idream media
idream media
డిసెంబర్ 2 న “హిట్-ది సెకండ్ కేస్” విడుదలవుతోంది. ఇది విష్వక్సేన్ నటించిన “హిట్-1” కి కొనసాగింపా అని ఐడ్రీం ఇంటర్వ్యూలో అడిగిన ప్రశ్నకి “హిట్-ది సెకండ్ కేస్” హీరో అడవి శేష్ జవాబిచ్చారు.
“ముందు హిట్-1లోని విక్రం క్యారక్టర్ ని అలాగే కంటిన్యూ చేద్దామనుకున్నారు. కానీ వేరు వేరు నగరాల్లోని వేరు వేరు పోలీసాఫర్స్ కథలు చెబితే కాన్వాస్ పెరుగుతుంది కదా అలోచించి “హిట్” యూనివెర్స్ క్రియేట్ చెయ్యాలనుకున్నారు. అలా వస్తున్నదే ఈ హిట్2. మొత్తానికి ఏడు “హిట్” సీక్వెల్స్ పూర్తైన తర్వాత 8వ సెక్వెల్లో ఈ 7గురు ఆఫీసర్స్ కలిసి కనిపిస్తారు ఒక మార్వెల్ సిరీస్ లో లాగ. వాళ్ళంతా కలిసి ఒక పెద్ద కేస్ ని సాల్వ్ చేస్తారు. హిట్-2 క్లైమాక్స్ లో హిట్-3 హీరో ఎవరో అఫీషియల్ గా రివీల్ అవుతారు”, అని చెప్పారు.
అలాగే “హిట్” టైటిల్ చూసి గతంలో నవ్వుకున్నానని కానీ “హిట్2” లో తానే హీరోగా చేస్తున్నానని సరదాగా చెప్పుకొచ్చారు శేష్.
శైలేష్ కొలను ఈ చిత్రానికి రచయిత, దర్శకుడు కాగా ప్రశాంతి తిపిర్నేని మరియు హీరో నాని నిర్మాతలుగా వ్యవహరిస్తున్నారు. అడవి శేష్ సరసన మీనాక్షి చౌదరి హీరోయిన్ గా కనిపించబోతోంది.
