45 రోజులు, 48 మ్యాచులు, 10 వేదికలు, 10 జట్లు, 150 మంది ప్లేయర్లు.. కానీ ఉన్నది ఒకే ట్రోఫీ. క్రికెట్ ఫ్యాన్స్ ఎంతగానో ఎదురు చూస్తున్న వరల్డ్ కప్-2023 ఇవాళ స్టార్ట్ కానుంది. డిఫెండింగ్ ఛాంపియన్ ఇంగ్లండ్కు రన్నరప్ న్యూజిలాండ్కు మధ్య గురువారం జరిగే తొలి మ్యాచ్తో మెగా టోర్నమెంట్ మొదలుకానుంది. భారత్ పూర్తిస్థాయిలో ఆతిథ్యం ఇస్తున్న ఫస్ట్ వరల్డ్ కప్ ఇదే. 1987లో పాకిస్థాన్తో, 1996లో పాక్, శ్రీలంకతో, 2011లో బంగ్లాదేశ్, లంకలతో కలసి ఇండియా ప్రపంచ కప్ను నిర్వహించింది. 2011లో వరల్డ్ కప్ను ముద్దాడిన మన టీమ్.. సొంతగడ్డపై మరోమారు దాన్ని రిపీట్ చేయాలని అనుకుంటోంది.
ఈసారి టీమిండియా సరైన మ్యాచ్ ప్రాక్టీస్ లేకుండానే వరల్డ్ కప్కు రెడీ అయిపోయింది. భారత్ ఆడాల్సిన రెండు వార్మప్ మ్యాచులు వర్షం కారణంగా రద్దయ్యాయి. అక్టోబర్ 8వ తేదీన ఆస్ట్రేలియాతో జరిగే మ్యాచుతో టీమిండియా వరల్డ్ కప్ వేటను మొదలుపెట్టనుంది. ఇటీవల ఆసీస్తో జరిగిన వన్డే సిరీస్ను 2-1తో గెలుచుకోవడంతో ఈ మ్యాచ్లో కాన్ఫిడెంట్గా బరిలోకి దిగనుంది భారత్. కంగారూతో మ్యాచ్లో కెప్టెన్ రోహిత్ శర్మతో పాటు సీనియర్ బ్యాటర్ విరాట్ కోహ్లీ కీలకం కానున్నారని అనలిస్టులు అంటున్నారు. వరల్డ్ కప్ భారత్ నెగ్గాలంటే వీళ్లిద్దరూ రాణించడం చాలా కీలకమని చెబుతున్నారు. ఈ టైమ్లో విరాట్కు సంబంధించిన ఒక వీడియో సోషల్ మీడియాలో తెగ వైరల్ అవుతోంది.
14 ఏళ్ల కింద శ్రీలంకతో డంబుల్లా వేదికగా జరిగిన వన్డే మ్యాచ్తో కోహ్లీ ఇంటర్నేషన్ క్రికెట్లో ఎంట్రీ ఇచ్చాడు. ఆ టైమ్లో అతడు ఓ ఇంటర్వ్యూ ఇచ్చాడు. అయితే ఇది జరిగి చాలా రోజులే అవుతోంది. కానీ ఆ ఇంటర్వ్యూ తర్వాత తన ఫ్రెండ్స్తో కలసి ఫుల్ ఎంజాయ్ చేస్తూ కనిపించాడు విరాట్. ఇన్నాళ్లూ తమతో కలసి తిరిగిన మిత్రుడు టీమిండియాకు ఆడటం, ఇంటర్వ్యూ ఇచ్చే రేంజ్కు ఎదగడంతో కోహ్లీ ఫ్రెండ్స్ సంతోషం తట్టుకోలేకపోయారు. దీన్ని నమ్మలేక పోతున్నామని.. విరాట్ పెద్దోడు అయిపోయాడంటూ ఆనందంతో గంతులేశారు. కోహ్లీ కూడా వారితో కలసి చప్పట్లు కొడుతూ, నవ్వుతూ కనిపించాడు. ఈ పాత వీడియో ఇప్పుడు నెట్టింట వైరల్ అవుతోంది.
ఇదీ చదవండి: ధోని అసలు కెప్టెనే కాదు! రవిచంద్రన్‌ అశ్విన్‌ సంచలన స్టేట్‌మెంట్‌!
View this post on Instagram
