ఆ సీక్రెట్ గంభీర్​కు మాత్రమే తెలుసు.. ఆయన మామూలోడు కాదు: సూర్యకుమార్

టీమిండియా టీ20 నయా కెప్టెన్ సూర్యకుమార్ యాదవ్ ఫస్ట్ అసైన్​మెంట్​కు రెడీ అవుతున్నాడు. ఫుల్​టైమ్ కెప్టెన్​గా జట్టు పగ్గాలు చేపట్టిన తర్వాత తొలి సిరీస్​కు సిద్ధమవుతున్నాడు. శ్రీలంకతో రేపటి నుంచి జరగబోయే మూడు టీ20ల సిరీస్ కోసం అతడి సారథ్యంలోని మెన్ ఇన్ బ్లూ సన్నద్ధమవుతోంది. టీ20 ప్రపంచ కప్-2026 మిషన్ ఈ సిరీస్ నుంచే మొదలవనుంది. అందుకే ఇక మీదట ఆడే ప్రతి సిరీస్, ప్రతి మ్యాచ్​ టీమిండియాకు కీలకం కానుంది. రోహిత్ శర్మ, విరాట్ కోహ్లీ, రవీంద్ర జడేజా లాంటి సీనియర్లు పొట్టి ఫార్మాట్​కు గుడ్​బై చెప్పినందున టీమ్ కాంబినేషన్​ను సెట్ చేసుకోవాలి. ఏయే ప్లేయర్లు ఎక్కడెక్కడ ఆడాలనేది క్లారిటీ రావాలి. రిజర్వ్ బెంచ్​ను మరింత పటిష్టం చేసుకోవాలి. కాబట్టి ఈ సిరీస్​ను సూర్యకుమార్ ఫుల్​గా యూజ్ చేసుకోవాల్సి ఉంటుంది.

కొత్త కోచ్ గౌతం గంభీర్ సహకారంతో విన్నింగ్ స్ట్రీక్​ను మెయింటెయిన్ చేయాలని చూస్తున్నాడు సారథి సూర్య. అందుబాటులో ఉన్న వనరులను ఉపయోగించుకొని లంకను వైట్​వాష్ చేయాలని భావిస్తున్నాడు. ఇప్పటికే టీమ్ ముమ్మరంగా సాధన చేస్తోంది. ఆటగాళ్లంతా నెట్స్​లో తీవ్రంగా చెమటోడ్చుతున్నారు. లంక బెండు తీయాలని డిసైడ్ అయ్యారు. ఈ సందర్భంగా మిస్టర్ 360 ఇంట్రెస్టింగ్ కామెంట్స్ చేశాడు. కెప్టెన్సీ రెస్పాన్సిబిలిటీని తాను ఆస్వాదిస్తున్నానని అన్నాడు. హెడ్​ కోచ్​ గంభీర్​తో తనది స్పెషల్ బాండ్ అని చెప్పాడు. తన సక్సెస్ సీక్రెట్ ఏంటో గౌతీకి మాత్రమే తెలుసునని.. ఆయన మామూలోడు కాదన్నాడు స్కై.

‘కోచ్ గంభీర్​తో నా అనుబంధం చాలా స్పెషల్. 2014లో ఆయన కెప్టెన్సీలో కోల్​కతా నైట్ రైడర్స్ జట్టులో ఆడా. అక్కడి నుంచి నా కెరీర్ టర్న్ అయింది. నాకు మెరుగైన ఛాన్సులు లభించాయి. మా బంధం ఇప్పటికి కూడా అంతే బలంగా ఉంది. నేను ఎలా ఆడతానో ఆయనకు తెలుసు. నా మైండ్​సెట్ ఎలా ఉంటుంది? ఎలా ఆలోచిస్తాననే సీక్రెట్ కూడా ఆయనకు తెలుసు’ అని సూర్యకుమార్ చెప్పుకొచ్చాడు. కోచ్​గా గంభీర్ ఎలా పని చేస్తాడనేది తనకు తెలుసునని.. తమ కాంబోలో బెస్ట్ రిజల్ట్స్ వస్తాయని భావిస్తున్నానని పేర్కొన్నాడు. కెప్టెన్సీ ఛాన్స్ రావడం హ్యాపీగా ఉందని.. ఈ బాధ్యతను నిలబెట్టుకునేందుకు అహర్నిషలు శ్రమిస్తానని వ్యాఖ్యానించాడు. మరి.. సూర్య-గౌతీ కాంబో సక్సెస్ అవుతుందని మీరు భావిస్తే కామెంట్ చేయండి.

• ఇదీ చదవండి: కెప్టెన్‌ కాకపోతే ఏంటి.. టీమిండియాలో అతనే లీడర్‌: బుమ్రా