కెప్టెన్ రోహిత్ శర్మ అనగానే ముందుగా గుర్తుకొచ్చేది అతడి పుల్ షాటే. కానీ దీంతో పాటు అతడి అమ్ములపొదిలో చాలా షాట్స్ ఉన్నాయి. అవన్నీ ఆఫ్ఘానిస్థాన్తో మూడో టీ20లో బయటకు తీశాడు హిట్మ్యాన్.
కెప్టెన్ రోహిత్ శర్మ అనగానే ముందుగా గుర్తుకొచ్చేది అతడి పుల్ షాటే. కానీ దీంతో పాటు అతడి అమ్ములపొదిలో చాలా షాట్స్ ఉన్నాయి. అవన్నీ ఆఫ్ఘానిస్థాన్తో మూడో టీ20లో బయటకు తీశాడు హిట్మ్యాన్.
టీమిండియా కెప్టెన్ రోహిత్ శర్మ తన విశ్వరూపం చూపించాడు. ఆఫ్ఘానిస్థాన్తో జరుగుతున్న మూడో టీ20లో ఆకాశమే హద్దుగా చెలరేగిపోయాడు హిట్మ్యాన్. ఎదురొచ్చిన ప్రతి బౌలర్ను చితగ్గొడుతూ సెంచరీతో వీరవిహారం చేశాడు. 69 బంతుల్లో 11 బౌండరీలు, 8 సిక్సులతో ఏకంగా 121 పరుగులు చేశాడు. దీంతో భారత్ నిర్ణీత 20 ఓవర్లలో 212 పరుగుల భారీ స్కోరు చేసింది. ఈ మ్యాచ్లో టాస్ నెగ్గిన హిట్మ్యాన్ బ్యాటింగ్ ఎంచుకున్నాడు. అయితే ఓపెనర్ యశస్వి జైస్వాల్ (4) మూడో ఓవర్లోనే ఔటయ్యాడు. స్టార్ బ్యాటర్ విరాట్ కోహ్లీ (0) కూడా అదే ఓవర్లో గోల్డెన్ డక్గా వెనుదిరిగాడు. ఆ తర్వాత వచ్చిన శివమ్ దూబె (1), సంజూ శాంసన్ (0) కూడా ఫెయిలయ్యారు. ఇన్నింగ్స్ను ముందుకు తీసుకెళ్లాల్సిన బాధ్యత రోహిత్పై పడింది. దీంతో రింకూ సింగ్ (69 నాటౌట్)తో కలసి చెలరేగిపోయాడు హిట్మ్యాన్.
రోహిత్ శర్మ అంటే అందరికీ పుల్ షాట్ మాత్రమే గుర్తుకొస్తుంది. కానీ ఆఫ్ఘాన్తో చివరి టీ20లో తన అమ్ములపొదిలోని అన్ని షాట్లను బయటకు తీశాడు హిట్మ్యాన్. క్రికెట్ బుక్లోని షాట్స్ ఆడుతూనే టీ20ల్లో బాగా ఫేమస్ అయిన స్విచ్ హిట్ కూడా ప్రయత్నించాడు రోహిత్. పిచ్ నుంచి స్పిన్నర్లకు మద్దతు లభిస్తుండటంతో వారి రిథమ్ను దెబ్బతీసేందుకు హిట్మ్యాన్ ఎక్కువగా స్విచ్ షాట్లు కొట్టాడు. అవి భలేగా వర్కౌట్ అయ్యాయి. ఈ క్రమంలో షరాఫుద్దీన్ అష్రాఫ్ వేసిన ఓ బాల్ను ఏకంగా సిక్స్కు తరలించాడు. బాల్ రిలీజ్ కాగానే స్టాన్స్ మార్చిన రోహిత్ స్విచ్ షాట్తో బాల్ను పర్ఫెక్ట్గా కనెక్ట్ చేశాడు. దీంతో బాల్ వెళ్లి స్టాండ్స్లో పడింది. ఈ షాట్కు సంబంధించిన వీడియో నెట్టింట వైరల్ అవుతోంది. దీన్ని చూసిన అభిమానులు సూపర్బ్ షాట్ అని మెచ్చుకుంటున్నారు.
రోహిత్ ఇన్నింగ్స్లో స్విచ్ షాట్ హైలైట్ అని అంటున్నారు ఫ్యాన్స్. టీ20లకు తగ్గట్లుగా అతడు తన బ్యాటింగ్ శైలిని మార్చుకోవడాన్ని మెచ్చుకోవాల్సిందేనని చెబుతున్నారు. ఇలాంటి డిఫరెంట్ షాట్స్ కూడా హిట్మ్యాన్ అమ్ములపొదిలో చేరితే అతడ్ని ఆపడం ఎవరి తరం కాదంటున్నారు. అసలైన స్విచ్ హిట్ అంటే ఇది అంటున్నారు. దీని ముందు ఆస్ట్రేలియా ఆల్రౌండర్ గ్లెన్ మ్యాక్స్వెల్ స్విచ్ హిట్ పనికి రాదని కామెంట్స్ చేస్తున్నారు. ఇక, ఈ మ్యాచ్లో కష్టసాధ్యమైన లక్ష్యాన్ని ఛేదించేందుకు బరిలోకి దిగిన ఆఫ్ఘాన్ ప్రస్తుతం 11.1 ఓవర్లకు 93/1 స్కోరుతో ఉంది. ఇబ్రహీం జాద్రాన్ (39 నాటౌట్), గుల్బదీన్ నయీబ్ (0 నాటౌట్) క్రీజులో ఉన్నారు. ఆఫ్ఘాన్ నెగ్గాలంటే 51 బంతుల్లో 120 పరుగులు చేయాల్సి ఉంటుంది. మరి.. రోహిత్ శర్మ స్విచ్ హిట్ చూశాక మీకేం అనిపించిందో కామెంట్ల రూపంలో తెలియజేయండి.
ఇదీ చదవండి: Sanju Samson: రాకరాక అవకాశం వస్తే నేలపాలు చేశాడు.. సంజూ తప్పు నీదే!
Roo abd Sharma !
What was that shot #RohitSharma #INDvsAFGH pic.twitter.com/UCnAVIy2WT
— Kohli Sensation (@KohliiSensation) January 17, 2024
