స్మైలింగ్‌ క్వీన్‌ సమంత మరికొద్ది రోజుల్లో అమెరికా పర్యటనకు వెళ్లనున్న సంగతి తెలిసిందే. ఓ ఆరు నెలల పాటు ఆమె అమెరికాలోనే ఉండనున్నారు. మైయోసైటిస్‌కు సంబంధించిన చికిత్స చేయించుకోనున్నారు. ఈ నేపథ్యంలోనే ఆమె అన్ని షూటింగులను పూర్తి చేసుకున్నారు. అమెరికా పర్యటన కోసం అన్నీ సిద్ధం చేసుకుంటున్నారు. ఓ ఆరు నెలలు అమెరికాలో ఉండటానికి.. ఇ‍క్కడినుంచి ఏం తీసుకెళ్లాల్లో అన్ని ప్లాన్‌ చేసి పెట్టుకుంటున్నారు. ఇక, ఆరు నెలల పాటు ఎలాంటి సినిమా షూటింగులు లేకుండా కేవలం చికిత్సకు మాత్రమే పరిమితం కానున్నారు.
దీంతో సమంత అభిమానులు కొంత అసంతృప్తికి లోనవుతున్నారు. అసంతృప్తిలో ఉన్న అభిమానులను ఖుషీ చేసేందుకు సమంత సోషల్‌ మీడియాను వాడుకుంటున్నారు. గత కొద్ది రోజుల నుంచి ప్రతీ రోజూ ఏదో ఒక అప్డేట్ పెడుతూనే ఉన్నారు. తాను ఫుల్‌ జోష్‌లో ఉండటమే కాకుండా.. అభిమానుల్లో కూడా జోష్‌ నింపే ప్రయత్నం చేస్తున్నారు. తనకు సంబంధించిన అప్‌డేట్లను ఎప్పటికప్పుడు అందిస్తున్నారు. అయితే, ఆమె అమెరికాకు వెళ్లిన తర్వాత కూడా అభిమానుల కోసం అప్‌డేట్లను ఇవ్వటం కొనసాగిస్తారా? లేక..
ట్రీట్‌మెంట్‌ మోడ్‌లోకి వెళ్లిపోయి సోషల్‌ మీడియాకు రెస్ట్‌ ఇస్తారా? అన్నది తెలియాల్సి ఉంది. కాగా, సమంత- విజయ్‌ దేవరకొండ జంటగా నటించిన ‘ఖుషీ’ సినిమా పోస్ట్‌ ప్రొడక్షన్‌ పనులు జరుపుకుంటోంది. ఈ సినిమా సెప్టెంబర్‌ 1న ప్రేక్షకుల ముందుకు రానుంది. ఆమె నటించిన మరో సినిమా ‘చెన్నై స్టోరీ’ కూడా షూటింగ్‌ పూర్తి చేసుకుంది. ఇక, సమంత నటించిన ‘సిటడెల్‌’ వెబ్‌ సిరీస్‌ కూడా షూటింగ్‌ పూర్తి చేసుకుంది. ఈ సిరీస్‌ త్వరలో అమెజాన్‌ ప్రైమ్‌లో స్ట్రీమింగ్‌ కానుంది. మరి, సమంత చికిత్స కోసం ఆరు నెలల పాటు అమెరికా వెళ్లటంపై మీ అభిప్రాయాలను కామెం‍ట్ల రూపంలో తెలియజేయండి.
