ప్రధాన మంత్రి కుసుమ్‌ యోజన పథకాన్ని తీసుకువచ్చింది. దీని ద్వారా రైతులకు సోలార్ పంపులపై భారీ ఎత్తున సబ్సిడీ ఇస్తారు. వీటిని పొలాల్లో అమర్చుకుంటే.. విద్యుత్తు ఖర్చు ఆదా అవుతుంది. ఇక సోలార్ పంపులతో పర్యవరణానికి కూడా ఎలాంటి హానీ జరగదు.. ఇవి గ్రీన్‌హౌస్‌ వాయు ఉద్గారాలను కూడా తగ్గిస్తాయి. పైగా ఈ సోలార్ పంపులను అమర్చుకుంటే.. రైతన్నలకు విద్యుత్‌ బిల్లు ఆదా అవ్వడమే కాక.. అదనపు ఆదాయం కూడా వచ్చే అవకాశం ఉంది. అదెలా అంటే.. సోలార్ పంపుల ద్వారా ఉత్పత్తి అయ్యే మిగులు విద్యుత్తును విక్రయించి.. నిరంతరం 25 ఏళ్ల పాటు ఆదాయం పొందవచ్చు అంటున్నారు.
కేంద్ర ప్రభుత్వం 2019లో ఈ పథకాన్ని ప్రారంభించింది. దీని ద్వారా రైతులు తమ పొలాలు, బంజరు భూముల్లో వినియోగం సోలార్ పంపులను సబ్సిడీ మీద కొనుగోలు చేయవచ్చు. ఈ పథకం కింద రైతులు 60 శాతం సబ్సిడీతో సోలార్ పంపులను కొనుగోలు చేసి అమర్చుకోవచ్చు. అలానే ఈ పథకం రైతులకు 25 ఏళ్ల పాటు ఎలాంటి ఆందోళన లేకుండా నిరంతర ఆదాయాన్ని పొందే అవకాశం కల్పిస్తుంది.
రైతన్నలు ఈ పథకం కింద 60 శాతం సబ్సిడీతో సోలార్ పంపులు కొనుగోలు చేయవచ్చు. అయితే మొదటగా సోలార్ ప్యానెల్స్‌కు అయ్యే పూర్తి ధరలో 10 శాతం చెల్లిస్తే సరిపోతుంది. కేంద్ర, రాష్ట్ర ప్రభుత్వాలు రైతుల బ్యాంకు ఖాతాల్లో 60 శాతం సబ్సిడీ మొత్తాన్ని జమ చేస్తాయి. ఇందులో కేంద్ర ప్రభుత్వం 30 శాతం, రాష్ట్ర ప్రభుత్వం 30 శాతం వాటా ప్రకారం సబ్సిడీని అందజేస్తాయి. ఇక మిగతా 30 శాతం మొత్తం కోసం బ్యాంకుల నుంచి లోన్‌గా పొందవచ్చు. రైతులు సొంత ఆదాయంతో ఈ లోన్‌ను సులభంగా చెల్లించవచ్చు. రైతులే కాకుండా సహకార సంఘాలు కూడా ఈ పథకం ద్వారా లబ్ది పొందవచ్చు.
ప్రధాన మంత్రి కుసుం యోజనకు దరఖాస్తు చేసుకునేటప్పుడు
