టాలీవుడ్కు ఆగస్టు నెల పెద్దగా కలసిరాలేదు. గత నెలలో తెలుగు సినిమాల కంటే ఓ బడా తమిళ మూవీదే ఇక్కడ హవా నడిచింది. మెగాస్టార్ చిరంజీవి నటించిన ‘భోళా శంకర్’ సహా ఆ నెలలో విడుదలైన పలు తెలుగు చిత్రాలు బాక్సాఫీస్ వద్ద సత్తా చాటలేకపోయాయి. ‘బెదురులంక 2012’ మాత్రమే హిట్గా నిలిచింది. ఆగస్టు నెల మొత్తం తలైవా రజినీకాంత్ నటించిన ‘జైలర్’దే హవా. తమిళంతో పాటు తెలుగు నాట కూడా ఈ మూవీ బ్లాక్బస్టర్గా నిలిచింది. ఆగస్టు ఎలాగూ పోయింది.. సెప్టెంబర్లోనైనా తెలుగు సినిమాలు సత్తా చాటుతాయేమోనని అందరూ అనుకున్నారు. అందుకు తగ్గట్లే పెద్ద పెద్ద మూవీస్ అన్నీ ఈ నెలలో రిలీజ్ డేట్ను ఫిక్స్ చేసుకున్నాయి.
రెబల్ స్టార్ ప్రభాస్ ‘సలార్’, రామ్ ‘స్కంధ’, సిద్ధు జొన్నలగడ్డ ‘టిల్లు స్క్వేర్’లు ఈ నెలలో విడుదలకు సిద్ధమయ్యాయి. దీంతో ఆడియెన్స్కు పండుగేనని అంతా అనుకున్నారు. కానీ ముందుగా ప్రకటించినట్లు సెప్టెంబర్ 28న ‘సలార్’ రావడం లేదని వార్తలు వస్తున్నాయి. ఈ మూవీకి కొత్త రిలీజ్ డేట్ త్వరలో ప్రకటిస్తారని సమాచారం. దీంతో ఆ తేదీన తమ చిత్రాన్ని విడుదల చేయాలని ‘స్కంధ’ మేకర్స్ భావిస్తున్నారట. ‘స్కంధ’ వెనక్కి వెళ్లడం, ‘సలార్’ వాయిదా వార్తల నేపథ్యంలో వినాయక చవితి సీజన్ను ఫుల్గా క్యాష్ చేసుకునేందుకు రాఘవ లారెన్స్ నటిస్తున్న ‘చంద్రముఖి 2’ రెడీ అవుతోంది. ఇదిలా ఉండగా.. ఇప్పుడు మరో తెలుగు మూవీ సెప్టెంబర్ నుంచి వెనక్కి మళ్లడం ఆసక్తికరంగా మారింది.
‘టిల్లు స్క్వేర్’ను పోస్ట్పోన్ చేస్తున్నట్లు మూవీ మేకర్స్ ప్రకటించారు. ‘డీజే టిల్లు’కు సీక్వెల్గా రూపొందుతున్న ఈ సినిమాలో సిద్ధు జొన్నలగడ్డ సరసన స్టార్ హీరోయిన్ అనుపమ పరమేశ్వరన్ నటిస్తున్నారు. ఇప్పటికే ఈ చిత్రం నుంచి విడుదలైన లిరికల్ సాంగ్ ఆడియెన్స్ను ఊపేస్తోంది. ఈ తరుణంలో ‘టిల్లు స్క్వేర్’ వాయిదా వార్త అభిమానులకు నిరాశను కలిగించకమానదు. షెడ్యూల్ ప్రకారం ఈ నెల 15న ఈ సినిమా ఆడియెన్స్ ముందుకు రావాల్సి ఉంది. అయితే పోస్ట్ ప్రొడక్షన్ వర్క్స్ పూర్తికాకపోవడంతో మూవీని అనుకున్న తేదీకి తీసుకురాలేకపోతున్నామని మేకర్స్ తెలిపారు. మంచి వర్క్, గుడ్ విజువల్స్తో ‘టిల్లు స్క్వేర్’ను తీసుకొచ్చేందుకే ఈ సమయం తీసుకుంటున్నట్లు వెల్లడించారు. మూవీ కొత్త రిలీజ్ డేట్ త్వరలో ప్రకటిస్తామని పేర్కొన్నారు.
ఇదీ చదవండి: ఈ వారం OTTలోకి ఏకంగా 17 సినిమాలు!
Your most favourite Tillu will meet you soon at the theatres near you! 🤩#TilluSquare new release date will be announced soon with a kick-ass visual.😎
Stay tuned & Keep watching this space ✨#Siddu @anupamahere @MallikRam99 @ram_miriyala @NavinNooli #SaiPrakash @vamsi84… pic.twitter.com/apXN44qJv2
— Sithara Entertainments (@SitharaEnts) September 4, 2023