Nidhan
కీపింగ్ అంటే అందరికీ వెంటనే గుర్తుకొచ్చే పేరు ఆడమ్ గిల్క్రిస్ట్. వికెట్ల వెనుక అద్భుతంగా బంతుల్ని పట్టుకునే గిల్లీ.. సూపర్బ్ కీపింగ్తో ఎన్నో మ్యాచుల్లో ఒంటిచేత్తో టీమ్ను గెలిపించాడు. అలాంటోడ్ని మించిన రేంజ్లో ఓ క్రికెటర్ కీపింగ్ చేశాడు.
కీపింగ్ అంటే అందరికీ వెంటనే గుర్తుకొచ్చే పేరు ఆడమ్ గిల్క్రిస్ట్. వికెట్ల వెనుక అద్భుతంగా బంతుల్ని పట్టుకునే గిల్లీ.. సూపర్బ్ కీపింగ్తో ఎన్నో మ్యాచుల్లో ఒంటిచేత్తో టీమ్ను గెలిపించాడు. అలాంటోడ్ని మించిన రేంజ్లో ఓ క్రికెటర్ కీపింగ్ చేశాడు.
Nidhan
క్రికెట్లో బ్యాటింగ్, బౌలింగ్ ఎంత ముఖ్యమో ఫీల్డింగ్ కూడా అంతే ముఖ్యం. ఫీల్డింగ్లో మిగిలిన పొజిషన్స్ కంటే కీపింగ్కు ఎక్కువ ఇంపార్టెన్స్ ఉంటుంది. వికెట్ల వెనుక నిలబడే ప్లేయర్ స్టంపింగ్స్, రనౌట్స్లో కీలక పాత్ర పోషిస్తాడు. అలాగే ఎల్బీడబ్ల్యూ లాంటి నిర్ణయాల్లో కెప్టెన్కు ఎంతో సహాయం చేస్తాడు. అలాగే ఫీల్డ్ ప్లేస్మెంట్స్ సెట్ చేయడంలోనూ కీపర్ల పాత్ర చాలా కీలకం. కీపర్కు గ్రౌండ్ మొత్తం పర్ఫెక్ట్గా కనిపిస్తుంది. ఎక్కడ గ్యాప్స్ ఉన్నాయి.. బ్యాటర్ల ఫుట్వర్క్ ఎలా ఉంది, ఏ బౌలర్ను తీసుకొస్తే బ్రేక్ త్రూస్ వచ్చే ఛాన్స్ ఉందనేది తెలుస్తుంది. అందుకే మహేంద్ర సింగ్ ధోని, కుమార సంగక్కర లాంటి పలువురు కీపర్లు కెప్టెన్లుగానూ ఎంతో సక్సెస్ అయ్యారు. అయితే కీపింగ్లో తోపు ఎవరంటే మాత్రం ఠక్కున వినిపించే పేరు ఆడమ్ గిల్క్రిస్ట్. అద్భుతమైన బ్యాటింగ్తో పాటు సూపర్బ్ కీపింగ్ స్కిల్స్తో ఆస్ట్రేలియాకు ఎన్నో మ్యాచుల్లో సింగిల్ హ్యాండ్తో విజయాలు అందించాడతను. అయితే అలాంటి గిల్లీని మించే రేంజ్లో ఓ లంక ప్లేయర్ కీపింగ్ చేశాడు.
శ్రీలంక, ఆఫ్ఘానిస్థాన్ జట్ల మధ్య జరుగుతున్న టెస్టు మ్యాచ్లో సదీర సమరవిక్రమ అద్భుతం చేశాడు. వికెట్ల వెనుక ఎంతో చురుగ్గా ఉండే ఈ లంక కీపర్ దెబ్బకు ఆఫ్ఘాన్ బ్యాటర్ రెహ్మత్ షా (91)కు మైండ్ బ్లాంక్ అయింది. అప్పటికే క్రీజులో పాతుకుపోయిన షా అద్భుతంగా బ్యాటింగ్ చేస్తున్నాడు. టపటపా వికెట్లు పడుతున్నా ఒక ఎండ్లో అతడు పరుగులు చేస్తూ పోయాడు. దీంతో అతడి కోసం స్పెషల్ ప్లాన్ వేశాడు లంక కెప్టెన్ ధనంజయ డిసిల్వా. షా కోసం ప్రభాత్ జయసూర్యను రంగంలోకి దింపాడు. అతడు ఎలాగూ లెగ్ గల్లీ సైడ్ రన్కు ప్రయత్నిస్తాడని ఊహించి అందుకు తగ్గట్లే లెగ్ వికెట్ను టార్గెట్ చేస్తూ బాల్ వేయించాడు. అనుకున్నట్లే రెహ్మత్ అదే షాట్ ఆడాడు. దీంతో వికెట్ల వెనుక కాచుకొని ఉన్న కీపర్ సమరవిక్రమ బ్యాటర్ షాట్ ఆడుతున్నప్పుడే లెగ్ గల్లీ సైడ్ వైపు పరిగెత్తాడు.
లెగ్ గల్లీ వైపు పరిగెత్తిన సమరవిక్రమ రెహ్మత్ బ్యాట్ను తాకి బాల్ అలా వచ్చిందో లేదో చటుక్కున పట్టేశాడు. దీంతో ఆఫ్ఘాన్ బ్యాటర్ షాకయ్యాడు. షాట్ పూర్తి కాకముందే కీపర్ అటు వైపు ఎలా వెళ్లాడో అర్థం కాక తలపట్టుకున్నాడు. ఇది ట్రాప్ అని తర్వాత తెలుసుకున్నాడు. సమరవిక్రమ క్యాచ్కు సంబంధించిన వీడియో సోషల్ మీడియాలో వైరల్ అవుతోంది. ఇది చూసిన నెటిజన్స్ లంక కీపర్కు హ్యాట్సాఫ్ అని అంటున్నారు. ఇలాంటి కీపింగ్ ఇంతకుముందు ఎప్పుడూ చూడలేదని చెబుతున్నారు. గిల్క్రిస్ట్ వికెట్ల వెనుక ఎన్నో అద్భుతాలు చేశాడని.. కానీ ఇలాంటి క్యాచ్ ఎప్పుడూ పట్టి ఉండడని కామెంట్స్ చేస్తున్నారు. మరి.. సమరవిక్రమ కీపింగ్ మీద మీరేం అనుకుంటున్నారో కామెంట్ల రూపంలో తెలియజేయండి.
WHAT AN EFFORT, SAMARAWICKRAMA 🤯🔥pic.twitter.com/hR0UiZeYIN
— Johns. (@CricCrazyJohns) February 2, 2024
