పైన ఫొటోలో కనిపిస్తున్న వ్యక్తి సాధారణ బిజినెస్ మ్యాన్‌ ఏమీ కాదు. ప్రపంచ దిగ్గజ పారిశ్రామిక వేత్తల్లో ఆయన కూడా ఒకరు. అంతేకాదు! సోషల్‌ మీడియాలో ఆయనకంటూ ఓ ప్రత్యేకమైన ఫాలోయింగ్‌ ఉంది. ఆయన సోషల్‌ మీడియాలో చాలా యాక్టీవ్‌గా ఉంటారు. తనకు సంబంధించిన విషయాలను ఎప్పటికప్పుడు ఫ్యాన్స్‌తో షేర్‌ చేసుకుంటూ ఉంటారు. అంతేకాదు! సోషల్‌ మీడియాలో తనను మెప్పించిన వీడియోలను రీట్వీట్‌ చేస్తూ.. తన అవసరం ఉన్న వారికి సహాయం కూడా చేస్తూ ఉంటారు.
ఆయన ఇంకెవరో కాదు.. ప్రపంచ ప్రసిద్ధ బిజినెస్ మ్యాన్‌ ఆనంద్‌ మహీంద్ర. పై ఫొటో ఆయన యవ్వనంలో ఉన్నపుడు తీసుకున్నది. శుక్రవారం ఆయన తన ట్విటర్‌ ఖాతాలో ఈ ఫొటో షేర్‌ చేశారు. ఆ ఫొటో షేర్‌ చేయడానికి గల కారణాన్ని వివరిస్తూ .. ‘‘ ఇంటర్‌ నేషనల్‌ చెక్‌ డేను పురుస్కరించుకుని ఈ ఫొటోను షేర్‌ చేశాను. ఈ ఫొటోను నా హనిమూన్‌ సందర్భంగా ఆగ్రాలో తీసింది. నేను అక్కడ చెస్‌ ఆడటం లేదు. కేవలం నా భార్య ఫొటో తీస్తుంటే ఫోజు ఇచ్చానంతే..
నేను ఇప్పుడు నా స్కిల్స్‌ను డెవలప్‌ చేసుకోవటానికి ఆన్‌లైన్‌ను ఆశ్రయిస్తున్నాను’’ అని పేర్కొన్నారు. ప్రస్తుతం ఈ ఫొటో సోషల్‌ మీడియాలో వైరల్‌గా మారింది. కాగా, ఆనంద్‌ మహేంద్ర 1981లో తన సొంత కంపెనీలో ఎగ్జిక్యూటివ్‌ అసిస్టెంట్‌ చేరారు. తర్వాత 1989లో ముస్కోకు ప్రెసిడెంట్‌, డిప్యూటీ మేనేజింగ్‌ డైరెక్టర్‌ అయ్యారు. ఇప్పుడు మహేంద్ర కంపెనీ బాధ్యతల్ని ఆయనే చూసుకుంటున్నారు. మరి, ప్రముఖ పారిశ్రామిక వేత్త ఆనంద్‌ మహీంద్ర పాత ఫొటోపై మీ అభిప్రాయాలను కామెంట్ల రూపంలో తెలియజేయండి.
And speaking of chess, I should have posted this yesterday on #InternationalChessDay ! was asked quite often during the @GCLlive if I played chess myself. So I foraged through my album of memories & found this pic from my honeymoon in Agra. No, that wasn’t a robotic board I was… pic.twitter.com/IYmZZT4tTX
— anand mahindra (@anandmahindra) July 21, 2023
