టీ20 వరల్డ్ కప్-2024 ఫైనల్కు దూసుకెళ్లింది టీమిండియా. నాకౌట్ ఫైట్లో ఇంగ్లండ్ను 68 పరుగుల తేడాతో చిత్తు చేసి తుదిపోరుకు అర్హత సాధించింది. కప్పు కోసం ఆఖరి పోరులో సౌతాఫ్రికాను ఢీకొట్టనుంది రోహిత్ సేన.
టీ20 వరల్డ్ కప్-2024 ఫైనల్కు దూసుకెళ్లింది టీమిండియా. నాకౌట్ ఫైట్లో ఇంగ్లండ్ను 68 పరుగుల తేడాతో చిత్తు చేసి తుదిపోరుకు అర్హత సాధించింది. కప్పు కోసం ఆఖరి పోరులో సౌతాఫ్రికాను ఢీకొట్టనుంది రోహిత్ సేన.
టీ20 వరల్డ్ కప్-2024 ఫైనల్కు దూసుకెళ్లింది టీమిండియా. ఇంగ్లండ్ను 68 పరుగుల తేడాతో చిత్తు చేసి తుదిపోరుకు అర్హత సాధించింది. కప్పు కోసం ఆఖరి పోరులో సౌతాఫ్రికాను ఢీకొట్టనుంది రోహిత్ సేన. నిన్న ఇంగ్లండ్తో జరిగిన నాకౌట్ ఫైట్లో తొలుత బ్యాటింగ్కు దిగిన మెన్ ఇన్ బ్లూ.. ఓవర్లన్నీ ఆడి 7 వికెట్లకు 171 పరుగులు చేసింది. కెప్టెన్ రోహిత్ శర్మ (39 బంతుల్లో 57), సూర్యకుమార్ యాదవ్ (36 బంతుల్లో 47) ధనాధన్ బ్యాటింగ్తో మెరిశారు. ఆఖర్లో హార్దిక్ పాండ్యా (13 బంతుల్లో 23) భారీ షాట్లతో విరుచుకుపడ్డాడు. ఆ తర్వాత ఛేజింగ్కు దిగిన బట్లర్ సేన 16.4 ఓవర్లలో 103 పరుగులకే కుప్పకూలింది. కుల్దీప్ యాదవ్ (3/19), అక్షర్ పటేల్ (3/23) ప్రత్యర్థి వెన్ను విరిచారు. పేసుగుర్రం జస్ప్రీత్ బుమ్రా (2/12) కూడా అద్భుతమైన బౌలింగ్తో ఆకట్టుకున్నాడు.
సెమీస్లో ఇంగ్లండ్పై భారత్ ఘనవిజయం సాధించడంతో అభిమానులు సంబురాల్లో మునిగిపోయారు. టీమిండియా ప్లేయర్లు కూడా ఈ విక్టరీని ఫుల్గా సెలబ్రేట్ చేసుకున్నారు. అందరూ నవ్వుతూ, కేరింతలు కొడుతూ కనిపించారు. కానీ కెప్టెన్ రోహిత్ శర్మ మాత్రం కన్నీళ్లు ఆపుకోలేకపోయాడు. నాకౌట్ ఫైట్లో గెలుపుతో సంతోషం పట్టలేక అతడు ఏడ్చేశాడు. కోచ్ రాహుల్ ద్రవిడ్తో పాటు టాప్ బ్యాటర్ విరాట్ కోహ్లీ సముదాయించినా హిట్మ్యాన్ వినలేదు. చిన్న పిల్లాడిలా ఏడుస్తూ ఉండిపోయాడు. ఆ ఎమోషనల్ మూమెంట్స్కు సంబంధించిన వీడియోలు, ఫొటోలు నెట్టింట వైరల్ అవుతున్నాయి. క్రికెట్ లవర్స్కు ఇది మరో గెలుపే కావొచ్చు. కానీ రోహిత్కు అలా కాదు. ఇవి అతడికి భావోద్వేగభరిత క్షణాలు. ఏ సెమీస్లోనైతే ఇంగ్లండ్ మనల్ని చిత్తుగా ఓడించిందో.. అదే వరల్డ్ కప్ నాకౌట్ ఫైట్లో ఆ టీమ్ను అంతకు డబుల్గా చిత్తు చేసింది టీమిండియా. ఏ దూకుడు మంత్రంతో మన పని పట్టారో దాన్నే పాటించి ఇంగ్లీష్ టీమ్ను ఇంటికి పంపింది రోహిత్ సేన.
టీ20 ప్రపంచ కప్-2022లో భారత్ను 10 వికెట్ల తేడాతో ఇంగ్లండ్ ఓడించింది. ఆ మ్యాచ్లో మన టీమ్ సంధించిన 168 పరుగుల టార్గెట్ను ఒక్క వికెట్ నష్టపోకుండా ఛేదించింది. ఆ ఓటమి కెప్టెన్ రోహిత్ను ఎంతో బాధించింది. బాగా ఆడినా ఓడటం, ఇంగ్లీష్ టీమ్ను ఆపలేకపోవడం అతడ్ని హర్ట్ చేసింది. ఓటమి బాధ నుంచి కోలుకునేందుకు కొన్నాళ్లు టైమ్ తీసుకున్నాడు హిట్మ్యాన్. అక్కడి నుంచి అతడి దృక్పథం మారిపోయింది. రికార్డులు, పర్సనల్ మైల్స్టోన్స్ కాదు.. టీమ్ గెలుపే ముఖ్యంగా ఆడాలని ఫిక్స్ అయ్యాడు. తనతో పాటు మిగతా ప్లేయర్లు కూడా నిస్వార్థంగా ఆడాలని డిసైడ్ అయ్యాడు. ఫియర్లెస్ అప్రోచ్తో ముందుకు వెళ్లాలని తీర్మానించుకున్నాడు.
ఫియర్లెస్ అప్రోచ్ను అమల్లో పెట్టి ఇప్పటివరకు సక్సెస్ఫుల్గా జట్టును నడిపిస్తూ వస్తున్నాడు రోహిత్. ఈ పొట్టి కప్పులోనూ అదే విధంగా ఆడుతూ, తన తోటి ఆటగాళ్లను అదే మెంటాలిటీతో ఆడిస్తూ జట్టుకు ఎదురులేకుండా చేశాడు. నిన్న ఇంగ్లండ్ మీద కూడా అటాకింగ్ అప్రోచ్నే ఆయుధంగా వాడి చిత్తు చేశాడు. టీ20ల్లో 68 పరుగుల తేడాతో గెలుపు అంటే డబులు విక్టరీ అనే చెప్పాలి. ఏ సెమీస్లోనైతే ఓడాడో అదే సెమీస్లో ఇంగ్లీష్ టీమ్ను ఓడించడం ద్వారా పోయిన చోటే వెతుక్కోవాలనే సూత్రాన్ని నేర్పించాడు హిట్మ్యాన్. ఓటమి నుంచి లేచి నిలబడి గెలుపు కోసం కొత్త మార్గాలను అన్వేషించడం, స్వార్థం పక్కనబెట్టి చేయాల్సిన పనిని సరిగ్గా నిర్వర్తించడం, గెలుపైనా ఓటమైనా ఎంచుకున్న మార్గాన్ని వదలకపోవడం అతడి నుంచి అందరూ తెలుసుకోవాల్సిన లెసన్స్.
ఇదీ చదవండి: మరోసారి ఇండియాపై తన కుళ్లును వెల్లగక్కిన పాక్‌ దిగ్గజ క్రికెటర్!
