బేబీ సినిమా నుంచి ఇంట్రస్టింగ్‌ అప్‌డేట్‌ ఇచ్చిన దర్శకుడు!

సాయి రాజేష్‌ దర్శకత్వంలో తెరకెక్కిన ‘బేబీ’ సినిమా ఎంతటి సంచలన విజయాన్ని నమోదు చేసిందో ప్రత్యేకంగా చెప్పనక్కర్లేదు. ఆనంద్‌ దేవర కొండ, విరాజ్‌ అశ్విన్‌, వైష్ణవి చైతన్య నటించిన ఈ సినిమా 50 కోట్లకుపైగా వసూళ్లను సాధించింది. విడుదలై దాదాపు 20 రోజులుపైనే అవుతున్నా మంచి వసూళ్లతో దూసుకుపోతోంది. ఇక, ఓటీటీ రైట్స్‌ విషయంలోనూ ఈ సినిమా రికార్డు సృష్టించింది. బేబీ దాదాపు 10 కోట్ల రూపాయల బడ్జెట్‌తో తెరకెక్కగా.. ఓటీటీ రైట్స్‌ ద్వారా 8 కోట్ల రూపాయలు వచ్చాయి.

ప్రముఖ తెలుగు ఓటీటీ వేదిక ‘ఆహా’ బేబీని సొంతం చేసుకుంది. బేబీ సినిమాకు యూత్‌ ఎక్కువగా కనెక్ట్‌ అయ్యారు. 2కే కిడ్స్‌ అయితే, ఒకటికి రెండు సార్లు సినిమా చూస్తున్నారు. సినిమాకు థియేటర్లలో వస్తున్న స్పందన దృష్ట్యా ఓటీటీ స్ట్రీమింగ్‌ వాయిదా పడింది. ఆలస్యంగా ఈ సినిమా ఓటీటీలోకి రానుంది. అయితే, సినిమాకు హైప్‌ పెంచడానికి సినిమా టీం ఎప్పుటికప్పుడు కొత్త కొత్త ప్లాన్స్‌ వేస్తోంది. ఈ నేపథ్యంలోనే తాజాగా, సినిమాలోని ఏడో పాటను విడుదలకు సిద్ధం చేసింది.

ఈ మేరకు చిత్ర దర్శకుడు సాయి రాజేష్‌ తన ట్విటర్‌ ఖాతాలో ఓ పోస్టు పెట్టారు. ఆ పోస్టులో .. ‘‘ బేబీ సినిమాకు సంబంధించిన ఏడవ పాట లోడింగ్‌ అవుతోంది. సింగర్‌ దీపూ ఆ పాటను పాడాడు’’ అని రాసుకొచ్చాడు. చందమామ అనే హ్యాష్‌ ట్యాగ్‌ కూడా పెట్టారు. సింగర్‌ దీపుతో దిగిన ఫొటోను సైతం షేర్‌ చేశారు. ప్రస్తుతం ఈ పోస్టు సోషల్‌ మీడియాలో వైరల్‌గా మారింది. సినిమాలోంచి మరో పాట బయటకు వస్తుండటంతో ఫ్యాన్స్‌ ఫుల్‌ ఖుషీ అవుతున్నారు. మరి, బేబీ సినిమాలోని పాటలపై మీ అభిప్రాయాలను కామెంట్ల రూపంలో తెలియజేయండి.