అనంత్ అంబానీ పెళ్లి ఓ సర్కస్ లాంటిది. అంతా ఆర్భాటమే: స్టార్ డైరెక్టర్ కుమార్తె!

అనంత్ అంబానీ- రాధికా మర్చంట్ పెళ్లి గురించే ఇప్పుడు ఎక్కడ చూసినా చర్చ జరుగుతోంది. ఈ పెళ్లి గురించి గత కొన్నిరోజులుగా వార్తలు వస్తూనే ఉన్నాయి. అందరూ ఇదే అంశంపై మాట్లాడుకుంటున్నారు. ఈ పెళ్లికి సంబంధించి ఏ చిన్న ఈవెంట్ ఉన్నా కూడా బాలీవుడ్ లో ఉన్న స్టార్స్ అంతా ఆ కార్యక్రమానికి వచ్చేస్తున్నారు. అలా ప్రతి విషయం నెట్టింట, మీడియాలో బాగా వైరల్ అవుతూనే ఉంది. అయితే ఎన్నిసార్లు తనకు ఆహ్వానం అందినా కూడా తాను మాత్రం ఆ పెళ్లికి వెళ్లలేదని ఒక బాలీవుడ్ స్టార్ డైరెక్టర్ కుమార్తె చెబుతోంది. అక్కడితో ఆగకుండా ఆమె అనంత్ అంబానీ- రాధికా మర్చంట్ ల వివాహంపై కాస్త ఘాటు వ్యాఖ్యలే చేసింది.

అనంత్ అంబానీ- రాధికా మర్చంట్ వివాహానికి సంబంధించి ఏ చిన్న విషయం అయినా సెన్సేషన్ అనే చెప్పాలి. ఇప్పటి వరకు చేసిన అన్ని కార్యక్రమాలు అలాగే ఉన్నాయి. అప్పుడెప్పుడో చేసిన అన్న సేవ దగ్గరి నుంచి.. మొన్న చేసిన సంగీత్ వరకు ప్రతిదీ వార్తల్లో నిలిచింది. కేవలం ఇద్దరు సింగర్స్ కే రూ.140 కోట్లకు పైగా అందించారు అనేది బాగా హైలెట్ అయ్యింది. ఇంక సేవా కార్యక్రమాలకు సంబంధించి 50 జంటలు సామూహిక వివాహం జరిపించారు. వారికి బంగారం, డబ్బుతో పాటుగా వస్తువులు కూడా అందించారు. ఇలా ఏ అంశం అయినా నెక్ట్స్ లెవల్ అటెన్షన్ గ్రాబ్ చేస్తోంది. వీటన్నింటికంటే ముఖ్యంగా బాలీవుడ్ సెలబ్రిటీలు ఈ పెళ్లికే ప్రధాన ఆకర్షణగా ఉంటున్నారు. కానీ, ఒక బాలీవుడ్ స్టార్ డైరెక్టర్ కుమార్తె మాత్రం అందుకు నిర్మెహమాటంగా నో చెప్పేసిందంట.

ఆ బాలీవుడ్ స్టార్ డైరెక్టర్ ఎవరో కాదు.. అనురాగ్ కశ్యప్. ఈ వ్యాఖ్యలు చేసింది అనురాగ్ కశ్యప్ కుమార్తె ఆలియా కశ్యప్ అని చెప్తున్నారు. ఇన్ స్టాగ్రామ్ లోని ఆమె ఛానల్ లో ఈ అంశంపై వరుస మెసేజులు పెట్టినట్లు వార్తలు వచ్చాయి. ఆ మెసేజుల సారాంశం ఏంటంటే.. “అంబానీ ఇంట పెళ్లి.. పెళ్లిలా లేదు. ఈ సందర్భంలో ఒక సర్కస్ లా మారిపోయింది. నన్ను కొన్ని ఈవెంట్స్ కి ఆహ్వానించారు. అలా ఎందుకంటే వాళ్లు పీఆర్ చేస్తున్నారు (అలా ఎందుకు అని నన్ను అడగద్దు) కానీ నేను వద్దు అని చెప్పాను. అలా ఎందుకు చెప్పాను అంటే నాకు కొంచం ఎక్కువ ఆత్మగౌరవం ఉంది అని నా అభిప్రాయం. ఒకరి పెళ్లి కోసం నన్ను అమ్ముకోవడం కంటే కూడా నాకు నా గౌరవం ముఖ్యం.” అంటూ ఆ మెసేజుల్లో ఉంది. ఇప్పుడు ఈ కామెంట్స్ కు సంబంధించి నెట్టింట బాగానే చర్చ జరుగుతోంది. అంటే బాలీవుడ్ లో ఎంతో గొప్ప స్టార్స్ అని చెప్పుకునే ఖాన్స్, కపూర్స్ కూడా ఆ పెళ్లిలో సందడి చేస్తున్నారు. ఒక్కసారి తమని ఇన్ వైట్ చేస్తే బాగుండి అని కలలు కంటారు. మరి.. అనురాగ్ కశ్యప్ కుమార్తె చేసిందని చెప్తున్న వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.