OTT Movies: శ్రీరామ నవమి రోజు OTTలో ఈ సినిమాలను అస్సలు మిస్ కాకండి!

ఓటీటీ లలో ఉండే సినిమాలు అన్ని జోనర్స్ కు సంబంధించినవి ఉంటాయి. అయితే వీటిలో భక్తిరస చిత్రాలు కూడా ఎన్నో ఉంటాయి. నేటి తరానికి తెలియని ఎన్నో చారిత్రిక విషయాల గురించి ఈ సినిమాలలో చూపిస్తూ ఉంటారు. కాబట్టి ఇలాంటి చిత్రాలను చూడడం ద్వారా ఎన్నో విషయాలను తెలుసుకునేందుకు అవకాశం ఉంటుంది. అయితే, శ్రీరామ నవమి పర్వదినాన.. రామునికి సంబంధించిన ఎన్నో సినిమాలు ఓటీటీ లలో అందుబాటులో ఉన్నాయి. తెలుగుతో పాటు మిగిలిన భాషల్లో కూడా ఈ సినిమాలు అందుబాటులో ఉన్నాయి. రామాయణం గురించి అందరికి తెలిసినా కానీ.. ఇంకా తెలుసుకోవాల్సిన ఎన్నో విషయాలు ఈ సినిమాల ద్వారా అందరికి తెలియపరిచారు . కాబట్టి ఈ సినిమాలను ఇప్పటివరకు ఎవరైనా మిస్ అయ్యి ఉంటె మాత్రం ఖచ్చితంగా చూడాల్సిందే. మరి ఆ శ్రీరామ చంద్రునికి సంబంధించిన సినిమాలు ఏ ఏ ప్లాట్ ఫార్మ్స్ లో అందుబాటులో ఉన్నాయో చూసేద్దాం.

ఓటీటీ లలో అందుబాటులో ఉన్న శ్రీరాముని సినిమాలు ఇవే..

1) శ్రీరామ రాజ్యం – ప్రైమ్ వీడియో, జీ 5
నందమూరి బాలకృష్ణ నటించిన ఈ సినిమా ప్రైమ్ వీడియోలో అందుబాటులో ఉంది. ఈ సినిమాకు అగ్ర దర్శకుడు బాబు దర్శకత్వం వహించారు. ఈ సినిమాలో సీతమ్మ వారి పాత్రలో నయనతార నటించింది. ఈ సినిమాలోని పాటలు, వారి నటన అందరిని ఎంతో ఆకర్షితులను చేసింది.

2) లవకుశ – ప్రైమ్ వీడియో, సన్ నెక్స్ట్
బహుశా ఈ సినిమా ఇప్పటి జెనెరేషన్ వారికి తెలియకపోవచ్చు. ఎందుకంటే ఈ సినిమా వచ్చి దాదాపు 60 ఏళ్ళు దాటిపోయింది. ఈ సినిమాను చూసేందుకు ఇంతకంటే మంచి సందర్భం ఇంకొకటి ఉండదని చెప్పి తీరాలి. అప్పటికి ఇప్పటికి ఈ సినిమా అంటే అందరు ఎంతో ఇష్టంగా చూస్తూ ఉంటారు. ఇప్పటి జెనెరేషన్ వారు ఖచ్చితంగా చూడాల్సిన సినిమా ఇది.

3) శ్రీరామదాసు – డిస్నీ ప్లస్ హాట్‌స్టార్
భద్రాద్రిలో కొలువు తీరిన సీతాసమేత శ్రీరామ చంద్రుడు.. వారి గుడి కట్టించిన వ్యక్తి రామదాసు. ఆ రామదాసు జీవితాన్ని ఆధారంగా తీసుకుని తెరకెక్కిన సినిమా శ్రీరామదాసు. ఈ సినిమాలో నాగార్జున రామదాసు పాత్రలో జీవించారని చెప్పి తీరాలి. 2006 లో వచ్చిన ఈ సినిమా హాట్ స్టార్ లో అందుబాటులో ఉంది.

4) సంపూర్ణ రామాయణం – యూట్యూబ్, ఈటీవీ విన్
రామాయణంలో అనేక కాండలు ఉంటాయని అందరికి తెలిసిందే.. ఈ క్రమంలో వాటి అన్నిటి గురించి తెలుసుకోవాలంటే మాత్రం సంపూర్ణ రామాయణాన్ని చూడాల్సిందే. బాపు తెరకెక్కించిన ఈ అద్భుత దృశ్యకావ్యం.. యూట్యూబ్ తోపాటు ఈటీవీ విన్ లోను అందుబాటులో ఉంది.

5) బాల రామాయణం – యూట్యూబ్
బాల రామాయణం జూనియర్ ఎన్టీఆర్ రాముడి పాత్రలో నటించిన ఈ సినిమా.. కేవలం పిల్లల కోసం ప్రత్యేకంగా రూపొందించారు. ఈ సినిమాలో చాలా మంది చైల్డ్ ఆర్టిస్ట్ లు కనిపిస్తారు. ఇప్పటి జెనెరేషన్ వారు అసలు మిస్ కాకుండా చూడవలసిన సినిమాలలో ఈ సినిమా ఒకటి. యు ట్యూబ్ లో ఈ సినిమా అందుబాటులో ఉంది.

ఇక ఈ సినిమాలతో పాటు.. సీతారామ కల్యాణం, భూకైలాస్, శ్రీ రామాంజనేయ యుద్ధం, శ్రీరామ పట్టాభిషేకం లాంటి ఎన్నో చిత్రాలు యూ ట్యూబ్ లో అందుబాటులో ఉన్నాయి. మరి, ఈ సినిమాలపై మీ అభిప్రాయాలను కామెంట్స్ రూపంలో తెలియజేయండి.