బాలీవుడ్ కింగ్ ఖాన్ షారుక్ అదిరిపోయే రీతిలో కమ్బ్యాక్ ఇచ్చారు. వరుసగా ఫ్లాపులు రావడంతో కొన్నాళ్లు సినిమాలకు దూరంగా ఉన్న స్టార్ హీరో.. ఆ తర్వాత బ్యాక్ టు బ్యాక్ రెండు బ్లాక్ బస్టర్లు ఇచ్చారు. ఈ ఏడాది మొదట్లో ‘పఠాన్’తో రూ.1,000 కోట్ల క్లబ్లోకి ఎంట్రీ ఇచ్చిన షారుక్.. ఏడు నెలల గ్యాప్లో ‘జవాన్’తో మరో భారీ హిట్ కొట్టారు. ఒకే ఏడాదిలో రెండు సూపర్ హిట్స్తో బాలీవుడ్లో తానే నంబర్ వన్ అని ఆయన నిరూపించుకున్నారు. కోలీవుడ్ స్టార్ డైరెక్టర్ అట్లీ రూపొందించిన ‘జవాన్’ నార్త్తో పాటు సౌత్లోనూ వసూళ్లలో దుమ్మురేపుతోంది. ముఖ్యంగా తమిళనాడులో కింగ్ ఖాన్ మూవీకి కలెక్షన్స్ ఒక రేంజ్లో వస్తున్నాయి.
‘జవాన్’ చిత్రం విడుదలైనప్పటి నుంచి ఇప్పటివరకు రూ.650 కోట్లకు పైగా వసూళ్లు రాబట్టి సరికొత్త రికార్డు క్రియేట్ చేసింది. ఫుల్రన్లో ‘పఠాన్’ కలెక్షన్స్ను ఈ సినిమా అధిగమిస్తుందో లేదో చూడాలి. ‘జవాన్’ సక్సెస్లో అట్లీ డైరెక్షన్, షారుక్ ఫెంటాస్టిక్ యాక్టింగ్తో పాటు సంగీత దర్శకుడు అనిరుధ్కు కూడా క్రెడిట్ ఇవ్వాల్సిందే. ‘జవాన్’లో అదిరిపోయే బ్యాగ్రౌండ్ మ్యూజిక్ ఇచ్చాడు అనిరుధ్. అలాగే ‘చలేయా’ రూపంలో ఓ చార్ట్ బస్టర్ సాంగ్ను కూడా కంపోజ్ చేశాడు. సినిమాలో ఈ పాటకు షారుక్ ఖాన్, నయనతార కూల్ స్టెప్స్ వేస్తూ ఆడియెన్స్ను అలరించారు. మూవీ రిలీజ్ తర్వాత ఈ పాట మరింత హిట్టయింది. ‘చలేయా’ సాంగ్లో డ్యాన్స్ కంపోజిషన్కు ప్రేక్షకులు ఫిదా అయిపోయారు.
‘చలేయా’ పాటకు ప్రేక్షకులతో పాటు సెలబ్రిటీలు కూడా డ్యాన్స్ చేస్తూ రీల్స్ చేస్తున్నారు. అనారోగ్యంతో ఆస్పత్రిలో చికిత్స పొందుతున్న షారుక్ లేడీ ఫ్యాన్ ఒకరు కూడా ‘చలేయా’ పాటకు కాళ్లు కదిపారు. రీసెంట్గా కోలుకున్న ఆమె బెడ్ మీద నుంచి లేచి మరీ పాటకు స్టెప్పులేశారు. సోషల్ మీడియాలో వైరల్గా మారిన ఈ వీడియోను చూసిన షారుక్ కూడా ఆమె డ్యాన్స్కు ఫిదా అయ్యారు. ఇది చాలా బాగుందని.. మీరు త్వరగా కోలుకొని ‘జవాన్’ మూవీ చూడండని ఆ అభిమానిని ఉద్దేశించి షారుక్ ఓ ట్వీట్ చేశాడు. హాస్పిటల్ నుంచి బయటకు వచ్చాక మరో డ్యాన్స్ వీడియో చేయాలని.. దాని కోసం ఎదురు చూస్తానని ఆ ట్వీట్లో ఆయన రాసుకొచ్చారు.
ఇదీ చదవండి: విశాల్ ‘మార్క్ ఆంటోనీ’ మూవీ రివ్యూ!
Hospital patient dancing on Chaleya from #Jawan. INSANE! Shah Rukh Khan is the resource of happiness.. pic.twitter.com/gzPlJUu7SN
— ℣αɱριя౯ (@SRKsCombatant) September 13, 2023
