సమంత మైయోసైటిస్‌ చికిత్స కోసం అమెరికా వెళ్లనున్నారన్న సంగతి తెలిసిందే. అందుకే! కొన్ని నెలల ముందే ఆమె తన షూటింగులను పూర్తి చేసుకున్నారు. కొత్త సినిమాలకు సైన్‌ చేయలేదు. అమెరికా వెళ్లే కొన్ని రోజులు ముందునుంచే టూర్‌లలో బిజీ అయిపోయారు. తన స్నేహితురాలితో కలిసి పలు పర్యాటక ప్రదేశాలను చుట్టి వచ్చారు. ఆమె నటించిన ఖుషీ సినిమా వచ్చే నెల 1వ తేదీన ప్రేక్షకుల ముందుకు రానున్న సంగతి తెలిసిందే. ఈనేపథ్యంలో సినిమా ఈవెంట్లు, ప్రమోషన్లలో ఆమె చురుగ్గా పాల్గొన్నారు.
ఇండియాలో తాను చేయాల్సిన పనులు అయిపోవటంతో అమెరికా ప్రయాణమయ్యారు. శనివారం తల్లితో కలిసి అమెరికా వెళ్లిపోయారు. సమంత తల్లితో కలిసి ఉన్న ఫొటోలు, ఎయిర్‌పోర్టులో ఆమె తన అభిమానులతో సెల్ఫీలు దిగుతున్న వీడియోలు సోషల్‌ మీడియాలో వైరల్‌గా మారాయి. ఇక, సమంత అమెరికాలో 6 నెలల పాటు ఉండనున్నట్లు తెలుస్తోంది. తల్లితో అక్కడే ఉండి.. ఆమె మైయోసైటిస్‌కు చికిత్స తీసుకోనున్నారు. చికిత్స పూర్తయి ఆరోగ్యం కుదట పడిన తర్వాత మళ్లీ ఇండియాకు తిరిగి రానున్నారు.
ఆరు నెలల పాటు సినిమాలకు దూరమవుతున్న నేపథ్యంలో.. ఫ్యాన్స్‌ను నిరూత్సాహపర్చకుండా ఉండేందుకు ఆమె సోషల్‌ మీడియాలో చాలా యాక్టీవ్‌ అయిపోయారు. తనకు సంబంధించిన విషయాలను ఎప్పటికప్పుడు తన సోషల్‌ మీడియా ఖాతాల ద్వారా ఫ్యాన్స్‌తో పంచుకుంటూ ఉన్నారు. ఫ్యాన్స్‌ కోసమే సామ్‌ ఇదంతా చేస్తున్నట్లు తెలుస్తోంది. మరి, సమంత తల్లితో కలిసి అమెరికా వెళ్లటంపై మీ అభిప్రాయాలను కామెంట్ల రూపంలో తెలియజేయండి.
