ప్రముఖ క్యాస్టింగ్‌ డైరెక్టర్‌, యాక్టింగ్‌ కోచ్‌ మయాంక్‌ దీక్షిత్‌పై దాడి జరిగింది. గుర్తు తెలియని కొందరు వ్యక్తులు ఆయనపై దాడి చేసి తీవ్రంగా గాయపర్చారు. ఈ దాడిలో మయాంక్‌ తల, మెడకు తీవ్ర గాయాలయ్యాయి. ఆదివారం ఉదయం ఈ సంఘటన చోటుచేసుకుంది. పోలీసులు తెలిపిన వివరాల మేరకు.. మయాంక్‌ దీక్షిత్‌ ఆదివారం రాత్రి తన కారులో లక్ష్మీ నగర్‌ ఏరియాలో వెళుతూ ఉన్నారు. కారును రివర్స్‌ చేసే విషయంలో కొంతమంది వ్యక్తులతో మయాంక్‌కు గొడవ మొదలైంది. ఆ గొడవ కొద్దిసేపటి తర్వాత చినికి చినికి గాలి వానలాగా తయారైంది. ఈ నేపథ్యంలోనే ఆ వ్యక్తులు మయాంక్‌పై రెచ్చిపోయారు.
విచక్షణా రహితంగా దాడి చేశారు. ఈ దాడిలో మయాంక్‌ తీవ్రంగా గాయపడ్డారు. దాడి అనంతరం ఆ దుండగులు అక్కడినుంచి పారిపోయారు. స్థానికులు మయాంక్‌ను హుటాహుటిన ఆసుపత్రికి తరలించారు. దుండగుల దాడిలో మయాంక్‌ తల, మెడకు తీవ్ర గాయాలు అయినట్లు వైద్యులు వెల్లడించారు. ప్రస్తుతం ఆయన ఆసుపత్రిలో చికిత్స పొందుతున్నారు. ఇక, ఈ సంఘటనపై మయాంక్‌ కుటుంబసభ్యులు పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. నిందితుల కోసం గాలిస్తున్నారు. ఇప్పటికే సంఘటన జరిగిన ప్రాంతంలోని సీసీటీవీ ఫుటేజీలను పరిశీలించారు.
కాగా, మయాంక్‌ దీక్షిత్‌ పలు సినిమాలకు క్యాస్టింగ్‌ డైరెక్టర్‌గా పని చేశారు. సంజయ్‌ దత్‌ హీరోగా 2020 సంవత్సరంలో వచ్చిన ‘తోర్‌బాజ్‌’సినిమాకు కూడా మయాంక్‌ క్యాస్టింగ్‌ డైరెక్టర్‌గా పని చేశారు. అంతేకాదు! సల్మాన్‌ ఖాన్‌ హీరోగా నటించిన ‘యువరాజ్‌’ అనే సినిమాకు అసిస్టెంట్‌ డైరెక్టర్‌గా పని చేశారు. మరి, ప్రముఖ క్యాస్టింగ్‌ డైరెక్టర్‌, యాక్టింగ్‌ కోచ్‌ మయాంక్‌ దీక్షిత్‌పై జరిగిన ఈ దాడిపై మీ అభిప్రాయాలను కామెంట్ల రూపంలో తెలియజేయండి.
Delhi | A casting director, Mayank Dixit suffered serious injuries on his neck and head after he was beaten up by a group of men on Sunday night (2nd July night) in Laxmi Nagar area following his argument with them over reversing a car. The accused are yet to be identified and… pic.twitter.com/dfHpddTEOb
— ANI (@ANI) July 5, 2023
