కథ ముగిసింది ఇంటికి వెళ్లడం ఖాయం అనుకున్న ఆర్సీబీ.. ఐపీఎల్-2024లో కొత్త కథ రాస్తోంది. వరుస ఓటముల నుంచి కోలుకొని బ్యాక్ టు బ్యాక్ విక్టరీస్తో ప్లేఆఫ్స్కు దూసుకొచ్చింది.
కథ ముగిసింది ఇంటికి వెళ్లడం ఖాయం అనుకున్న ఆర్సీబీ.. ఐపీఎల్-2024లో కొత్త కథ రాస్తోంది. వరుస ఓటముల నుంచి కోలుకొని బ్యాక్ టు బ్యాక్ విక్టరీస్తో ప్లేఆఫ్స్కు దూసుకొచ్చింది.
కథ ముగిసింది ఇంటికి వెళ్లడం ఖాయం అనుకున్న ఆర్సీబీ.. ఐపీఎల్-2024లో కొత్త కథ రాస్తోంది. వరుస ఓటముల నుంచి కోలుకొని బ్యాక్ టు బ్యాక్ విక్టరీస్తో ప్లేఆఫ్స్కు దూసుకొచ్చింది. దూకుడు మంత్రాన్ని నమ్ముకొని ఆశల్లేని స్థితి నుంచి ఆధిపత్యం చెలాయించే స్థాయికి చేరుకుంది. ఒక టైమ్లో 1 పర్సెంట్ ఛాన్స్ ఉన్న జట్టు కాస్తా ఆ తర్వాత వరుస విజయాలతో ప్లేఆఫ్స్ అవకాశాల్ని మెరుగుపర్చుకుంటూ వచ్చింది. మొన్న నాకౌట్ పోరులో చెన్నైని చిత్తు చేసి రాయల్గా ప్లేఆఫ్స్ గడప తొక్కింది. దీంతో బెంగళూరు విజయాల్లో కీలక పాత్ర పోషించిన స్టార్ బ్యాటర్లు విరాట్ కోహ్లీ, దినేష్ కార్తీక్, కెప్టెన్ డుప్లెసిస్, హిట్టర్ రజత్ పాటిదార్, ఆల్రౌండర్ కామెరాన్ గ్రీన్, స్పిన్నర్ స్వప్నిల్ సింగ్, పేసర్ యష్ దయాల్ను అందరూ మెచ్చుకుంటున్నారు.
కోహ్లీ, రజత్, డుప్లెసిస్, డీకే, గ్రీన్ తదితరులు ఆర్సీబీ విజయాల్లో మెయిన్ రోల్ పోషించారు. వీళ్ల కాంట్రిబ్యూషన్ను ఎంత పొగిడినా తక్కువే. అయితే బెంగళూరును కాపాడిన రియల్ హీరో మహ్మద్ సిరాజ్ గురించి మాత్రం ఎవరూ మాట్లాడటం లేదు. సీజన్ మొదట్లో చెత్త బౌలింగ్తో నిరాశపర్చిన సిరాజ్.. సెకండాఫ్లో ఫర్వాలేదనిపిస్తున్నాడు. టీమ్ సక్సెస్లో తన వంతు పాత్ర పోషిస్తున్నాడు. అంత మాత్రాన అతడ్ని హీరో అనాల్సిన అవసరం ఏం ఉందనే డౌట్ మీకు రావొచ్చు. అయితే అతడు చేసిన ఓ పని వల్లే బెంగళూరు ప్లేఆఫ్స్కు చేరుకుందని మీకు తెలుసా? అవును, లక్నో సూపర్ జియాంట్స్తో మ్యాచ్లో అతడు బ్యాట్తో అద్భుతం చేశాడు. ఈ సీజన్ ఫస్టాఫ్ ఆఖర్లో ఓ మ్యాచ్లో లక్నోతో తలపడింది ఆర్సీబీ. అప్పటికే వరుస పరాజయాలతో ఉక్కిరిబిక్కిరి అవుతున్న బెంగళూరు.. ఆ మ్యాచ్లో 28 పరుగుల తేడాతో ఓడింది.
ఆ మ్యాచ్లో చివర్లో బ్యాటింగ్కు దిగిన సిరాజ్ 8 బంతుల్లో 2 భారీ సిక్సులతో 12 పరుగులు చేశాడు. ఆర్సీబీ గెలవలేదు గానీ భారీ తేడాతో ఓడకుండా.. ఆ టీమ్ నెట్ రన్ రేట్ పడిపోకుండా ఉండటంలో ఈ హైదరాబాదీ ఆడిన ధనాధన్ ఇన్నింగ్స్ పనికొచ్చింది. వరుసగా ఆరు మ్యాచుల్లో గెలిచినా గానీ అంతకుముందు ఓడిన మ్యాచుల్లో సిరాజ్లాగే.. ఎస్ఆర్హెచ్తో మ్యాచ్లో దినేష్ కార్తీక్ (35 బంతుల్లో 83 పరుగులు), కేకేఆర్తో మ్యాచ్లో కర్ణ్ శర్మ (7 బంతుల్లో 20) ఇన్నింగ్స్లు ఆర్సీబీ నెట్ రన్ రేట్ పడిపోకుండా కాపాడాయి. డీకే స్పెషలిస్ట్ బ్యాటర్, కర్ణ్ బ్యాట్ ఊపే సామర్థ్యం ఉన్నోడు కాబట్టి వాళ్లను సిరాజ్తో పోల్చలేం. అతడు బ్యాట్తో ఎప్పుడోసారి గానీ పరుగులు చేయడు. అలాంటోడు రెండు సిక్సులు బాది టీమ్ను కాపాడాడు. ఆర్సీబీ ప్లేఆఫ్స్ చేరడంలో అతడి కాంట్రిబ్యూషన్ను మెచ్చుకోకుండా ఉండలేం.
