సెన్సేషనల్ హిట్ ‘యానిమల్’ మూవీలో విలన్గా నటించిన బాబీ డియోల్కు సంబంధించిన బౌలింగ్ వీడియో ఇప్పుడు వైరల్ అవుతోంది.
సెన్సేషనల్ హిట్ ‘యానిమల్’ మూవీలో విలన్గా నటించిన బాబీ డియోల్కు సంబంధించిన బౌలింగ్ వీడియో ఇప్పుడు వైరల్ అవుతోంది.
డాషింగ్ డైరెక్టర్ సందీప్ రెడ్డి వంగా బాక్సాఫీస్ వద్ద మరోమారు మ్యాజిక్ చేశారు. ఆయన డైరెక్షన్లో వచ్చిన ‘యానిమల్’ మూవీ సంచలన విజయం సాధించింది. రిలీజైన రోజు మార్నింగ్ షో నుంచి ఇప్పటిదాకా ఆ సినిమా సెన్సేషనల్ కలెక్షన్స్తో దూసుకెళ్తోంది. విడుదలైన మొదటి రోజు కంటే రెండో రోజు ఎక్కువగా వసూళ్లు సాధించిందీ చిత్రం. రెండో రోజు కంటే మూడో రోజు రెవెన్యూస్ ఇంకా ఎక్కువ ఉండటం విశేషం. బాక్సాఫీస్ దగ్గర ‘యానిమల్’ జోరు ఇప్పట్లో తగ్గేలా కనిపించడం లేదు. డిసెంబర్ 25 (క్రిస్మస్) వరకు హిందీలో పెద్ద సినిమాలేవీ లేకపోవడంతో లాంగ్ రన్ గ్యారెంటీగా కనిపిస్తోంది.
రణ్బీర్ కపూర్ నటించిన ‘యానిమల్’కు తెలుగు రాష్ట్రాల్లోనూ ప్రేక్షకుల నుంచి అద్భుతమైన రీతిలో రెస్పాన్స్ లభిస్తోంది. తుఫాను వల్ల ఆంధ్రప్రదేశ్లో వసూళ్లు కొంత తగ్గినా.. తెలంగాణలో ముఖ్యంగా హైదరాబాద్లో ఈవెనింగ్ షోస్ అన్నీ ఫుల్ అవుతున్నాయి. తమిళనాడులోనూ ‘యానిమల్’ హవా నడుస్తోంది. సందీప్ రెడ్డి వంగా మేకింగ్, రణ్బీర్ బీస్ట్ లెవల్ యాక్టింగ్, బాబీ డియోల్ స్టైలిష్ విలనిజంకు అందరూ ఫిదా అవుతున్నారు. ఈ సినిమా వసూళ్లు ఒక రేంజ్లో ఉన్నాయి. ఒక్క హిందీ వెర్షన్ ద్వారానే ఇప్పటికి రూ.250 కోట్ల నెట్ వచ్చేసిందని తెలుస్తోంది. తెలుగు, తమిళంలో కలిపి రూ.30 కోట్లు కలెక్ట్ చేసినట్లు సమాచారం.
‘యానిమల్’కు ముందు వరకు బాలీవుడ్లో స్టార్ హీరోగా ఉన్న రణ్బీర్.. ఈ ఫిల్మ్తో సూపర్ స్టార్ ఇమేజ్ సంపాదించారు. విలన్గా యాక్ట్ చేసిన ప్రముఖ నటుడు బాబీ డియోల్ మీద కూడా ప్రశంసల వర్షం కురుస్తోంది. బాబీకి ఇది హిందీలో సూపర్ కమ్బ్యాక్ అని ఆయన ఫ్యాన్స్తో పాటు సినీ గోయర్స్ కూడా అంటున్నారు. 28 ఏళ్ల కెరీర్లో ఎన్నో సినిమాల్లో నటించారు బాబీ డియోల్. కానీ ఏ మూవీకి రానిరీతిలో ‘యానిమల్’తో ఆయన ఇమేజ్ వేరే లెవల్కు వెళ్లిపోయింది. బాబీ యాక్టింగ్తో పాటు ఆయన ఫిజిక్కు ట్రెమండస్ రెస్పాన్స్ వస్తోంది. రీసెంట్గా ముంబైలోకి ఒక థియేటర్లో ఈ చిత్రాన్ని చూసిన ఆయన.. తన యాక్టింగ్ను ప్రేక్షకులు మెచ్చుకోవడం, తన మీద ప్రేమ కురిపించడం చూసి ఎమోషనల్ అయ్యారు. తన క్యారెక్టర్కు వచ్చిన రెస్పాన్స్ చూసి ఏడ్చేశారు బాబీ డియోల్. అలాంటి ఆయనకు సంబంధించిన ఓ పాత వీడియో సోషల్ మీడియాలో వైరల్ అవుతోంది.
సెలబ్రిటీ ప్రీమియర్ లీగ్లో భాగంగా బాలీవుడ్ టీమ్ తరఫున ఓ మ్యాచ్లో ఆడారు బాబీ. అందులో వేగంగా పరిగెత్తుకుంటూ వచ్చి బౌలింగ్ వేస్తూ కనిపించారు. ఆయన వేసిన బాల్ను బ్యాట్స్మన్ మిస్సయ్యాడు. అయితే ఈ వీడియోకు ‘యానిమల్’లోని బాబీ ఎంట్రీ బీజీఎం పెట్టి నెట్టింట వైరల్ చేస్తున్నారు ఫ్యాన్స్. లార్డ్ బాబీ అంటే మామూలుగా ఉండదని కామెంట్స్ చేస్తున్నారు. ఈ వీడియో చూసిన కొందరు క్రికెట్ అభిమానులు.. బాబీ యాక్షన్ విరాట్ కోహ్లీలా ఉందని అంటున్నారు. మరికొందరేమో ఆఫ్ఘానిస్థాన్ స్పిన్నర్ ముజీబ్లా ఉందని చెబుతున్నారు. మరి.. బాబీ డియోల్ బౌలింగ్ వీడియోపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: IPL 2024: గుజరాత్ టైటాన్స్ కు మరో షాక్! పాండ్యా బాటలో మరో స్టార్ క్రికెటర్?
