Rinku Singh Discloses Rohit Sharma's Advice: టీమిండియా యంగ్ క్రికెటర్స్లో ప్రామిసింగ్ ప్లేయర్గా రింకూ సింగ్ను చెప్పొచ్చు. తనకు అప్పగించిన రోల్ను నిర్వర్తించడానికి అతడు ఎంత ఎఫర్ట్ పెట్టేందుకైనా రెడీగా ఉంటాడు. అలాంటోడు తాజాగా కెప్టెన్ రోహిత్ శర్మ గురించి ఆసక్తికర వ్యాఖ్యలు చేశాడు.
Rinku Singh Discloses Rohit Sharma's Advice: టీమిండియా యంగ్ క్రికెటర్స్లో ప్రామిసింగ్ ప్లేయర్గా రింకూ సింగ్ను చెప్పొచ్చు. తనకు అప్పగించిన రోల్ను నిర్వర్తించడానికి అతడు ఎంత ఎఫర్ట్ పెట్టేందుకైనా రెడీగా ఉంటాడు. అలాంటోడు తాజాగా కెప్టెన్ రోహిత్ శర్మ గురించి ఆసక్తికర వ్యాఖ్యలు చేశాడు.
టీమిండియా యంగ్ క్రికెటర్స్లో ప్రామిసింగ్ ప్లేయర్గా రింకూ సింగ్ను చెప్పొచ్చు. తనకు అప్పగించిన రోల్ను నిర్వర్తించడానికి అతడు ఎంత ఎఫర్ట్ పెట్టేందుకైనా రెడీగా ఉంటాడు. ఐపీఎల్ ద్వారా వెలుగులోకి వచ్చిన ఈ ప్లేయర్ క్యాష్ రిచ్ లీగ్లో దుమ్మురేపి భారత జట్టులోకి ఎంట్రీ ఇచ్చాడు. టీమిండియా తరఫున వచ్చిన ప్రతి ఛాన్స్ను సద్వినియోగం చేసుకొని లిమిటెడ్ ఓవర్స్ క్రికెట్లో టీమ్లో కీలక ప్లేయర్గా ఎదిగాడు. ముఖ్యంగా గత కొంత కాలంగా టీ20ల్లో ఫినిషర్గా అతడు ఆడిన విధానం, జట్టును ఒంటిచేత్తో గెలిపించిన తీరు చూసి పొట్టి ప్రపంచ కప్-2024లో టీమ్లో రింకూకు బెర్త్ పక్కా అని అంతా అనుకున్నారు. కానీ అతడ్ని రిజర్వ్డ్ ప్లేయర్గా తీసుకెళ్లారు. దీంతో అప్పటివరకు తాను పడిన శ్రమ వృథా అయిందని రింకూ బాధపడ్డాడు. అయితే కెప్టెన్ రోహిత్ శర్మ చెప్పిన ఒక్క మాటతో తన బాధంతా పోయిందన్నాడు రింకూ.
‘బాధలో ఉన్న నన్ను ఓదార్చడానికి రోహిత్ భయ్యా వచ్చాడు. ఏం ఫర్లేదు, నీకు చాలా ఫ్యూచర్ ఉందన్నాడు. మున్ముందు చాలా వరల్డ్ కప్స్ ఉన్నాయని, నిరాశ పడొద్దని అన్నాడు. ఎప్పటికప్పుడు నిన్ను నువ్వు మెరుగు పర్చుకో అని సలహా ఇచ్చాడు. ప్రతి రెండేళ్లకో ప్రపంచ కప్ వస్తుందని, దానిపై ఫోకస్ చేయాలని సూచించాడు. టెన్షన్ పడాల్సిన అవసరం లేదు, కూల్గా ఉండు’ అని హిట్మ్యాన్ తనను సముదాయించాడని రింకూ వ్యాఖ్యానించాడు. అతడి మాటలతో తన బాధంతా పోయిందని, భవిష్యత్తు మీద ఫోకస్ పెడుతున్నానని పేర్కొన్నాడు. రోహిత్ మాటలు మంత్రంగా పనిచేశాయని తెలిపాడు. హిట్మ్యాన్ కెప్టెన్సీ అంటే తనకు చాలా ఇష్టమని చెప్పుకొచ్చాడు.
విరాట్ కోహ్లీ సారథ్యం అంటే కూడా తనకు ఇష్టమని, అతడి కెప్టెన్సీలో అగ్రెషన్ చాలా కీలకమన్నాడు రింకూ. టీమ్ను లీడ్ చేసే సమయంలో కోహ్లీ భయ్యా ఎంతో దూకుడుగా ఉంటాడని, అదే అతడి సారథ్యంలోని స్పెషాలిటీ అని తెలిపాడు. భారత జట్టులో అందరికంటే విరాట్ ఫిట్టెస్ట్ ప్లేయర్ అని చెప్పిన రింకూ.. అందరూ అతడ్ని చూసి చాలా విషయాలు నేర్చుకుంటారన్నాడు. ఫిట్నెస్లో కోహ్లీ రేంజ్ను అందుకునేందుకు అందరమూ ప్రయత్నిస్తామని తెలిపాడు. ఇప్పటివరకు టీమిండియా తరఫున ఎన్నో మ్యాచుల్లో ఆడినప్పటికీ కోహ్లీతో బ్యాటింగ్ చేసే ఛాన్స్ రాలేదని.. అది తన డ్రీమ్ అన్నాడు రింకూ. అది నెరవేరే రోజు కోసం ఎదురు చూస్తున్నానని.. త్వరలో సాధ్యమవుతుందని వివరించాడు.
Rinku Singh said “Rohit Bhai came to me & made me understand – you are still very young, there will be many World Cups in future, keep working hard – focus on that, don’t be disappointed”. [News 24 Sports – about not in 15 member squad for T20I World Cup] pic.twitter.com/7GMJ78mWqt
— Johns. (@CricCrazyJohns) August 27, 2024
