ఐపీఎల్తో పలు చిక్కు ప్రశ్నలకు సమాధానం దొరుకుతుందని బీసీసీఐ భావించింది. కానీ క్యాష్ రిచ్ లీగ్ వల్ల బోర్డుకు కొత్త తలనొప్పి మొదలైంది.
ఐపీఎల్తో పలు చిక్కు ప్రశ్నలకు సమాధానం దొరుకుతుందని బీసీసీఐ భావించింది. కానీ క్యాష్ రిచ్ లీగ్ వల్ల బోర్డుకు కొత్త తలనొప్పి మొదలైంది.
ఐపీఎల్తో పలు చిక్కు ప్రశ్నలకు సమాధానం దొరుకుతుందని బీసీసీఐ భావించింది. కానీ క్యాష్ రిచ్ లీగ్ వల్ల బోర్డుకు కొత్త తలనొప్పి మొదలైంది. మెగా లీగ్ ముగిసిన కొన్ని రోజుల గ్యాప్లోనే టీ20 వరల్డ్ కప్-2024 మొదలుకానుంది. ఈ టోర్నీలో ఆడే టీమ్ సెలక్షన్కు ఎక్కువ టైమ్ లేదు. ఇప్పటికే సెలక్టర్లు భారత జట్టును ఎంపిక చేసే పనిలో పడ్డారు. ఇందులో భాగంగా ఐపీఎల్ మ్యాచుల్ని దగ్గరుండి తీక్షణంగా గమనిస్తున్నారని వినికిడి. ఈ లీగ్తో జట్టు ఎంపికకు సంబంధించిన చిక్కుముడులకు జవాబు దొరుకుతుందని బోర్డు భావించింది. కానీ ఆన్సర్ దొరక్కపోగా కొత్త తలనొప్పి మొదలైంది. ఈ నేపథ్యంలో ఐపీఎల్ వల్ల భారత క్రికెట్ బోర్డుకు వచ్చిన ఇబ్బంది ఏంటనేది ఇప్పుడు తెలుసుకుందాం..
టీ20 ప్రపంచ కప్కు వెళ్లే టీమ్కు సంబంధించి ఓపెనింగ్ నుంచి ఫినిషర్ వరకు, పేసర్ల నుంచి స్పిన్నర్ల దాకా అన్ని రోల్స్ మీద సెలక్టర్లు ఓ అవగాహనతో ఉన్నారని తెలుస్తోంది. అయితే వికెట్ కీపింగే వాళ్లను ఇబ్బంది పెడుతోందట. గాయం కారణంగా జట్టుకు దూరంగా ఉన్న రిషబ్ పంత్ ఐపీఎల్తో ఫామ్, ఫిట్నెస్ నిరూపించుకుంటే వికెట్ కీపర్గా అతడ్నే వరల్డ్ కప్కు పంపాలని సెలక్టర్లు అనుకున్నారట. అతడికి బ్యాకప్గా జితేష్ శర్మను కూడా జట్టులో ఉంచాలని బావించారట. కానీ ఇప్పుడు ఆ రోల్కు అనేక ఆప్షన్స్ తెరమీదకు వస్తున్నాయి. జితేష్ పెద్దగా ఆకట్టుకోవడం లేదు. పంత్ మాత్రం తన ఫామ్, ఫిట్నెస్ను ప్రూవ్ చేసుకున్నాడు. అటు సీనియర్ కీపర్ దినేష్ కార్తీక్ సంచలన ఇన్నింగ్స్లతో సత్తా చాటుతున్నాడు.
ఇంజ్యురీ కారణంగా ఇంగ్లండ్ సిరీస్కు దూరంగా ఉన్న స్టైలిష్ కీపర్ కేఎల్ రాహుల్ కూడా ఐపీఎల్తో సూపర్ టచ్లోకి వచ్చాడు. రాజస్థాన్ రాయల్స్ కెప్టెన్ సంజూ శాంసన్ కూడా బ్యాట్తో రెచ్చిపోతున్నాడు. కీపింగ్లోనూ సత్తా చాటుతున్నాడు. అటు బోర్డు కాంట్రాక్ట్ కోల్పోయిన ఇషాన్ కిషన్ కూడా మెరుపు ఇన్నింగ్స్లతో తాను కూడా వికెట్ కీపర్ పొజిషన్కు రేసులో ఉన్నానని అంటున్నాడు. ఇలా పంత్-జితేష్ జోడీని పంపిద్దామనుకున్న బోర్డు ముందు కీపింగ్ కోసం చాలా ప్రత్యామ్నాయాలు వచ్చి పడ్డాయి. పంత్ను పంపడం ఫిక్స్ అని తెలుస్తోంది. కానీ అతడికి బ్యాకప్గా రాహుల్, కార్తీక్, సంజూల్లో ఎవర్ని తీసుకోవాలనేది సెలక్టర్లకు అర్థం కావట్లేదట. ఐపీఎల్తో కీపర్పై క్లారిటీ వస్తుందనుకుంటే అదే పెద్ద చిక్కుముడి పొజిషన్గా మారడంతో బోర్డు పెద్దలు కూడా తలలు పట్టుకుంటున్నారట. మరి.. టీ20 వరల్డ్ కప్కు ఏ ప్లేయర్ను కీపర్గా తీసుకుంటే బెటరో కామెంట్ చేయండి.
