గత ఏడాది ఒక్క సినిమా విడుదల లేకుండా పోయిన మాస్ మహారాజా రవితేజ ఈ నెల 24న డిస్కో రాజాతో రాబోతున్నాడు. ఇంతకు ముందే ఒక టీజర్ విడుదల కాగా తాజాగా రెండోది రిలీజ్ చేశారు. కథకు సంబంధించిన క్లూ ఎక్కువగా ఇవ్వకుండా జాగ్రత్తగా ఈ వీడియోని కట్ చేశారు. ఎప్పటిలాగే రవితేజ ఇందులో కూడా ఫుల్ ఎనర్జీతో ఉన్నాడు. చేతిలో ఎప్పుడో పాత కాలం నాటి టేప్ రికార్డర్ ఒకటి చేతిలో పట్టుకుని సూటు బూటుతో రఫ్ మ్యానరిజంస్ తో ఫ్యాన్స్ కి నచ్చేలా ఉన్నాడు. విలన్ గా బాబీ సింహా పాత్ర కూడా చాలా పవర్ ఫుల్ గా కనిపిస్తోంది.
