భారత విధ్వంసక ఆటగాడు సూర్యకుమార్ యాదవ్ ఎట్టకేలకు తన ప్రతాపాన్ని చూపించాడు. వెస్టిండీస్ జట్టుతో గయానా వేదికగా జరిగిన మూడో టీ20 మ్యాచ్లో అతడు ఆకాశమే హద్దుగా చెలరేగాడు. ఆతిథ్య జట్టు బౌలర్లను మిస్టర్ 360 ఒక రేంజ్లో ఊచకోత కోశాడు. ఈ మ్యాచ్లో 83 రన్స్ చేసిన సూర్య.. కేవలం 30 బంతుల్లోనే తన హాఫ్ సెంచరీ మార్క్ను అందుకున్నాడు. అతడి ఇన్నింగ్స్లో 10 ఫోర్లు, 4 సిక్సులు ఉన్నాయి. బౌండరీలు, సిక్సుల రూపంలోనే సూర్య 64 రన్స్ చేశాడు. దీన్ని బట్టే అతడి బ్యాటింగ్ విధ్వంసం ఏ స్థాయిలో సాగిందో అర్థం చేసుకోవచ్చు.
సూర్యకుమార్ యాదవ్తో పాటు తెలుగు తేజం తిలక్ వర్మ (49 నాటౌట్), కెప్టెన్ హార్దిక్ పాండ్యా (20 నాటౌట్) కూడా రాణించడంతో మూడో టీ20లో భారత్ 7 వికెట్ల తేడాతో ఘన విజయం సాధించింది. ఈ మ్యాచ్లో సూర్య పలు అరుదైన రికార్డులను తన పేరు మీద లిఖించుకున్నాడు. ఈ మ్యాచ్లో సంచలన ఇన్నింగ్స్తో చెలరేగిన సూర్య ప్లేయర్ ఆఫ్ ది మ్యాచ్గా నిలిచాడు. ఇది అతడి కెరీర్లో 12వ ప్లేయర్ ఆఫ్ ది మ్యాచ్ అవార్డు కావడం విశేషం. ఈ లిస్టులో ఉన్న రోహిత్ శర్మ (11)ను సూర్య అధిగమించాడు.
ఎక్కువ ప్లేయర్ ఆఫ్ ది మ్యాచ్ అవార్డులు అందుకున్న భారతీయుల జాబితాలో సూర్య కంటే ముందు విరాట్ కోహ్లీ (15) ఉన్నాడు. ఈ మ్యాలో సూర్య మరో అరుదైన రికార్డును కూడా తన ఖాతాలో వేసుకున్నాడు. ఇంటర్నేషనల్ టీ20ల్లో సూర్య 100 సిక్సుల మైలురాయిని అందుకున్నాడు. టీమిండియా ఇన్నింగ్స్ 10వ ఓవర్ వేసిన షెఫర్డ్ బౌలింగ్లో సూర్య తన వందో సిక్స్ను బాదాడు. ఈ క్రమంలో టీ20 క్రికెట్లో అత్యంత వేగంగా 100 సిక్సుల మార్క్ను చేరుకున్న రెండో ప్లేయర్గా నిలిచాడు. మొత్తంగా ఒక్క ఇన్నింగ్స్తో విమర్శకులకు గట్టి జవాబిచ్చిన సూర్య.. పలు రికార్డులను ఖాతాలో వేసుకొని అభిమానులనూ సంతోషపర్చాడు.
Most Player of the match awards by Indians in T20I:#VirqtKohli – 15 (115 matches)#SuryakumarYadav – 12* (51 matches)#RohitSharma – 11 (148 matches) pic.twitter.com/Uqc55fpO22
— NAVNEET (@NAVNEET09780119) August 8, 2023
