మన దగ్గర హీరోల రెమ్యూనరేషన్‌తో పోలిస్తే.. హీరోయిన్లు అందుకునే పారితోషికం చాలా తక్కువగా ఉంటుంది. ఆఖరికి అది హీరోయిన్ ఓరియెంటెడ్‌ చిత్రమైనా సరే.. హీరోయిన్లకు ఇచ్చే పారితోషికం.. హీరోలకు ఇచ్చే రెమ్యూనరేషన్‌తో పోలిస్తే చాలా తక్కువగా ఉంటుంది. సినిమాకు ఒక హీరో 50-60 కోట్ల రూపాయలు తీసుకుంటే.. హీరోయిన్‌కు అందులో పది శాతం ఇచ్చినా చాలా ఎక్కువే. ఆఖరికి బాలీవుడ్‌ స్టార్ హీరోయిన్లు అయిన దీపికా పదుకోన్‌, ఆలియా భట్‌, కంగనా వంటి తారలు సైతం హీరోలకు సమానమైన రెమ్యూనరేషన్‌ అందుకోవడం లేదు. ఈ క్రమంలో ఓ నటి మాత్రం ఏకంగా నిమిషానికి కోటి రూపాయలు చొప్పున పారితోషికం తీసుకుంటూ.. అందరిని ఆశ్చర్యపరుస్తోంది. మరి ఇంతకు ఆమె స్టార్ హీరోయినా ఆ అంటే కాదు.. మరి నిమిషానికి కోటి రూపాయలు పారితోషికం అందుకుంటున్న ఆ నటి ఎవరంటే..
బాలీవుడ్‌లో నిమిషానికి కోటి రూపాయల పారితోషికం అందుకుంటూ.. టాక్‌ ఆఫ్‌ది బీటౌన్‌గా నిలిచింది ఓ హీరోయిన్. ఆమె ఒక్క నిమిషం సినిమాలో కనిపించడానికి రూ.1 కోటి వసూలు చేస్తున్నట్లు వార్తలు వస్తున్నాయి. మరి స్టార్ హీరోయిన్లు కూడా ఆ రేంజ్‌లో పారితోషికం ఇవ్వడం లేదు కదా.. మరి ఈ ముద్దుగుమ్మకు ఎందుకు ఇస్తున్నారు.. ఆమెలో ప్రత్యేకత ఏంటి.. ఇంతకు ఎవరా నటి అంటే.. ఆమె ‘వాల్తేరు వీరయ్య’లో ‘‘వేరీజ్ ది పార్టీ..’’ అంటూ చిందులేసిన ఐటెమ్ భామ ఊర్వశీ రౌతేలా. అవును మీరు విన్నది నిజమే.. ఈ ముద్దుగుమ్మకు ఇప్పుడు బాలీవుడ్‌లోనే కాక సౌత్‌లో కూడా ఫుల్‌ డిమాండ్ ఉంది. ఇక దీపం ఉన్నప్పుడే ఇల్లు చక్కబెట్టుకోవాలనే మాటను తూచా తప్పకుండా పాటిస్తోంది ఈ భామ. దాంతో తన క్రేజ్‌ను దృష్టిలో పెట్టుకుని.. నిమిషానికి రూ.కోటి చొప్పున వసూలు చేస్తుందట.
చిరంజీవి నటించిన ‘వాల్తేరు వీరయ్య’ సినిమాలో స్పేషల్‌ సాంగ్‌లో నటించేందుకు ఊర్వశీ ఏకంగా రూ.2 కోట్లు వసూలు చేసినట్లు సమాచారం. ఆ మూవీ మంచి విజయం సాధించడంతో ఊర్వశీకి టాలీవుడ్‌లో డిమాండ్ పెరిగింది.. వరుస అవకాశాలు క్యూ కట్టాయి. ఆ తర్వాత అఖిల్ హీరోగా నటించిన ‘ఏజెంట్’ మూవీలో ‘‘వైల్డ్ సాలా..’’ అంటూ డ్యాన్స్ ఇరగదీసింది. తాజాగా పవన్ కళ్యాణ్, సాయి ధరమ్ తేజ్ నటిస్తోన్న ‘బ్రో’ మూవీలోని స్పెషల్ సాంగ్‌లో కూడా నటించింది. ఈ పాటలో సితార మంజరీగా ఆకట్టుకుంది. అంతేకాక ‘బ్రో’ మూవీతోపాటు బోయపాటి శ్రీను దర్శకత్వంలో తెరకెక్కుతోన్న ‘స్కంద’ మూవీలో కూడా ఊర్వశీ రౌతేలా స్పెషల్ సాంగ్‌లో నటించే చాన్స్‌ కొట్టేసింది. ఈ మూవీలో ఒక స్పెషల్ సాంగ్‌లో 3 నిమిషాలు కనిపించేందుకు ఏకంగా రూ.3 కోట్లు డిమాండ్ చేసిందట.
దీంతో నిమిషానికి రూ.కోటి చొప్పున వసూలు చేస్తోన్న ఊర్వశీ అంటూ మీడియాలో వార్తలు వస్తున్నాయి. మరి ఇది నిజమో కాదో ఊర్వశీకే తెలియాలి. ఈ వార్తలు కనుక వాస్తవం అయితే.. ప్రస్తుతం ఉన్న స్టార్ హీరోయిన్స్ తీసుకుంటున్న రెమ్యూనరేషన్‌ కంటే ఇది చాలా ఎక్కువ. అదే నిజమైతే ఇండియాలో అత్యధిక పారితోషికం తీసుకుంటున్న హీరోయిన్ల జాబితాలో ఊర్వశీ టాప్‌లో ఉండటం ఖాయం అంటున్నారు.
