ధోనీని ఫాలో అయితే రోహిత్​కు ఈ బాధ ఉండేది కాదు.. మాహీ నేర్పిన పాఠం!

ఐపీఎల్-2024 మిగతా అన్ని సీజన్ల కంటే కూడా చాలా డిఫరెంట్​గా ఉండబోతోంది. ఎందుకంటే క్యాష్ రిచ్​ లీగ్​లో ఎక్కువ సార్లు ట్రోఫీలు నెగ్గిన ఇద్దరు కెప్టెన్లు ఈసారి కేవలం ప్లేయర్లుగానే ఆడబోతున్నారు. అందులో ఒకరు సీఎస్​కే మాజీ సారథి ఎంఎస్ ధోని అయితే మరొకరు.. ముంబై ఇండియన్స్ మాజీ కెప్టెన్ రోహిత్ శర్మ. ఈ గ్రేట్ ప్లేయర్స్ ఇద్దరూ కెప్టెన్సీకి దూరమయ్యారు. అందులో ఒకరు సారథ్యాన్ని హుందాగా వదులుకుంటే.. మరొకరు ఆ బాధ్యతల నుంచి బలవంతంగా తప్పించబడ్డారు. కెప్టెన్సీ విషయంలో ధోని, రోహిత్​ది దాదాపుగా సేమ్ స్టోరీ. ఇద్దరూ తమ జట్లకు ఐదేసి ట్రోఫీలు అందించారు. గ్రేట్ కెప్టెన్స్​గా పేరు తెచ్చుకున్నారు. అయితే ధోని ఎప్పటి నుంచో సారథ్యంతో పాటు జట్టుకూ గుడ్​బై చెప్పాలని చూస్తున్నాడు. వయసు పెరగడం, గాయాలు తిరగబెట్టడం దీనికి ప్రధాన కారణాలు.

స్టార్ ఆల్​రౌండర్ రవీంద్ర జడేజాను కెప్టెన్​గా చేసి ఫెయిలయ్యాడు ధోని. సారథిగా తనను తాను ప్రూవ్ చేసుకోలేకపోయాడు జడ్డూ. దీంతో మరికొన్ని సీజన్లు టీమ్​ బాధ్యతల్ని తానే చూసుకున్నాడు మాహీ. గత సీజన్​లో జట్టును ఛాంపియన్​గానూ నిలబెట్టాడు. అయితే ఇప్పుడు రుతురాజ్ గైక్వాడ్​ రూపంలో మంచి ప్రత్యామ్నాయాన్ని కనుగొన్నాడు. ఈ యంగ్ ప్లేయర్​లోని అన్ని క్వాలిటీస్​ను గమనిస్తూ.. క్రమంగా అతడికి చిన్న చిన్న బాధ్యతలు ఇస్తూ కెప్టెన్సీ అలవాటు చేశాడు. ఇప్పుడు టోటల్ రెస్పాన్సిబిలిటీస్​ అప్పజెప్పాడు. గౌరవంగా సారథ్యం నుంచి తప్పుకొని ప్రశంసలు అందుకుంటున్నాడు ధోని. తన కెప్టెన్సీని మిస్ అవుతున్నామనే బాధ అందరిలోనూ కలిగేలా చేశాడతను.

ఈ విషయంలో రోహిత్ మాత్రం ధోనీలా కాదు. ఐదు కప్​లు అందించినా.. టీమిండియాకు కెప్టెన్​గా ఉండటంతో ముంబై ఇండియన్స్​నూ తానే ముందుండి నడపాలని అనుకున్నాడు. ఫామ్, ఫిట్​నెస్ ఉంది కాబట్టి మరికొన్నేళ్లు లీడర్​గా ఉండాలని భావించాడు. కానీ లాయల్టీ గేమ్​లో ముంబై అతడ్ని వంచనకు గురిచేసింది. నిర్దాక్షిణ్యంగా కెప్టెన్సీ నుంచి పీకేసి.. ఆ బాధ్యతల్ని హార్దిక్ పాండ్యాకు అప్పగించింది. గుజరాత్ టైటాన్స్​కు కెప్టెన్​గా ఉన్నోడ్ని మినీ ఆక్షన్​లో ఊహించని ధర చెల్లించి మరీ తెచ్చుకుంది. హిట్​మ్యాన్ ముందే గ్రహించి తొందరపడితే ఈ అవమానం జరిగేది కాదు.

వన్డే వరల్డ్ కప్-2023 ట్రోఫీని భారత్ నెగ్గి ఉంటే రోహిత్​ను టచ్ చేయడానికి కూడా ముంబై యాజమాన్యం భయపడేది. కానీ ఫైనల్ ఓటమితో అంతా మారిపోయిది. రోజుల వ్యవధిలోనే కెప్టెన్సీ నుంచి హిట్​మ్యాన్​ను తొలగించింది. ధోని నుంచి పాఠం నేర్చుకొని కెప్టెన్సీ విషయంలో రోహిత్ తొందరపడాల్సింది. ఫ్రాంచైజీ క్రికెట్ కాబట్టి ఇక్కడ విషయాలు ఎలా ఉంటాయో పసిగట్టాల్సింది. సారథ్య బాధ్యతల్ని ఇంకొకరికి అప్పగిస్తే రోహిత్​కు మరింత రెస్పెక్ట్ దక్కేది. దీంతో కెప్టెన్సీ విషయంలో ఎలా ఉండాలో ధోనీని చూసి అందరూ నేర్చుకోవాలని అనలిస్టులు అంటున్నారు. మరి.. మాహీ నేర్పిన పాఠం మీద మీ ఒపీనియన్​ను కామెంట్ చేయండి.