ఐపీఎల్ వేదికపై తెలుగోడికి అరుదైన గౌరవం దక్కింది. సన్రైజర్స్ హైదరాబాద్ యంగ్ గన్ నితీష్ కుమార్ రెడ్డి ప్రతిభకు గుర్తింపు లభించింది.
ఐపీఎల్ వేదికపై తెలుగోడికి అరుదైన గౌరవం దక్కింది. సన్రైజర్స్ హైదరాబాద్ యంగ్ గన్ నితీష్ కుమార్ రెడ్డి ప్రతిభకు గుర్తింపు లభించింది.
గత కొన్ని సీజన్లుగా నిరాశపరుస్తూ వచ్చింది సన్రైజర్స్ హైదరాబాద్. గెలవడమే మర్చిపోయినట్లు ఆడుతూ పాయింట్స్ టేబుల్లో ఆఖర్లో నిలవడం అలవాటుగా చేసుకుంది. దీంతో సొంత అభిమానుల నుంచి కూడా ఆరెంజ్ ఆర్మీ తీవ్ర విమర్శలు ఎదుర్కొంది. ఆ జట్టు పనైపోయిందని అంతా ఫిక్స్ అయ్యారు. అయితే పడి లేచిన కెరటంలా ఈ సీజన్లో దూసుకొచ్చింది. భారీ విజయాలతో ప్రత్యర్థుల గుండెల్లో రైళ్లు పరిగెత్తించింది ఎస్ఆర్హెచ్. లీగ్ దశ ముగిసేసరికి టాప్-2లో నిలిచింది. ప్లేఆఫ్స్ తొలి మ్యాచ్లో ఓడినా క్వాలిఫైయర్-2లో గెలిచి ఫైనల్స్లోకి అడుగుపెట్టింది. దీంతో కప్పు ఖాయమని అంతా అనుకున్నారు. కానీ సన్రైజర్స్ ఫ్యాన్స్కు మరోసారి నిరాశే మిగిలింది. ఐపీఎల్-2024 తుదిపోరులో కేకేఆర్ చేతుల్లో ఓడి రన్నరప్తో సరిపెట్టుకుంది కమిన్స్ సేన.
సండే ఫైట్లో తొలుత బ్యాటింగ్ చేసిన ఎస్ఆర్హెచ్ 18.3 ఓవర్లలో కుప్పకూలింది. ఆ తర్వాత ఛేజింగ్ స్టార్ట్ చేసిన అయ్యర్ సేన 10.3 ఓవర్లలోనే టార్గెట్ను అందుకొని సంబురాల్లో మునిగిపోయింది. అయితే కప్పు మిస్సైనా సన్రైజర్స్ అభిమానులకు ఓ విషయం ఊరటను కలిగించింది. ఈ సీజన్ మొత్తం అద్భుతమైన బ్యాటింగ్, క్వాలిటీ బౌలింగ్తో అదరగొట్టిన యంగ్ గన్ నితీష్ కుమార్ రెడ్డికి అరుదైన గౌరవం దక్కింది. ఎమర్జింగ్ ప్లేయర్ ఆఫ్ ది ఇయర్ పురస్కారానికి ఈ తెలుగోడు ఎంపికయ్యాడు. బ్యాటింగ్, బౌలింగ్, ఫీల్డింగ్లో చూపిన అసమాన ప్రదర్శనకు గానూ ఈ అవార్డును అతడికి బహూకరించారు. మ్యాచ్ తర్వాత నితీష్కు ఈ పురస్కారాన్ని ఇస్తున్న టైమ్లో స్టేడియంలోని ఫ్యాన్స్ చప్పట్లతో అతడ్ని అభినందించారు.
ఈ సీజన్లో తనలోని టాలెంట్ను వరల్డ్ క్రికెట్కు పరిచయం చేశాడు నితీష్ రెడ్డి. 13 మ్యాచుల్లో 142 స్ట్రైక్ రేట్తో 303 పరుగులు చేశాడు. మిడిల్ ఓవర్స్లో క్రీజులోకి వచ్చి అటు వికెట్లను కాపాడటంతో పాటు ఇటు స్కోరు బోర్డును కూడా పరిగెత్తిస్తూ సన్రైజర్స్ విజయాల్లో కీలకంగా వ్యవహరించాడు నితీష్. బ్యాట్తోనే గాక కమిన్స్ చేతికి బాల్ ఇచ్చిన ప్రతిసారి పేస్ బౌలింగ్తో వికెట్లు కూడా తీస్తూ తనపై టీమ్ మేనేజ్మెంట్కు ఉన్న నమ్మకాన్ని నిలబెట్టుకున్నాడు. గ్రౌండ్ ఫీల్డింగ్లో రన్స్ లీక్ కాకుండా చూసుకున్నాడు. అదే టైమ్లో బౌండరీ లైన్ వద్ద సూపర్బ్ క్యాచ్లు అందుకున్నాడు. అందుకే టోర్నీలో చాలా మంది యంగ్స్టర్స్ రాణించినా.. నితీష్ రెడ్డినే ఎమర్జింగ్ ప్లేయర్ అవార్డు వరించింది. మరి.. నితీష్ ఆటతీరుపై మీ ఒపీనియన్ను కామెంట్ చేయండి.
Nitish Kumar Reddy wins Emerging Player Of The Year award. pic.twitter.com/j4SbzfsnBs
— Mufaddal Vohra (@mufaddal_vohra) May 26, 2024
