తమిళ ఇండస్ట్రీలో తీవ్ర విషాదం చోటుచేసుకుంది. ప్రముఖ నటుడు కొట్టాయ్‌ పెరుమాల్‌ మరణించారు. గత కొద్దిరోజులుగా అనారోగ్యంతో బాధపడుతున్న ఆయన ఆసుపత్రిలో చికిత్స పొందుతూ చనిపోయారు. ఆ వివరాల్లోకి వెళితే.. కొట్టాయ్‌ పెరుమాల్‌ చెన్నైలోని కొలతూర్‌, పెరియార్‌ నగర్‌లో కుటుంబంతో కలిసి ఉంటున్నారు. కొద్దిరోజుల క్రితం ఆయన తన ఛాతీలో నొప్పిగా ఉందంటూ కుటుంబసభ్యులకు చెప్పారు. దీంతో ఆయన్ని పెరియార్‌ నగర్‌లోని ప్రభుత్వ ఆసుపత్రికి తరలించారు.
పెరియార్‌ను పరీక్షించిన వైద్యులు గుండెపోటుగా తేల్చారు. ఆయనకు వెంటిలేటర్‌పై చికిత్స అందించారు. దీంతో ఆయన కొంత కోలుకున్నారు. అయితే, అనుకోని విధంగా ఆయన ఆరోగ్యం మళ్లీ పాడైంది. వైద్యులు ఎంత ప్రయత్నించినా లాభం లేకపోయింది. ఆయన ఆసుపత్రి బెడ్‌మీదే ప్రాణాలు విడిచారు. పెరియార్‌ మృతిపై సినీ ప్రముఖులు తమ సంతాపం వ్యక్తం చేస్తున్నారు. ఆయన కుటుంబసభ్యులు వీలైనంత త్వరగా ఈ బాధనుంచి బయటపడాలటూ సానుభూతి తెలియజేస్తున్నారు.
కాగా, పెరియార్‌ తన కామెడీ టైమింగ్‌తో తమిళ చిత్ర పరిశ్రమలో తనకంటూ ఓ మంచి గుర్తింపు తెచ్చుకున్నారు. కోలీవుడ్‌లోని స్టార్‌ హీరోలందరితోనూ ఆయన పని చేశారు. కమల్‌ హాసన్‌, సూర్య, విజయ్‌, విడివేలు వంటి వారితో పెరియార్‌ కాంబినేషన్‌ మంచిగా వర్కవుట్‌ అయింది. ఆ సినిమాలు మొత్తం మంచి విజయాన్ని నమోదు చేశాయి. కేవలం 58 ఏళ్ల వయసులో పెరియార్‌ గుండెపోటు కారణంగా ఆకస్మికంగా మృతి చెందటంపై సినీ అభిమానులు తమ సంతాపం వ్యక్తం చేస్తున్నారు.
