వీడియో: అశ్విన్​తో ఆడుకున్న బుమ్రా.. సీనియర్ అని చూడకుండా!

టీమిండియా ఏస్ స్పిన్నర్ రవిచంద్రన్ అశ్విన్ తోటి ప్లేయర్లతో ఎలా ఉంటాడో తెలిసిందే. సీనియర్లు, జూనియర్లు అనే తేడా లేకుండా అందరితో అతడు కలసిపోతాడు. కెప్టెన్​తో పాటు అందరు టీమ్​మేట్స్​తో మంచి రిలేషన్స్ మెయింటెయిన్ చేస్తుంటాడు. అతడు సీరియస్​గా కనిపించడం చాలా అరుదు. గ్రౌండ్​లో అప్పుడప్పుడు మాత్రమే అగ్రెషన్ చూపిస్తుంటాడు. ఇంక డ్రెస్సింగ్ రూమ్​లో, బయట అందరితో ఫ్రెండ్లీగా ఉంటాడు. కుట్టి స్టోరీస్ అంటూ యూట్యూబ్​లో సహచర క్రికెటర్లను ఇంటర్వ్యూ చేస్తుంటాడు. అందులో వాళ్లను మాట్లాడిస్తూనే ఆటపట్టిస్తుంటాడు. తోటి ప్లేయర్లపై జోక్స్ వేయడంలో అశ్విన్ దిట్ట. అలాంటోడితో పేసుగుర్రం జస్​ప్రీత్ బుమ్రా ఆడుకున్నాడు. సీనియర్ అని చూడకుండా అతడి మీద జోక్స్ వేశాడు.

అశ్విన్​ను బుమ్రాతో పాటు స్టార్​ ఆల్​రౌండర్ రవీంద్ర జడేజా ఆడుకున్నాడు. ‘అన్న ఫర్ ఏ రీజన్’ అంటూ అతడ్ని ఏడిపించారు. ఇది ఫ్లయిట్​లో జరిగింది. చెన్నై టెస్ట్ ముగియడంతో రెండో టెస్ట్​కు ఆతిథ్యం ఇస్తున్న కాన్పూర్​కు బయల్దేరారు భారత ఆటగాళ్లు. ఈ క్రమంలో ఫ్లయిట్​లో పక్క పక్క సీట్లలో కూర్చున్నారీ ముగ్గురు స్టార్లు. ఫోన్​లో ఏదో చూస్తూ బిజీగా ఉన్నాడు అశ్విన్. ఆ టైమ్​లో బుమ్రా ‘అన్న ఫర్ ఏ రీజన్’ అంటూ ఏడిపించాడు. జడేజా కూడా ‘అన్న ఫర్ ఏ రీజన్’ అంటూ ఆడుకున్నాడు. యాష్​ అన్న అంటూ కామెడీ చేశాడు. దీంతో అశ్విన్ నవ్వుల్లో మునిగిపోయాడు. వాళ్లు కావాలనే ఇలా చేస్తున్నారని కెమెరాను చూస్తూ అన్నాడు అశ్విన్. తాము ఏడిపించలేదని, అతడ్ని మెచ్చుకుంటూ అలా అన్నామని బుమ్రా తెలిపాడు. దీనికి సంబంధించిన వీడియోను బీసీసీఐ సోషల్ మీడియాలో షేర్ చేసింది.

అశ్విన్​ను బుమ్రా, జడేజా ఆడుకున్న వీడియో నెట్టింట వైరల్ అవుతోంది. దీన్ని చూసిన నెటిజన్స్.. వాళ్ల మధ్య ఫ్రెండ్​షిప్​కు ఇది ఎగ్జాంపుల్ అని అంటున్నారు. ఫ్రెండ్స్ మధ్య ఇలాంటివి కామన్ అని, ఒకర్ని మరొకరు ఆటపట్టించడం వల్ల బాండ్ మరింత స్ట్రాంగ్ అవుతుందని చెబుతున్నారు. ఇక, బంగ్లాదేశ్​తో తొలి టెస్ట్​లో ఈ ముగ్గురు స్టార్లు రెచ్చిపోయి ఆడారు. బుమ్రా 5 వికెట్లతో ఆ టీమ్ నడ్డి విరిచాడు. జడేజా 5 వికెట్లు తీయడమే గాక 86 పరుగులతో సత్తా చాటాడు. ఇంక అశ్విన్ సంగతి చెప్పనక్కర్లేదు. సెంచరీతో చెలరేగడమే గాక 6 వికెట్లు తీసి గ్రాండ్ విక్టరీలో కీలక పాత్ర పోషించాడు. అందుకే అతడు మ్యాన్ ఆఫ్ ది మ్యాచ్​గా నిలిచాడు. కాన్పూర్​లో స్పిన్ వికెట్​ను రెడీ చేస్తున్నారనే ఊహాగానాల నేపథ్యంలో అక్కడ అశ్విన్-జడ్డూ జోడీ ఇంకెంత రెచ్చిపోయి బౌలింగ్ చేస్తారో చూడాలి.

• ఇదీ చదవండి: వీడియో: హోటల్ స్టాఫ్​పై కోహ్లీ సీరియస్! రెండు చేతులే ఉన్నాయంటూ..