Jani Master Gets Bail: మొన్నటి వరకు ఇండస్ట్రీలో ప్రముఖులుగా చలామణి అవుతున్న వారు ఇప్పుడు లైంగిక, అత్యాచారణ ఆరోపణలు ఎదుర్కొంటు జైల్లో ఊచలు లెక్కబెడుతన్న విషయం తెలిసిందే. అలాంటి వారిలో కొరియోగ్రాఫర్ జానీ మాస్టర్ ఒకరు.
Jani Master Gets Bail: మొన్నటి వరకు ఇండస్ట్రీలో ప్రముఖులుగా చలామణి అవుతున్న వారు ఇప్పుడు లైంగిక, అత్యాచారణ ఆరోపణలు ఎదుర్కొంటు జైల్లో ఊచలు లెక్కబెడుతన్న విషయం తెలిసిందే. అలాంటి వారిలో కొరియోగ్రాఫర్ జానీ మాస్టర్ ఒకరు.
టాలీవుడ్ లో వరుసగా స్టార్ నటులు, ఇతర రంగాలకు చెందిన వారిపై లెంగిక ఆరోపణలు వెల్లువెత్తుతున్నాయి. టాలీవుడ్ లో పాన్ ఇండియా లెవెల్లో స్టార్ కొరియోగ్రాఫర్ గా పేరు తెచ్చుకున్నారు జానీ మాస్టర్. ఇటీవల ఆయన వద్ద అసిస్టెంట్ కొరియోగ్రాఫర్ గా పనిచేసిన యువతి.. జానీ మాస్టర్ పై లైంగిక, అత్యాచార ఆరోపణలు చేసింది. పోలీసులు ఫోక్సో కేసు నమోదు చేసి ఆయన్ని అరెస్ట్ చేశారు. విచారణ అనంతరం చెంచల్ గూడ జైలుకు తరలించారు. ఈ క్రమంలోనే జానీ మాస్టర్ తరకు ఐదు రోజులు మధ్యంతర బెయిల్ కోరుతూ కోర్టులో పిటీషన్ దాఖలు ఆయన తరుపు న్యాయవాది. ఈ నేపథ్యంలోనే జానీ మాస్టర్ కి కాస్త ఊరట లభించింది. పూర్తి వివరాల్లోకి వెళితే..
లైంగిక వేధింపుల కేసులో ప్రస్తుతం చంచల్ గూడ జైలులో ఉన్న జానీ మాస్టర్ కి ఊరట లభించింది. ఢిల్లీలో నేషనల్ అవార్డు అందుకోవాల్సింది ఉందని.. అందుకు ఐదు రోజులు మధ్యంతర బెయిల్ మంజూరు చేయాల్సింది కోర్టును కోరారు . ఈ క్రమంలోనే జానీ మాస్టర్ బెయిల్ పై విచారణ చేసిన రంగారెడ్డి డిస్ట్రిక్ట్ కోర్టు తాజాగా ఆయనకు బెయిల్ మంజూరు చేసింది. ఈ నెల 6 నుంచి 10 వ తేదీ వరకు జానీ మాస్టర్ కు బెయిల్ మంజూరు చేసింది రంగారెడ్డి జిల్లా కోర్టు. ఇటీవల జానీ మాస్టర్ కి బెస్ట్ కొరియోగ్రాఫర్ గా నేషనల్ అవార్డు ప్రకటించిన విషయం తెలిసిందే.ఇదిలా ఉంటే.. సాధారణ బెయిల్ కోసం ఆయన అప్లై చేయగా ఆ పిటీషన్ పై విచారణను అక్టోబర్ 7వ తేదీకి వాయిదా వేసింది రంగారెడ్డి ఫోక్సో కోర్టు. జానీ మాస్టర్ దాఖలు చేసిన జనరల్ బెయిల్ పిటీషన్ పై నార్సింగ్ పోలీసులు రంగారెడ్డి జిల్లా ఫాస్ట్ ట్రాక్ స్పెషల్ కోర్టులో కౌంటర్ దాఖలు చేశారు. ఆయనకు బెయిల్ ఇస్తే సాక్షులను ప్రభావితం చేసే అవకాశం ఉందని కౌంటర్ పిటీషన్ లో పేర్కొన్నారు. విచారణ సమయంలో బెయిల్ ఇవ్వొద్దని కోర్టును కోరారు.
