ప్రపంచ కుబేరుడు ఎలన్ మస్క్ ఇటీవల 44 బిలియన్‌ డాలర్లతో ట్విట్టర్ ని కొనబోతున్నట్టు ప్రకటన వెలువడిన సంగతి తెలిసిందే. ఇప్పటికే ఎలన్ మస్క్-ట్విట్టర్ మధ్య కొనుగోలు ఒప్పందం కూడా జరిగింది. అయితే ట్విట్టర్ ఇంకా ఎలన్ మస్క్ చేతికి రాలేదు. తాజాగా ఈ ట్విటర్‌ డీల్‌ను తాత్కాలికంగా ఆపేస్తున్నట్టు ఎలన్ మస్క్ ట్విట్టర్లోనే పోస్ట్ చేశారు.
44 బిలియన్‌ డాలర్లతో ట్విటర్‌-ఎలన్ మస్క్ మధ్య కొనుగోలు ఒప్పందం జరగగా ఆరు నెలల్లో ట్విట్టర్ పూర్తిగా ఎలన్ మస్క్ చేతిలోకి వెళ్తుంది. కానీ ఈ లోపే ఈ డీల్ ని తాత్కాలికంగా పక్కన పెడుతున్నాను అని ప్రకటించాడు. 5 శాతం కంటే తక్కువగా ఉన్న స్పామ్, నకిలీ ఖాతాలపై పెండింగ్‌లో ఉన్న వివరాల వల్లే ఈ డీల్ తాత్కాలికంగా హోల్డ్‌లో పెట్టాం అని ఎలన్ మస్క్ క్లారిటీ ఇచ్చాడు.
ఎలన్ మస్క్ చేసిన ఈ ప్రకటనతో ట్విటర్‌ షేర్లు పతనం అయ్యాయి. అయితే ఎలన్ మస్క్ చేసిన ఈ ట్వీట్ పై ట్విటర్‌ ఇంకా స్పందించలేదు. ఈ ట్వీట్ తో ప్రపంచ వ్యాపార సంస్థలు అన్ని ఆసక్తిగా ఏం జరుగుతుందో అని ఎదురు చూస్తున్నాయి.
Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn
— Elon Musk (@elonmusk) May 13, 2022
