పోలీసులకు త్రిష ఫిర్యాదు.. మండిపడుతున్న నెటిజన్లు..

త్రిష పోలీసులకు ఫిర్యాదు చేస్తే.. దానిపై నెటిజన్లు మండిపడటం ఏంటి అనుకుంటున్నారా?. ఇది నిజమే.. అయితే! త్రిష కంప్లైంట్‌ ఇచ్చింది నిజ జీవితంలో కాదు.. ఓ ప్రముఖ ఆన్‌లైన్‌ షాపింగ్‌ సైట్‌ యాడ్‌లో. ఇంతకీ సంగతేంటంటే.. త్రిష తాజాగా, ఓ ప్రముఖ ఆన్‌లైన్‌ షాపింగ్‌ సైట్‌ యాడ్‌లో నటించారు. ఆ యాడ్‌లో ఏముందంటే.. త్రిష భర్త కనిపించకుండా పోతాడు. దీంతో ఆమె పోలీస్‌ స్టేషన్‌కు వెళుతుంది. భర్త కనిపించటం లేదంటూ పోలీసులకు ఫిర్యాదు చేస్తుంది. పోలీసులు ఆమె భర్త ఆనవాళ్లు.. ఏం డ్రెస్‌ వేసుకున్నాడో అడుగుతారు.

అప్పుడు త్రిష తన భర్త వేసుకున్న డ్రెస్‌ వివరాలు బ్రాండ్లతో సహా చెబుతుంది. ఆ బట్టల్ని ఏక్కడ కొన్నారు అని పోలీసు ఇన్‌స్పెక్టర్‌ అడుగుతాడు. ఆమె ఎక్కడ కొన్నాడో చెబుతుంది. ఇలా ఈ యాడ్‌ సాగుతుంది. ఈ యాడ్‌ వీడియో సోషల్‌ మీడియాలో వైరల్‌గా మారింది. ఇక, ఈ యాడ్‌ వీడియోపై స్పందిస్తున్న నెటిజన్లు.. ‘‘ ఈ మధ్య యాడ్‌లు చాలా దారుణంగా తయారవుతున్నాయి. భర్త కనిపించకుండా పోతే.. బట్టల గురించి పంచాయతీ ఏంటో’’.. ‘‘ త్రిష మరీ ఇంత దిగజారిపోయింది ఏంటి?’’.. ‘‘చెత్త యాడ్‌లో త్రిషను చూడలేకపోతున్నా..’’ అంటూ కామెంట్లు చేస్తున్నారు.

కాగా, త్రిష ప్రస్తుతం లోకేస్‌ కనకరాజ్‌-విజయ్‌ కాంబినేషన్‌లో వస్తున్న ‘లియో’ సినిమాలో నటిస్తున్నారు. ఈ సినిమా ప్యాన్‌ ఇండియా సినిమాగా తెరకెక్కుతోంది. ఈ సినిమాతో పాటు తమిళంలో ‘‘ ది రోడ్‌’, ‘‘శతురంగ వేట్టై2’’ల్లో నటిస్తున్నారు. ఇక, మలయాళంలో ‘‘ రామ్‌ 1’’లో నటిస్తున్నారు. ఈ నాలుగు సినిమాలు ప్రస్తుతం షూటింగ్‌ జరుపుకుంటున్నాయి. మరి,  ప్రముఖ ఆన్‌లైన్‌ షాపింగ్‌ సైట్‌ యాడ్‌లో నటించి ట్రోలింగ్స్‌ ఎదుర్కొంటున్న త్రిషపై మీ అభిప్రాయాలను కామెంట్ల రూపంలో తెలియజేయండి.