IPL వేదిక మీద ఉప్పల్ స్టేడియానికి అరుదైన గౌరవం.. SRH ఫ్యాన్స్​ తలెత్తుకుంటారు!

ఇండియన్ ప్రీమియర్ లీగ్ పదిహేడో సీజన్ ముగిసింది. ఎన్నో ఎక్స్​పెక్టేషన్స్​తో ఫైనల్ మ్యాచ్ బరిలోకి దిగిన సన్​రైజర్స్ హైదరాబాద్ చివరి మెట్టు మీద బోల్తా పడింది. చెన్నైలోని చెపాక్ వేదికగా జరిగిన టైటిల్ ఫైట్​లో కనీసం పోరాడకుండానే చేతులెత్తేసింది. 8 వికెట్ల తేడాతో కమిన్స్ సేనను ఓడించి నయా ఛాంపియన్​గా అవతరించింది కోల్​కతా నైట్ రైడర్స్. ఈ మ్యాచ్​లో మొదట బ్యాటింగ్​కు దిగిన ఎస్​ఆర్​హెచ్.. 18.3 ఓవర్లలో 113 పరుగులకే కుప్పకూలింది. ఆఖర్లో కెప్టెన్ కమిన్స్ (24) పోరాడకుంటే ఆ మాత్రం స్కోరు కూడా చేసేది కాదు. ఆ తర్వాత ఛేజింగ్​కు దిగిన కోల్​కతా 10.3 ఓవర్లలోనే రెండు వికెట్లు కోల్పోయి టార్గెట్​ను రీచ్ అయింది. గెలిచిన కేకేఆర్ కప్పును కైవసం చేసుకోగా.. ఓడిన ఎస్​ఆర్​హెచ్ రన్నరప్​తో సరిపెట్టుకుంది. ఇక, ఐపీఎల్ వేదిక మీద ఉప్పల్ స్టేడియానికి అరుదైన గౌరవం దక్కింది.

ఉప్పల్ స్టేడియానికి అరుదైన గౌరవం దక్కింది. ఈ సీజన్​లో ఏ ఇతర గ్రౌండ్​కు దక్కని గౌరవం ఇది. అత్యుత్తమ పిచ్​ను రూపొందించినందుకు గానూ బెస్ట్ పిచ్ అండ్ గ్రౌండ్ పురస్కారం ఉప్పల్ స్టేడియానికి దక్కింది. ఈ అవార్డు కింద ప్రోత్సాహకంగా రూ.50 లక్షల నగదు హైదరాబాద్ క్రికెట్ అసోసియేషన్ (హెచ్​సీఏ)కు లభించింది. ఈ పురస్కారాన్ని ఐపీఎల్ గవర్నింగ్ కౌన్సిల్ మెంబర్ ఛాముండేశ్వరినాథ్​ నుంచి హెచ్​సీఏ ప్రెసిడెంట్ జగన్​మోహన్ రావు అందుకున్నారు. దీనిపై సన్​రైజర్స్ ఫ్యాన్స్ హర్షం వ్యక్తం చేస్తున్నారు. మన జట్టు ఫైనల్ వరకు వెళ్లడం, మరోవైపు ఉప్పల్ స్టేడియానికి అవార్డు దక్కడంతో వాళ్లు సంతోషంలో మునిగిపోయారు. ఇక, ఈ సీజన్​లో 7 మ్యాచులకు రాజీవ్ గాంధీ ఇంటర్నేషనల్ క్రికెట్ స్టేడియం అతిథ్యం ఇచ్చింది.

ఉప్పల్ స్టేడియం ఆతిథ్యం ఇచ్చిన ఏడు మ్యాచుల్లో గుజరాత్ టైటాన్స్-సన్​రైజర్స్ హైదరాబాద్ జట్ల మధ్య జరగాల్సిన మ్యాచ్ వాన వల్ల రద్దయింది. మిగిలిన మ్యాచులన్నీ చాలా ఇంట్రెస్టింగ్​గా సాగాయి. ఆర్సీబీతో జరిగిన మ్యాచ్​లో మినహా మిగిలిన అన్నింటా ఎస్​ఆర్​హెచ్ విజయబావుటా ఎగురవేసింది. ఉప్పల్​లో భారీ స్కోర్లు నమోదు కావడం, ఒకదాన్ని మించి మరొకటి ఆసక్తికరంగా మ్యాచులు సాగడం తెలిసిందే. ఈ సీజన్​లో సన్​రైజర్స్​ హవా నడవడానికి ఈ గ్రౌండ్​ ఎంతో హెల్ప్ అయింది. హోమ్ మ్యాచెస్​లో భారీ విజయాలు సాధించడం వల్లే జట్టును చూసి ప్రత్యర్థులు భయపడ్డారు. ఇదే జోరును ఇతర వేదికల్లోనూ కొనసాగించి ఏకంగా ఫైనల్స్​కు చేరుకుంది కమిన్స్ సేన. మరి.. ఉప్పల్ స్టేడియానికి అవార్డు దక్కడం మీద మీ అభిప్రాయాలను కామెంట్ చేయండి.

• ఇదీ చదవండి: IPL 2024 ఫైనల్లో ఓడినా.. సన్‌రైజర్స్‌కు దక్కిన భారీ ప్రైజ్‌మనీ! ఎంతంటే?

Wow! 🎉 We received Rs. 50,00,000 prize money for our Uppal Stadium pitch and ground—awarded Best Pitch and Ground in IPL matches! Huge thanks to Chandu and his team. Congrats to the HCA family! 🙌 #Grateful #HCA #TeamEffort @BCCI @SunRisers @IPL pic.twitter.com/ESMtAXkyd7

— Jagan Mohan Rao Arishnapally (@JaganMohanRaoA) May 26, 2024

 

View this post on Instagram

 

A post shared by C/O.Controversy (@controversyy)