Rishabh Pant: వీడియో: చివరి ఓవర్​లో పంత్ విధ్వంసం.. ఊహకందని రీతిలో..!

ఢిల్లీ క్యాపిటల్స్ కెప్టెన్ రిషబ్ పంత్ మరోసారి తన బ్యాట్ పవర్ చూపించాడు. గుజరాత్ టైటాన్స్​తో జరుగుతున్న మ్యాచ్​లో ఆకాశమే హద్దుగా చెలరేగిపోయాడు. 43 బంతుల్లోనే 88 పరుగులు చేశాడు పంత్. అతడి ఇన్నింగ్స్​లో 5 బౌండరీలతో పాటు 8 భారీ సిక్సులు ఉండటం విశేషం. ఇన్నింగ్స్ ఆసాంతం దూకుడుగా ఆడిన పంత్.. మోహిత్ శర్మ వేసిన ఆఖరి ఓవర్​లో విధ్వంసం సృష్టించాడు. ఆ ఓవర్​లో ఏకంగా 31 పరుగులు పిండుకున్నాడతను.

ఇన్నింగ్స్ లాస్ట్ ఓవర్​లో జూలు విదిల్చిన పంత్ తొలి బంతికి డబుల్ తీశాడు. ఆ తర్వాతి బంతి వైడ్ అవడంతో మరో రన్ స్కోర్ బోర్డు మీద చేరింది. అనంతరం ఐదు బంతుల్లో నాలుగు భారీ సిక్సులు బాదాడు పంత్. అలాగే ఓ బౌండరీ కూడా కొట్టాడు. దీంతో 200 చేరితే గొప్ప అనుకున్న డీసీ స్కోరు కాస్తా 224కు చేరింది. మోహిత్ ఓవర్​లో అతడు కొట్టిన ఓ హెలికాప్టర్ షాట్ మ్యాచ్​కే హైలైట్ అని చెప్పాలి. పంత్​తో పాటు స్టార్ ఆల్​రౌండర్ అక్షర్ పటేల్ (43 బంతుల్లో 66) కూడా మంచి ఇన్నింగ్స్​తో అలరించాడు. ఆఖర్లో ట్రిస్టన్ స్టబ్స్ (7 బంతుల్లో 26) కూడా బ్యాట్​కు పని చెప్పడంతో ఢిల్లీ భారీ స్కోరును సెట్ చేయగలిగింది. మరి.. పంత్ ఇన్నింగ్స్ మీకెలా అనిపించిందో కామెంట్ల రూపంలో తెలియజేయండి.

• ఇదీ చదవండి: ఆ ప్లేయర్​ను ఎలాగైనా T20 వరల్డ్ కప్​లో ఆడించాలి.. సెలక్టర్లకు రైనా రిక్వెస్ట్!