సామూహిక వివాహాల్లో ఒక్కటైన 12 వేల జంటలు.. వధువుల ఖాతాల్లో రూ.35 వేలు

ఉత్తరప్రదేశ్ లో జరిగిన సామూహిక వివాహాల్లో 12 వేల జంటలు ఒక్కటయ్యాయి. యూపీలోని 60 జిల్లాల్లో జరిగిన ఈ పెళ్ళిళ్ల ద్వారా వేల జంటలు వైవాహిక జీవితంలోకి అడుగుపెట్టాయి. కుల, మతాలకు అతీతంగా జరిగిన ఈ వివాహాల్లో ఒక్కో వధువు ఖాతాలో రూ.35 వేల చొప్పున జమచేసింది యూపీ ప్రభుత్వం. లక్నోలో జరిగిన ఈ వివాహ వేడుకలో రాష్ట్ర సాంఘిక సంక్షేమశాఖ మంత్రి అసిం అరుణ్ పాల్గొని.. నవ జంటలను ఆశీర్వదించారు. ఈ సందర్భంగా ఆయన మాట్లాడుతూ.. పేద కుటుంబాలకు చేయూతనివ్వడంతో పాటు వరకట్నం అనే దురాచారానికి అడ్డుకట్ట వేసేందుకే ప్రభుత్వం ఈ సామూహిక వివాహ కార్యక్రమం చేపట్టినట్లు తెలిపారు. రెండో విడత సామూహిక వివాహాలు ఈనెల 17న నిర్వహించనున్నట్లు అధికారులు పేర్కొన్నారు.