ఐసీసీ ప్రకటించిన వన్డే ర్యాంకింగ్స్లో భారత స్టార్ ఓపెనర్ శుబ్మన్ గిల్ నంబర్ వన్ బ్యాటర్గా నిలిచాడు. అయితే అతడి కంటే ముందే కొందరు టీమిండియా లెజెండ్స్ ఈ ఘనతను సాధించారు.
ఐసీసీ ప్రకటించిన వన్డే ర్యాంకింగ్స్లో భారత స్టార్ ఓపెనర్ శుబ్మన్ గిల్ నంబర్ వన్ బ్యాటర్గా నిలిచాడు. అయితే అతడి కంటే ముందే కొందరు టీమిండియా లెజెండ్స్ ఈ ఘనతను సాధించారు.
వన్డే ప్రపంచ కప్-2023లో భారత టీమ్ జైత్రయాత్ర నడుస్తోంది. టోర్నమెంట్లో ఆడిన ఎనిమిదికి ఎనిమిది మ్యాచుల్లోనూ నెగ్గింది. టీమిండియాను ఆపే టీమ్ దరిదాపుల్లోనూ ఎక్కడా కనిపించడం లేదు. ఇదే జోరును కంటిన్యూ చేస్తే సెమీస్, ఫైనల్ మ్యాచ్ల్లోనూ నెగ్గి ముచ్చటగా మూడోసారి వన్డే వరల్డ్ కప్ను టీమిండియా కైవసం చేసుకోవడం ఖాయమని చెప్పొచ్చు. లీగ్ దశలో నెదర్లాండ్స్తో లాస్ట్ మ్యాచ్ ఆడాల్సిన భారత్.. సెమీస్పై ఫోకస్ చేస్తోంది. డచ్ టీమ్తో గేమ్ అంత ఇంపార్టెంట్ కాదు కాబట్టి.. నాకౌట్ పోరులో ఎలా ఆడాలి, ఏ ప్లాన్తో ముందుకెళ్లాలి అనే దాని మీద కెప్టెన్ రోహిత్ శర్మ, కోచ్ రాహుల్ ద్రవిడ్లు సమాలోచనలు చేస్తున్నారు.
ఈ వరల్డ్ కప్లో భారత్ వరుస విజయాల్లో బ్యాటర్లు, బౌలర్ల పాత్ర ఎంతో కీలకం. అందరూ రాణిస్తూ ఆల్రౌండ్ పెర్ఫార్మెన్స్ ఇస్తున్నారు కాబట్టే టీమిండియా హాట్ ఫేవరెట్గా దూసుకెళ్తోంది. అద్భుతంగా పెర్ఫార్మ్ చేస్తున్న భారత క్రికెటర్ల కాళ్ల దగ్గరకు వచ్చి పడ్డాయి ఐసీసీ ర్యాంకులు. యువ సంచలనం శుబ్మన్ గిల్ వన్డేల్లో నంబర్ వన్ బ్యాట్స్మన్గా నిలిచాడు. ఐసీసీ ప్రకటించిన తాజా ర్యాంకుల్లో పాకిస్థాన్ కెప్టెన్ బాబర్ ఆజం (824 పాయింట్లు)ను వెనక్కి నెట్టాడు గిల్ (830). స్టార్ బ్యాటర్ విరాట్ కోహ్లీ (770), కెప్టెన్ రోహిత్ శర్మ (739) నాలుగు, ఆరు స్థానాల్లో నిలిచారు. బౌలింగ్ ర్యాంకింగ్స్లోనూ టీమిండియా అదరగొట్టింది. మహ్మద్ సిరాజ్ (709) ఫస్ట్ ప్లేస్ను తిరిగి సొంతం చేసుకున్నాడు.
స్పిన్నర్ కుల్దీప్ యాదవ్ (661), పేసర్లు జస్ప్రీత్ బుమ్రా (654), మహ్మద్ షమి (635) వరుసగా నాలుగు, ఎనిమిది, పది ర్యాంకుల్లో నిలిచారు. ఇక, ఆల్రౌండర్స్ విభాగంలో షకీబల్ హసన్ ఫస్ట్ ప్లేసులో కొనసాగుతున్నాడు. రవీంద్ర జడేజా 10వ పొజిషన్లో ఉన్నాడు. టీమ్ ర్యాంకింగ్స్లో టెస్టులు, వన్డేలు, టీ20ల్లో రోహిత్ సేన నంబర్ వన్ జట్టుగా కంటిన్యూ అవుతోంది. అయితే మిగిలిన ర్యాంకుల కంటే కూడా ఎంతో గొప్పగా చెప్పుకునే బ్యాటర్ల ర్యాంకింగ్స్లో గిల్ ఫస్ట్ ప్లేస్కు చేరుకోవడాన్ని అందరూ మెచ్చుకుంటున్నారు. అన్ని ఫార్మాట్లలోనూ నిలకడమైన ఆటతీరుతో అదరగొడుతున్న ఈ 24 ఏళ్ల యంగ్ బ్యాటర్.. ముఖ్యంగా వన్డేల్లో చాలా బాగా ఆడుతున్నాడు. గతేడాది జులైలో టీమ్లోకి వచ్చిన శుబ్మన్ తగ్గేదేలే అంటూ పరుగుల వరద పారిస్తున్నాడు. ఇప్పటికే ఏకంగా ఆరు సెంచరీలు బాదాడు.
ఈ ఏడాది మొదట్లో న్యూజిలాండ్పై డబుల్ సెంచరీ కూడా బాదాడు గిల్. ఇప్పుడు వరల్డ్ కప్లోనూ అదే జోరును కంటిన్యూ చేస్తున్నాడు. వన్డేల్లో నిలకడగా రన్స్ చేస్తున్న గిల్ నంబర్ వన్ ప్లేస్కు చేరుకోవడంతో అందరూ అతడ్ని మెచ్చుకుంటున్నారు. అయితే గిల్ కంటే ముందు కొందరు టీమిండియా లెజెండ్స్ ర్యాంకింగ్స్లో నంబర్ వన్గా నిలిచారు. గిల్కు ముందు సచిన్ టెండూల్కర్, ఎంఎస్ ధోని, విరాట్ కోహ్లీ, మిథాలీ రాజ్, స్మృథి మంథాన ఈ అరుదైన ఘనత సాధించారు. అతి తక్కువ ఇన్నింగ్స్ల్లో నంబర్ వన్ ర్యాంక్ సాధించిన భారత బ్యాట్స్మెన్లో ధోని (31 ఇన్నింగ్స్) తర్వాత గిల్ (41 ఇన్నింగ్స్) రెండో ప్లేసులో నిలిచాడు. మరి.. గిల్ నంబర్ వన్ ర్యాంక్కు చేరుకోవడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: బంగ్లా కెప్టెన్ షకీబ్ పరువు తీసిన క్రిస్ వోక్స్.. అంపైర్ దగ్గరకు వెళ్లి..!
Indians becoming No.1 ODI batter:
– Sachin Tendulkar.
– MS Dhoni.
– Virat Kohli.
– Mithali Raj.
– Smriti Mandhana.
– Shubman Gill.Gill joins the elite list…!!! pic.twitter.com/eVpeI920SQ
— Mufaddal Vohra (@mufaddal_vohra) November 8, 2023
