అంబాజీపేట మ్యారేజి బ్యాండు యూనిట్ వ్యూహం ఫలిస్తుందా?

యువ నటుడు సుహాస్ హీరోగా ధీరజ్ మొగిలినేని ఎంటర్టైన్మెంట్స్ బ్యానర్ పై జీఏ2 పిక్చర్స్, దర్శకుడు వెంకటేష్ మహా మహా క్రియేషన్స్ సంయుక్తంగా నిర్మిస్తున్న చిత్రం ‘అంబాజీపేట మ్యారేజ్ బ్యాండ్’. ఈ చిత్రం ఫిబ్రవరి 2న విడుదల కానుంది. కాగా ఈ రోజు రాత్రి ఇరు తెలుగు రాష్ట్రాల్లో ఎంపిక చేసుకున్న కొన్ని థియేటర్లలో ఈ సినిమాకి పెయిడ్ ప్రీమియర్లు నిర్వహిస్తున్నారు.. ఆయా షోలకు ప్రేక్షకుల ఉత్సాహం కూడా తోడయింది.

నూతన దర్శకుడు దుష్యంత్ కటికినేని దర్శకత్వంలో శివానీ హీరోయిన్ గా నటించిన ఈ చిత్రం విడుదలకు ముందే సంచలనం సృష్టిస్తోంది. ఇటీవల విడుదలైన థియేట్రికల్ ట్రైలర్ ఆసక్తికరమైన కథాంశంతో పాజిటివ్ బజ్ పెంచింది.

టీమ్ ప్రమోషనల్ టూర్ కు విపరీతమైన ఆదరణ లభించింది. ఇప్పుడు ఈ సినిమాపై ఉన్న నమ్మకంతో పైన చెప్పున్న విధంగా నిర్మాతలు ఫిబ్రవరి 1న అంటే ఈరోజు రాత్రి రెండు తెలుగు రాష్ట్రాల్లో పెయిడ్ ప్రీమియర్స్ ను ఎంచుకుంటున్నారు. సంక్రాంతి సినిమాల తరువాత పెద్దగా రిలీజ్ లు లేకపోవడంతో ఈ వీకెండ్ కి ఈ సినిమా బిగ్గెస్ట్ హిట్ గా నిలిచే అవకాశం లేకపోలేదు. మరి అంబాజీపేట మ్యారేజి బ్యాండు యూనిట్ వ్యూహం ఫలిస్తుందా? అనే ప్రశ్నకు పెయిడ్ ప్రీమియర్స్ నుంచి వచ్చే టాక్ ఏ సమాధానం చెబుతుందో వేచి చూడాలి.