అజ్ఞాతవాసి తర్వాత జనసేన కోసం రెండేళ్లు గ్యాప్ తీసుకుని మళ్ళీ వకీల్ సాబ్ తో మేకప్ వేసుకోవడం మొదలుపెట్టిన పవన్ కళ్యాణ్ ఏకధాటిగా సినిమాలను ఒప్పుకుంటూనే ఉన్నాడు. ఎప్పుడు ఏది ముందు పూర్తవుతుందో ఏవి ఫస్ట్ రిలీజవుతాయో ఎవరికీ తెలియవు కానీ వరసబెట్టి గ్రీన్ సిగ్నల్స్ మాత్రం ఇచ్చేస్తున్నాడు. క్రిష్, హరీష్ శంకర్, సురేందర్ రెడ్డిలను ఇప్పటికే లైన్ లో పెట్టిన పవన్ తాజాగా నిర్మాత కమ్ భక్తుడు బండ్ల గణేష్ కు ఓకే చెప్పినట్టు తెలిసింది. ఈ విషయాన్నీ గణేష్ స్వయంగా నా దేవుడు మరోసారి ఓకే చెప్పాడు, నా కలలు నిజం కాబోతున్నాయి అని ట్వీట్ చేయడం ఇప్పుడు హాట్ టాపిక్ గా మారింది.
