బెస్ట్ ఫీల్డర్స్​కు మెడల్స్ ఇస్తున్న టీమిండియా.. ద్రవిడ్ భారీ ప్లానే వేశాడుగా!

క్రికెట్​లో బ్యాటింగ్, బౌలింగ్ ఎంత కీలకమో ఫీల్డింగ్ కూడా అంతే ముఖ్యమనేది తెలిసిందే. ‘క్యాచెస్ విన్ మ్యాచెస్’ అనే నానుడి కూడా వినే ఉంటారు. ఫీల్డింగ్​ స్త్రెంగ్త్​పై క్రికెట్ ఆడిన సౌతాఫ్రికా లాంటి కొన్ని టీమ్స్ ఉన్నాయి. అప్పట్లో సఫారీ టీమ్​లో బౌలింగ్ బాగున్నా, బ్యాటింగ్ సోసోగానే ఉండేది. అయినా జాంటీ రోడ్స్ లాంటి మెరికల్లాంటి ఫీల్డర్లు ప్రత్యర్థులను రన్స్ చేయకుండా కట్టడి చేసేవారు. సౌతాఫ్రికాను చూసి ఆస్ట్రేలియా, న్యూజిలాండ్, ఇంగ్లండ్ లాంటి ఇతర టీమ్స్ కూడా ఫీల్డింగ్​ను బలంగా మార్చుకోవడంపై ఫోకస్ చేశాయి. భారత జట్టులో ఒకప్పుడు మహ్మద్ కైఫ్, యువరాజ్ సింగ్ లాంటి బెస్ట్ ఫీల్డర్స్ ఉండేవారు. జాన్​రైట్ కోచింగ్​లో మన టీమ్ ఫీల్డింగ్ బలోపేతంపై దృష్టి సారించింది.

విరాట్ కోహ్లీ కెప్టెన్​ అయ్యాక టీమిండియా స్వరూపమే మారిపోయింది. ఫిట్​నెస్​కు ఫుల్ ఇంపార్టెన్స్ ఇచ్చిన కోహ్లీ.. ఫీల్డింగ్ ప్రమాణాలను కూడా పెంచడంపై ఫోకస్ పెట్టాడు. అయితే ఈ మధ్య కాలంలో మన టీమ్ ఫీల్డింగ్​లో కాస్త వీక్​గా తయారైంది. రీసెంట్​గా చూసుకుంటే.. వెస్టిండీస్ టూర్​తో పాటు ఆసియా కప్ టైమ్​లోనూ భారత ఫీల్డింగ్​పై తీవ్ర విమర్శలు వచ్చాయి. ఈజీ క్యాచెస్ వదలేయడం, గ్రౌండ్​ ఫీల్డింగ్​లో రన్స్ లీక్ చేయడం అందర్నీ ఆశ్చర్యపరిచింది. దీంతో కోచ్ రాహుల్ ద్రవిడ్​, ఫీల్డింగ్​ కోచ్​తో కలసి అదిరిపోయే స్కెచ్ వేశాడు. అది బాగానే వర్కౌట్ అయిందని చెప్పొచ్చు. ద్రవిడ్ ప్లాన్ రిజల్ట్ వరల్డ్ కప్​లో కనిపిస్తోంది.

వరల్డ్ కప్​లో ఆడిన అన్ని మ్యాచుల్లోనూ టీమిండియా నెగ్గింది. ఈ ఐదు మ్యాచుల్లోనూ విరాట్ కోహ్లీ, కేఎల్ రాహుల్, రవీంద్ర జడేజా, శ్రేయస్ అయ్యర్ లాంటి వాళ్లు అద్భుతమైన క్యాచులు అందుకున్నారు. గతంతో పోలిస్తే గ్రౌండ్ ఫీల్డింగ్ బెటర్ అవ్వడగే గాక క్లిష్టమైన క్యాచులను కూడా మన ఫీల్డర్లు అందుకుంటున్నారు. సడన్​గా ఫీల్డింగ్ మనకు బిగ్ స్ట్రెంగ్త్​గా కనిపిస్తోంది. దీని వెనుక కోచ్ ద్రవిడ్ పక్కా ప్లానింగ్ కనిపిస్తోంది. రీసెంట్​ సిరీస్​ల్లో భారత టీమ్ ఫీల్డింగ్​లో ఫెయిలైన నేపథ్యంలో ఫీల్డింగ్​ కోచ్​ ఆర్.శ్రీధర్​తో కలసి ద్రవిడ్ కొత్త ఐడియా వేశాడు.

వరల్డ్ కప్​లో బెస్ట్ ఫీల్డింగ్ చేసిన వారికి గోల్డ్ మెడల్స్ ఇవ్వాలని ద్రవిడ్ ఫిక్స్ అయ్యాడు. దీంతో ఈ మెడల్ కోసం ఆటగాళ్ల మధ్య పోటీ పెరిగింది. అవార్డు వల్ల మంచి పేరు కూడా వస్తుండటంతో దీని కోసం ప్లేయర్లు పోటీపడుతున్నారు. క్రికెటర్స్ మధ్య పోటీ వాతావరణం నెలకొల్పడంతో పాటు డ్రెస్సింగ్ రూమ్​లో మరింత జోష్ నింపేందుకే ఈ అవార్డును ద్రవిడ్ ప్రవేశపెట్టాడని సమాచారం. మొత్తానికి ఫీల్డింగ్ బలహీనతను బలంగా మార్చేసిన బలంగా మార్చిన కోచ్ ద్రవిడ్, టీమ్ మేనేజ్​మెంట్​పై భారత ఫ్యాన్స్ ప్రశంసల జల్లులు కురిపిస్తున్నారు. మరి.. ఫీల్డింగ్ విషయలో ద్రవిడ్ వేసిన ప్లాన్​ఫై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: ఇంగ్లండ్​తో మ్యాచ్​కు ముందు గిల్ వార్నింగ్.. బయటకు తీస్తానంటూ..!