క్రికెట్ లవర్స్ కు గుడ్ న్యూస్.. దశాబ్ద కాలం తర్వాత మెగా టోర్నీ!

క్రికెట్ ప్రేమికులను ఉర్రూతలూగించడానికి మరో లీగ్ సిద్ధం కాబోతోంది. ఇప్పటికే ఐపీఎల్ జాతరను ఎంజాయ్ చేస్తున్న క్రికెట్ లవర్స్ ను అలరించడానికి 10 ఏళ్ల తర్వాత మళ్లీ ఆ స్టార్ లీగ్ రాబోతోంది. ఇందుకు సంబంధించి బీసీసీఐతో క్రికెట్ ఆస్ట్రేలియా, ఇంగ్లండ్ క్రికెట్ బోర్డులు చర్చలు జరుపుతున్నాయని విశ్వసనీయ వర్గాల సమాచారం. మరి దశాబ్ద కాలం తర్వాత ప్రారంభం కావడానికి సిద్దంగా ఉన్న ఆ మెగా టోర్నీ ఏది? పూర్తి వివరాలు..

ఛాంపియన్స్ లీగ్ టీ20.. సరిగ్గా 10 సంవత్సరాల క్రితం ఈ మెగాటోర్నీ చివరి సారిగా జరిగింది. మెుత్తం 6 సార్లు నిర్వహించిన ఈ లీగ్ లో రెండుసార్లు చెన్నై సూపర్ కింగ్స్, రెండుసార్లు ముంబై ఇండియన్స్ ఛాంపియన్స్ గా నిలవగా.. న్యూ సౌత్ వేల్స్, సిడ్నీ సిక్సర్లు టీమ్స్ ఒక్కోసారి విజేతగా నిలిచాయి. అయితే అభిమానుల నుంచి పెద్దగా ఆదరణ దక్కకపోవడంతో.. ఈ లీగ్ ను నిలిపివేశారు. కాగా.. ఛాంపియన్స్ లీగ్ టీ20ని తిరిగి నిర్వహించే అవకాశం కనిపిస్తున్నాయి. ఈ మేరకు బీసీసీఐ, క్రికెట్ ఆస్ట్రేలియా, ఇంగ్లండ్ బోర్డుల మధ్య సమావేశాలు జరుగుతున్నాయని క్రికెట్ విక్టోరియా సీఈవో నిక్ కమిన్స్ తెలిపాడు. దీంతో ఈ లీగ్ పై ఆశలు రేకెత్తాయి.

ఇదిలా ఉండగా.. క్రికెట్ ఆదరణ ఉన్న దేశాల్లో ఓ డొమెస్టిక్ లీగ్ నిర్వహించుకుంటారు. అందులో అత్యుత్తమ ప్రదర్శన కనబర్చిన టీమ్స్ ఈ లీగ్ కు అర్హత సాధిస్తాయి. 2009లో ప్రారంభమై 2014 వరకు మెుత్తం ఆరుసార్లు ఈ లీగ్ ను నిర్వహించారు. చివరి సారిగా జరిగిన ఫైనల్ మ్యాచ్ లో చెన్నై సూపర్ కింగ్స్ టీమ్ కోల్ కత్తా నైట్ రైడర్స్ ను ఓడించి ఛాంపియన్ గా నిలిచింది. దశాబ్ద కాలం తర్వాత మళ్లీ ఈ లీగ్ కు మహర్ధశ పట్టనుంది. ఈ మెగా టోర్నీ ప్రారంభం అయితే క్రికెట్ ప్రేమికులకు పండగే.

ఇదికూడా చదవండి: Virat Kohli: టీ20 వరల్డ్ కప్ 2024 కోహ్లీ ఆడటం పక్కా! ఇదిగో ప్రూఫ్