శ్రేయస్‌ అయ్యర్‌, ఇషాన్‌ కిషన్‌కు BCCI షాక్‌.. కెరీర్లు ఖతం?

భారత క్రికెట్ నియంత్రణ మండలి (బీసీసీఐ) గురించి ప్రత్యేకంగా చెప్పాల్సిన పనిలేదు. అత్యంత ధనిక బోర్డుగా పేరు తెచ్చుకున్న బీసీసీఐ ప్రపంచ క్రికెట్​ను కనుసైగతో శాసిస్తోంది. ఇంటర్నేషనల్ క్రికెట్ కౌన్సిల్​లో మన బోర్డు ఏం చెబితే అదే శాసనమనే విషయం అందరికీ తెలిసిందే. అందుకే బీసీసీఐతో పెట్టుకునేందుకు అందరూ వెనుకాడతారు. బోర్డుతో పెట్టుకున్న చాలా మంది తీవ్రంగా నష్టపోయారు. ఇప్పుడు మరో ఇద్దరు క్రికెటర్లు కూడా ఈ లిస్టులో చేరేలాగే ఉన్నారు. వాళ్లు మరెవరో కాదు.. భారత స్టార్ బ్యాటర్లు శ్రేయస్ అయ్యర్, ఇషాన్ కిషన్. బీసీసీఐ మాటను ధిక్కరించిన ఈ ఇద్దరు క్రికెటర్ల కెరీర్లు ఇప్పుడు డేంజర్​లో పడ్డాయి. వీళ్లకు షాక్ ఇచ్చేందుకు బోర్డు సిద్ధమైందని సమాచారం. అయ్యర్, ఇషాన్ చుట్టూ అసలు ఏం జరుగుతుందో ఇప్పుడు తెలుసుకుందాం..

ఇషాన్ కిషన్, శ్రేయస్ అయ్యర్​ సెంట్రల్ కాంట్రాక్ట్​లను రద్దు చేయాలని బీసీసీఐ భావిస్తున్నట్లు తెలుస్తోంది. ఈ విషయంపై ఇప్పటికే బోర్డు పెద్దలు సమాలోచనలు చేశారని.. అతి త్వరలో దీనిపై కీలక నిర్ణయం వెలువడనుందని క్రికెట్ వర్గాల్లో వినిపిస్తోంది. రంజీల్లో ఆడాలని ఆదేశించినా వాళ్లిద్దరూ ధిక్కరించడం, తమ మాటను కాదని ఐపీఎల్ కోసం ప్రాక్టీస్​లో మునిగిపోవడంతో బీసీసీఐ ఈ నిర్ణయం తీసుకుందని టాక్. ఈ ఇద్దరు స్టార్ ప్లేయర్ల సెంట్రల్ కాంట్రాక్ట్​ తొలగింపునకు అవసరమైన చర్యలకు బోర్డు అధికారులు సిద్ధమయ్యారని సమాచారం. దీంతో ఇషాన్, అయ్యర్ కెరీర్​ క్లోజ్ అయినట్లేనని వినికిడి. ఒకవేళ బోర్డు గనుక కాంట్రాక్ట్​ నుంచి తీసేస్తే వీళ్లు టీమిండియా తరఫున ఆడేందుకు అర్హులు కారు. ఈ మధ్య కాలంలో ఏ ప్లేయర్ విషయంలోనూ బీసీసీఐ ఇంత కఠిన నిర్ణయం తీసుకోలేదు.

ఇషాన్, అయ్యర్ వ్యవహరిస్తున్న తీరు, ఆదేశాలను పాటించకపోవడం, ధిక్కార స్వరం వినిపించడం, భారత జట్టు కంటే ఐపీఎల్​కు ఎక్కువ ప్రిఫరెన్స్ ఇవ్వడం, ఇగో చూపించడం వల్లే పరిస్థితి ఇంతదాకా వచ్చిందని తెలుస్తోంది. కోచ్ రాహుల్ ద్రవిడ్ రంజీల్లో ఆడమని సూచించినా ఇషాన్ వినకపోవడంతో మొదలైన వివాదం.. అతడు మళ్లీ బోర్డు మాటను ధిక్కరించడంతో పీక్​కు చేరుకుందని తెలిసింది. కాగా, టీమిండియాకు దూరంగా ఉన్నవారు, జట్టు ఆడే సిరీస్​లో చోటు దక్కని క్రికెటర్లు తప్పనిసరిగా డొమెస్టిక్ క్రికెట్​లో ఆడాల్సిందేనని ఇటీవల బీసీసీఐ ఆదేశాలు జారీ చేసింది. ఆ ప్లేయర్, ఈ ప్లేయర్ అనే తేడా లేదు.. ఎంతటి ఆటగాడైనా సరే జట్టుకు దూరంగా ఉంటే ఫస్ట్ క్లాస్ క్రికెట్​లో ఆడక తప్పదని బోర్డు సెక్రటరీ జై షా రీసెంట్​గా వార్నింగ్ ఇచ్చారు.

జై షా హెచ్చరించినా ఇషాన్ బోర్డు ఆదేశాలను పట్టించుకోలేదు. సౌతాఫ్రికా టూర్ నుంచి టీమిండియాకు దూరంగా ఉంటున్న అతడు ఫస్ట్ క్లాస్​ క్రికెట్​లో ఆడాలనే ఆదేశాలను పెడ చెవిన పెట్టాడు. ఇంగ్లండ్​తో టెస్ట్ సిరీస్​లోని మిగిలిన మ్యాచుల్లో జట్టులో చోటు కోల్పోయిన అయ్యర్ కూడా బోర్డు రూల్​ను బేఖాతరు చేశాడు. ఇద్దరూ రంజీల్లో ఆడలేదు. ఐపీఎల్ ప్రిపరేషన్స్​లో భాగంగా జిమ్​లో వర్కౌట్లు చేస్తూ బిజీ అయిపోయాడు ఇషాన్. దీంతో సీరియస్ అయిన బీసీసీఐ ఇద్దరి కాంట్రాక్టుల్ని తీసేసేందుకు సిద్ధమవుతోందని సమాచారం. ఒకవేళ అదే జరిగితే వరల్డ్ క్రికెట్​​లో ఇది సెన్సేషనల్ న్యూస్​గా మారుతుంది. టీమ్​కు కీలకమైన ఇద్దరు ఆటగాళ్ల కాంట్రాక్టులను తొలగించడం అనేది మామూలు విషయం కాదు. ఈ విషయంలో బోర్డు ఏం చేస్తుందో చూడాలి. మరి.. అయ్యర్, ఇషాన్​ కెరీర్​ విషయంలో బీసీసీఐ ఏం చేస్తే కరెక్ట్ అని మీరు అనుకుంటున్నారో కామెంట్ల రూపంలో తెలియజేయండి.

ఇదీ చదవండి: టీమిండియాలో కొత్త సెంటిమెంట్.. వాళ్లొస్తే ఇరగదీయడం పక్కా!