టీమిండియా యంగ్ బ్యాటర్, వైస్ కెప్టెన్ శుబ్మన్ గిల్ లంకతో జరిగిన తొలి టీ20లో రెచ్చిపోయి బ్యాటింగ్ చేశాడు. అతడిలో ఊహించని మార్పు కనిపించింది.
టీమిండియా యంగ్ బ్యాటర్, వైస్ కెప్టెన్ శుబ్మన్ గిల్ లంకతో జరిగిన తొలి టీ20లో రెచ్చిపోయి బ్యాటింగ్ చేశాడు. అతడిలో ఊహించని మార్పు కనిపించింది.
టీమిండియా యంగ్ బ్యాటర్ శుబ్మన్ గిల్ గురించి తెలిసిందే. ఇన్నింగ్స్ను నిదానంగా స్టార్ట్ చేసే గిల్.. క్రీజులో నిలదొక్కుకున్నాక షాట్లు ఆడటం మొదలుపెడతాడు. స్లోగా స్టార్ట్ చేసినా ఆ తర్వాత పుంజుకొని ఆడుతుంటాడు. కింగ్ కోహ్లీ మాదిరిగా యాంకర్ ఇన్నింగ్స్లు ఆడటం గిల్కు అలవాటు. విరాట్ రేంజ్కు చేరుకోకపోయినా అతడి దారిలో నడుస్తూ ఫ్యూచర్పై ఆశలు పెంచుతున్నాడు. మూడు ఫార్మాట్లలోనూ నిలకడగా ఆడుతుండటంతో బోర్డు అతడికి వైస్ కెప్టెన్గా ప్రమోషన్ ఇచ్చిన సంగతి తెలిసిందే. టీ20లు, వన్డేల్లో కొత్త బాధ్యతలు దక్కడంతో గిల్ ఇక మీదట ఎలా ఆడతాడోనని అందరూ ఆసక్తిగా ఎదురు చూశారు. ఎప్పటిలాగే యాంకర్ ఇన్నింగ్స్ ఆడతాడని ఊహిస్తే.. అతడు తన గేమ్ను పూర్తిగా మార్చేశాడు.
వైస్ కెప్టెన్గా బాధ్యతలు చేపట్టిన ఫస్ట్ మ్యాచ్లో గిల్ బ్యాటింగ్లో ఊహించని మార్పు వచ్చింది. శ్రీలంకతో నిన్న జరిగిన తొలి టీ20లో ఓపెనర్గా బరిలోకి దిగిన ఈ యంగ్ బ్యాటర్ ధనాధన్ ఇన్నింగ్స్తో అలరించాడు. 16 బంతుల్లో 34 పరుగులు చేశాడు. 6 బౌండరీలు, ఒక సిక్సుతో లంక బౌలర్లకు పోయించాడు. క్రీజులో ఉన్నంత సేపు ఉతుకుడే అన్నట్లు అతడి బ్యాటింగ్ సాగింది. ఎక్కువగా నిదానంగా ఆడే గిల్.. ఈ మ్యాచ్లో మాత్రం 212 స్ట్రయిక్ రేట్తో బ్యాటింగ్ చేశాడు. రోహిత్ శర్మ పూనినట్లు భారీ షాట్లతో విరుచుకుపడ్డాడు. అతడి బ్యాటింగ్ చూసి అంతా షాకవుతున్నారు. కొత్త కోచ్ గంభీర్ రాకతో గిల్ ఆడే తీరు మారిపోయిందని.. ఇక మీదట కూడా దీన్ని కంటిన్యూ చేయాలని కోరుతున్నారు. ఈ పని ముందు చేస్తే టీ20 వరల్డ్ కప్లో ప్లేయింగ్ ఎలెవన్లో ఆడించేవాళ్లు కదా అని అంటున్నారు.
వన్డేలు, టీ20లకు వైస్ కెప్టెన్గా ఉన్న గిల్ను టెస్ట్ ఫార్మాట్కు కూడా వైస్ కెప్టెన్గా చేయాలని కోచ్ గంభీర్ భావిస్తున్నాడని వినిపిస్తోంది. అయితే స్లో బ్యాటింగ్, స్ట్రైక్ రేట్ కారణంగా అతడిపై విమర్శలు ఉన్న సంగతి తెలిసిందే. గిల్ మెళ్లిగా ఆడతాడని, అతడి వల్ల రుతురాజ్ లాంటి ప్లేయర్లకు అన్యాయం జరుగుతోందనే టాక్ నడుస్తోంది. ఈ నేపథ్యంలో గిల్ను రోహిత్ మాదిరిగా అటాకింగ్ అప్రోచ్తో గౌతీ ఆడించాడని తెలుస్తోంది. టీమ్లో అతడి ప్లేస్ను, వైస్ కెప్టెన్సీ రోల్ను ఎవరూ క్వశ్చన్ చేయకుండా ఉండాలనే ఉద్దేశంతోనే దూకుడే మంత్రంగా క్రీజులో కదలాలని సూచించాడని.. అందుకే నిన్న గిల్ అలా రెచ్చిపోయాడనే అభిప్రాయాలు వ్యక్తం అవుతున్నాయి. ఇది టీమిండియాకు మంచిదేనని.. గిల్ సక్సెస్కు గంభీర్కు క్రెడిట్ ఇవ్వాలని నెటిజన్స్ అంటున్నారు. మరి.. గిల్ గేమ్లో మార్పు మీకెలా అనిపించిందో కామెంట్ చేయండి.
Shubman Gill 34(16) against Sri Lanka ( Ball By Ball Inning )
The Prince Is Back Hopefully a good inning comming today also 🤞#ShubmanGill #SLvsIND
pic.twitter.com/L1oTINZoje— Ahmed (@AhmedSG77) July 28, 2024
