India vs Sri Lanka: టీమిండియా మరో సవాల్కు సిద్ధమవుతోంది. తొలి వన్డేలో శ్రీలంక ఇచ్చిన షాక్ నుంచి కోలుకున్న రోహిత్ సేన.. రెండో వన్డేలో ఆ జట్టు పని పట్టాలని చూస్తోంది.
India vs Sri Lanka: టీమిండియా మరో సవాల్కు సిద్ధమవుతోంది. తొలి వన్డేలో శ్రీలంక ఇచ్చిన షాక్ నుంచి కోలుకున్న రోహిత్ సేన.. రెండో వన్డేలో ఆ జట్టు పని పట్టాలని చూస్తోంది.
టీ20 సిరీస్లో శ్రీలంకను చిత్తు చేసిన భారత్కు అసలైన సవాల్ వన్డే సిరీస్లో ఎదురైంది. తొలి మ్యాచ్లో రోహిత్ సేనకు ఆతిథ్య జట్టు షాక్ ఇచ్చింది. టీమిండియా ఈజీగా గెలవాల్సిన మ్యాచ్ టై అయింది. రెండు బంతుల తేడాతో మ్యాచ్ స్వరూపాన్ని మార్చేసింది లంక. మ్యాచ్ డ్రా అయినా టీమిండియాకు ఉన్న స్టార్ల బలాన్ని బట్టి చూస్తే ఇది మనకు ఓటమి అనే చెప్పాలి. యంగ్స్టర్స్తో కూడుకున్న ఆతిథ్య జట్టు నైతికంగా విజయం సాధించిందని ఒప్పుకోక తప్పదు. ఈ మ్యాచ్ నుంచి గుణపాఠం నేర్చుకున్న మెన్ ఇన్ బ్లూ.. సెకండ్ ఛాలెంజ్కు సిద్ధమవుతోంది. రేపు జరగబోయే రెండో వన్డేలో లంక పని పట్టాలని చూస్తోంది. ఈ నేపథ్యంలో భారత ప్లేయింగ్ ఎలెవన్ ఎలా ఉండనుందో ఇప్పుడు మనం తెలుసుకుందాం..
తొలి వన్డేలో దిగిన జట్టునే భారత్ దాదాపుగా రిపీట్ చేసే అవకాశాలు ఉన్నాయి. అయితే ప్లేయింగ్ ఎలెవన్లో ఒకట్రెండు మార్పులు మాత్రం తథ్యంగా కనిపిస్తోంది. కెప్టెన్ రోహిత్ శర్మకు జతగా మరో ఓపెనర్గా శుబ్మన్ గిల్ బరిలోకి దిగుతాడు. ఫస్ట్ వన్డేలో అతడు 16 పరుగులు మాత్రమే చేసి ఔట్ అయ్యాడు. అయినా వైస్ కెప్టెన్ కాబట్టి గిల్ను పక్కనబెట్టలేని పరిస్థితి. ఓపెనర్లుగా రోహిత్-గిల్ వస్తే.. ఫస్ట్ డౌన్లో కింగ్ విరాట్ కోహ్లీ దిగుతాడు. ఆ తర్వాత శ్రేయస్ అయ్యర్, కేఎల్ రాహుల్ ఆడటం ఖాయం. స్పిన్ ఆల్రౌండర్లుగా వాషింగ్టన్ సుందర్, అక్షర్ పటేల్ టీమ్లో ఉండటం పక్కా అనే చెప్పాలి. అయితే శివమ్ దూబేకు ప్లేయింగ్ ఎలెవన్లో చోటు దక్కడం డౌట్గా ఉంది. అతడి స్థానంలో ఐపీఎల్ స్టార్ రియాన్ పరాగ్ను రీప్లేస్ చేసే ఛాన్స్ బలంగా కనిపిస్తోంది.
తొలి వన్డేలో దూబె బాగానే ఆడినా మ్యాచ్ను ఫినిష్ చేయలేకపోయాడు. బౌలింగ్లో ఒక వికెట్ తీసినా పెద్దగా ఇంపాక్ట్‌ చూపించలేకపోయాడు. పైగా సుందర్, అక్షర్ రూపంలో ఇద్దరు లెఫ్టాండ్ బ్యాటర్లు టీమ్లో ఉన్నారు. అందుకే దూబేకు బదులు లాంగ్ ఇన్నింగ్స్ ఆడే సత్తా, క్వాలిటీ స్పిన్ బౌలింగ్ వేసే టాలెంట్ ఉన్న పరాగ్ను జట్టులోకి తీసుకొచ్చే అవకాశం ఉంది. దూబె ప్లేస్లో పంత్ను తీసుకోవడం కంటే పరాగ్ను తీసుకుంటే బెటర్ అని టీమ్ మేనేజ్మెంట్ భావిస్తోందట. బౌలింగ్లోనూ ప్లస్ అవుతాడు, ఆల్రెడీ టీ20 సిరీస్లో రాణించాడు అనే ఉద్దేశంతో అతడి వైపు మొగ్గు చూపుతున్నారట. ఇక, రెండో వన్డేలో స్పెషలిస్ట్ స్పిన్నర్గా కుల్దీప్ ఆడటం ఖాయం. అర్ష్దీప్ సింగ్, మహ్మద్ సిరాజ్ మరోమారు పేస్ బాధ్యతల్ని పంచుకుంటారు. మరి.. భారత ప్లేయింగ్ ఎలెవన్లో ఇంకేమైనా మార్పులు జరుగుతాయని మీరు భావిస్తే కామెంట్ చేయండి.
భారత జట్టు (అంచనా): రోహిత్ శర్మ (కెప్టెన్), శుబ్మన్ గిల్, విరాట్ కోహ్లీ, శ్రేయస్ అయ్యర్, కేఎల్ రాహుల్ (వికెట్ కీపర్), రియాన్ పరాగ్/రిషబ్ పంత్, వాషింగ్టన్ సుందర్, అక్షర్ పటేల్, కుల్దీప్ యాదవ్, అర్ష్దీప్ సింగ్, మహ్మద్ సిరాజ్.
