‘జాతి రత్నాలు’ సినిమాతో టాలీవుడ్‌లో క్రేజీ దర్శకుడిగా మారిపోయారు కేవీ అనుదీప్‌. జాతి రత్నాలు సినిమా తర్వాత తమిళంలో ‘ప్రిన్స్‌’ అనే సినిమా తీశారు. తమిళ స్టార్‌ హీరో శివకార్తికేయన్‌ నటించిన ఈ సినిమా ఆశించిన స్థాయిలో విజయాన్ని అందుకోలేకపోయింది. ఈ సినిమా రిలీజై దాదాపు సంవత్సరం అవుతున్నా.. అనుదీప్‌ తన నెక్ట్స్‌ ప్రాజెక్టు గురించి ఎలాంటి క్లారిటీ ఇవ్వలేదు. నటుడిగా మాత్రం ఓ సినిమాలో నటించారు. ఆయన నటించిన ‘మ్యాడ్‌’ సినిమా త్వరలో ప్రేక్షకుల ముందుకు రానుంది.
ఈ నేపథ్యంలో చిత్ర బృందం ప్రీ రిలీజ్‌ ఈవెంట్‌ను నిర్వహించింది. ఈ ఈవెంట్‌కు అనుదీప్‌ కూడా హాజరయ్యారు. ఈ సందర్భంగా ఓ షాకింగ్‌ నిర్ణయాన్ని వెల్లడించారు. ఇకపై సినిమాల్లో నటించనన్నారు. మ్యాడీ సినిమానే తన చివరి సినిమా అని చెప్పుకొచ్చారు. మ్యాడ్‌ సినిమా దర్శకుడు కల్యాణ్‌ అడిగినందు వల్లే తాను ఆ సినిమాలో నటించానని చెప్పారు. ఆయన కోసమే ఆ సినిమాలో నటించానని, ఇకపై సినిమాల్లో నటించడానికి దూరంగా ఉంటానని స్పష్టం చేశారు.
కాగా, 2016లో వచ్చిన ‘పిట్టగోడ’ సినిమాతో దర్శకుడిగా మారారు. ఈ సినిమా తర్వాత చాలా ఏళ్లు గ్యాప్‌ ఇచ్చారు. దాదాపు ఐదేళ్ల తర్వాత 2021లో ‘జాతి రత్నాలు’ సినిమాతో ప్రేక్షకుల ముందుకు వచ్చారు. ఈ సినిమాలో అనుదీప్‌ కేమియో అప్పియరెన్స్‌ ఇచ్చారు. ప్రస్తుతం కొత్త సినిమా ఏదీ ప్రకటించకపోయినప్పటికీ.. కొన్ని ప్రచారాలు మాత్రం జోరుగా సాగుతున్నాయి. ఆయన రవితేజతో కలిసి ఓ సినిమా చేయబోతున్నారని టాక్‌. మరి, అనుదీప్‌ నటనకు దూరంగా ఉంటానని చెప్పటంపై మీ అభిప్రాయాలను కామెంట్లరూపంలో తెలియజేయండి.
