సన్రైజర్స్ హైదరాబాద్ మునుపెన్నడూ చూడని డేంజర్ గేమ్తో అపోజిషన్ టీమ్స్ను వణికిస్తోంది. టీ20 క్రికెట్కు రీడెఫినిషన్ చెబుతూ కమిన్స్ సేన ఆడుతున్న తీరుకు టాప్ టీమ్స్ కూడా భయంతో షేక్ అవుతున్నాయి.
సన్రైజర్స్ హైదరాబాద్ మునుపెన్నడూ చూడని డేంజర్ గేమ్తో అపోజిషన్ టీమ్స్ను వణికిస్తోంది. టీ20 క్రికెట్కు రీడెఫినిషన్ చెబుతూ కమిన్స్ సేన ఆడుతున్న తీరుకు టాప్ టీమ్స్ కూడా భయంతో షేక్ అవుతున్నాయి.
సన్రైజర్స్ హైదరాబాద్ విధ్వంసం అంటే ఎలా ఉంటుందో చూపిస్తోంది. ఒక్కో మ్యాచ్తో ఐపీఎల్లోని అన్ని టీమ్స్కు డేంజర్ సిగ్నల్స్ పంపిస్తోంది. ఆ జట్టు బ్యాటర్లు ప్రత్యర్థి బౌలర్ల మీద తుఫానులా విరుచుకుపడుతున్నారు. ఫస్ట్ బాల్ నుంచి లాస్ట్ బాల్ వరకు నాన్స్టాప్ బాదుడుతో అపోజిషన్ టీమ్ను పరుగుల సునామీలో ముంచేస్తున్నారు. ఓపెనర్లు ట్రావిస్ హెడ్, అభిషేక్ శర్మ దగ్గర నుంచి ఫినిషర్లు షాబాజ్ అహ్మద్, అబ్దుల్ సమద్ వరకు అందరిదీ ఒకే రకం ఆట. వచ్చిన బాల్ను వచ్చినట్లు బౌండరీకి, గ్యాలరీల్లోకి తరలించడమే పనిగా ఆడుతున్నారు ఎస్ఆర్హెచ్ బ్యాటర్లు. నిన్న ఢిల్లీ క్యాపిటల్స్తో మ్యాచ్లోనూ ఇదే రీతిలో ఆడుతూ పెను విధ్వంసం సృష్టించారు. దీంతో వీళ్ల దెబ్బకు ఐపీఎల్లో నయా రూల్ ప్రవేశపెట్టడం ఖాయంగా కనిపిస్తోంది.
ఢిల్లీ క్యాపిటల్స్తో మ్యాచ్లో తొలుత బ్యాటింగ్కు దిగిన సన్రైజర్స్ ఓవర్లన్నీ ఆడి 7 వికెట్లకు 266 పరుగులు చేసింది. ఆ తర్వాత ఛేజింగ్కు దిగిన పంత్ సేన 19.1 ఓవర్లకు 199 పరుగులకు ఆలౌట్ అయింది. 67 పరుగులు తేడాతో నెగ్గిన ఆరెంజ్ ఆర్మీ.. పాయింట్స్ టేబుల్లో రెండో స్థానానికి ఎగబాకింది. ఇక, డీసీతో మ్యాచ్లో ఎస్ఆర్హెచ్ బ్యాటర్లు ఆడిన తీరుకు అంతా భయపడ్డారు. ఆ జట్టు ప్లేయర్లు అందరూ కలసి ఏకంగా 22 సిక్సర్లు, 18 బౌండరీలు బాదారు. బాల్ వచ్చిందే తడవు భారీ షాట్లు ఆడుతుండటంతో బౌండరీ లైన్ దగ్గర ఉండే బాల్ బాల్స్ భయపడ్డారు. ఒక బాల్ బాయ్ అయితే సేఫ్టీ కోసం తలకు హెల్మెట్ కూడా పెట్టుకున్నాడు. దీనికి సంబంధించిన వీడియో సోషల్ మీడియాలో వైరల్ అవుతోంది.
బాల్ బాయ్ హెల్మెట్ పట్టుకున్న ఫొటోలు, వీడియోలను చూసిన నెటిజన్స్.. దీనికి ఎస్ఆర్హెచ్ బ్యాటర్లే కారణమని అంటున్నారు. మున్ముందు కూడా ఆరెంజ్ ఆర్మీ ప్లేయర్ల విధ్వంసం ఇలాగే కొనసాగుతుందని, కమిన్స్ సేన జోరును ఆపడం కష్టమని చెబుతున్నారు. ఇక మీదట ఎస్ఆర్హెచ్ మ్యాచ్లకు కొత్త రూల్ తీసుకొస్తారని.. బాల్ బాయ్స్ సహా స్టేడియంలోని ఆడియెన్స్ కూడా తలకు హెల్మెట్ పెట్టుకోవడం తప్పనిసరి అవుతుందేమోనని కామెంట్స్ చేస్తున్నారు. కాగా, నిన్నటి మ్యాచ్లో సన్రైజర్స్ తరఫున హెడ్, అభిషేక్ శర్మ చెరో 6 సిక్సులు బాదారు. అబ్దుల్ సమద్ ఒకటి.. క్లాసెన్, నితీష్ రెడ్డి చెరో రెండు సిక్సులు బాదారు. ఆఖర్లో షాబాజ్ అహ్మద్ 5 సిక్సులతో వీరంగం సృష్టించాడు.
Situation at the Arun Jaitley Stadium. pic.twitter.com/n4Z4jmphVD
— Mufaddal Vohra (@mufaddal_vohra) April 20, 2024
