సమంత ప్రస్తుతం వెకేషన్‌ మోడ్‌లో ఉన్నారు. అమెరికా పర్యటనకు ముందు కొంత చిల్‌ అవుతూ ఉన్నారు. తన ఫ్రెండ్‌తో కలిసి పర్యాటక ప్రదేశాల్లో తిరుగుతూ ఉన్నారు. ఇందుకు సంబంధించిన ఫొటోలను, వీడియోలను ఎప్పటికప్పుడు తన సోషల్‌ మీడియా ఖాతాల్లో షేర్‌ చేస్తూ ఉన్నారు. అవి కాస్తా సోషల్‌ మీడియాలో వైరల్‌గా మారుతూ ఉన్నాయి. తాజాగా, ఆమె తన ఇన్‌స్టాగ్రామ్‌లో కొన్ని ఫొటోలు, వీడియోలను స్టోరీగా పెట్టారు. అందులో ఓ ఫొటో ప్రత్యేక ఆకర్షణగా నిలిచింది.
ఇంతకీ ఆ ఫొటో విశేషం ఏంటంటే.. గత సారి సమంత బాలి వెళ్లినపుడు ఓ కోతి ఆమె కంటి అద్దాలను దొంగిలించింది. దొంగతనానికి ముందు అది సమంత వెనకాల నక్కింది. అదే సమయంలో సమంత ఫొటో దిగగా.. ఆ ఫొటోలో ఆ కోతి కూడా పడింది. ఆ ఫొటోను ఇప్పుడు టూరులో ఉండగా షేర్‌ చేసింది. ‘ నేను గత సారి నా నీడను చూశాను’ అని పేర్కొన్నారు. అంతేకాదు! కోతి ఆమె కంటి అద్దాలతో ఉన్న వీడియోను కూడా షేర్‌ చేశారు. ‘‘ దానిది మంచి అభిరుచి’ అని కూడా పేర్కొన్నారు.
కాగా, సమంత ఓ ఆరు నెలల పాటు అమెరికాకు వెళ్లనున్నారు. అక్కడ మైయోసైటిస్‌కు చికిత్స తీసుకోనున్నారు. అందుకే ఏ కొత్త సినిమాకు ఆమె సైన్‌ చేయలేదు. ఉన్న సినిమా షూటింగులను కూడా పూర్తి చేసుకున్నారు. తెలుగులో ఖుషీ, తమిళంలో చెన్నై స్టోరీస్‌ సినిమాలతో పాటు.. ‘సిటడెల్‌’ అనే వెబ్‌ సిరీస్‌ షూటింగ్‌ను కూడా ఆమె పూర్తి చేశారు. ప్రస్తుతం కేవలం ఆరోగ్యం, ఎంజాయ్‌మెంట్‌ మీదే దృష్టి సారించారు. మరి, సమంత షేర్‌ చేసిన ఆ ఫొటోలపై మీ అభిప్రాయాలను కామెంట్ల రూపంలో తెలియజేయండి.
