వన్డే వరల్డ్ కప్-2023లో భాగంగా భారత్, పాకిస్థాన్ మ్యాచ్కు అంతా రెడీ అయిపోయింది. మరికొన్ని నిమిషాల్లో చిరకాల ప్రత్యర్థులు గ్రౌండ్లో కొదమసింహాల్లా తలపడేందుకు సిద్ధమైపోయారు. ఈ మ్యాచ్ చూసేందుకు ఇరు జట్ల అభిమానులతో పాటు ఇతర టీమ్స్ ఫ్యాన్స్ కూడా ఎంతో ఆసక్తిగా ఎదురు చూస్తున్నారు. ఈ మ్యాచ్ కోసం భారత క్రికెట్ బోర్డు స్పెషల్ ప్లాన్స్ చేసిందనేది తెలిసిందే. బాలీవుడ్ స్టార్‌ హీరో రణ్వీర్ సింగ్తో పాటు సింగర్స్ అరిజిత్ సింగ్, శంకర్ మహదేవన్, నేహా కక్కర్ లాంటి వారితో సెలబ్రేషన్స్కు ఏర్పాట్లు చేసింది.
భారత్, పాక్ మ్యాచ్ మొదలవ్వడానికి ముందు బాలీవుడ్ సెలబ్రిటీలతో మ్యూజిక్, డ్యాన్స్ ప్రోగ్రామ్స్ను బీసీసీఐ ఏర్పాట్లు చేయడంతో ఫ్యాన్స్ సంతోషంలో మునిగిపోయారు. ఇది డబుల్ బొనాంజా అని.. ఫుల్ ఎంజాయ్ చేద్దామని ఫిక్స్ అయిపోయారు. అయితే ఈ టైమ్లో వారికి బీసీసీఐ షాక్ ఇచ్చింది. గ్రౌండ్లో ప్లాన్ చేసిన ప్రోగ్రామ్స్ కేవలం స్టేడియానికి వచ్చే ప్రేక్షకుల కోసం మాత్రమేనని.. టీవీలు, ఫోన్లలో చూసే ఆడియెన్స్ కోసం కాదని బాంబు పేల్చింది. దీంతో ఫ్యాన్స్ భారత క్రికెట్ బోర్డు తీరుపై ఫైర్ అవుతున్నారు.
భారత్-పాక్ మ్యాచ్కు సెలబ్రేషన్స్ అంటూ అందులో పాల్గొనే వారి ఫొటోలు బయటకు లీక్ చేశారని.. వాళ్లు గ్రౌండ్లో ప్రాక్టీస్ చేస్తున్న వీడియోలు కూడా వచ్చాయని నెటిజన్స్ అంటున్నారు. ఇంతగా ఊరించి ఆఖరికి బీసీసీఐ ఉసూరుమనిపించిందని సీరియస్ అవుతున్నారు. బీసీసీఐ, ఐసీసీలు అంతా డబ్బు కోసమే చేస్తున్నాయని ఆరోపిస్తున్నారు. మెగా టోర్నీ ఫస్ట్ మ్యాచ్కు ఓపెనింగ్ సెర్మనీ నిర్వహించలేదని.. కానీ భారత్-పాక్ మ్యాచ్కు స్పెషల్ అరేంజ్మెంట్స్ చేసి సొమ్ము చేసుకుంటున్నారని తీవ్ర వ్యాఖ్యలు చేస్తున్నారు. మరి.. ప్రతిష్టాత్మక మ్యాచ్కు ముందు అభిమానులకు బీసీసీఐ ఇలా షాకివ్వడంపై మీ అభిప్రాయాలను కామెంట్స్ రూపంలో తెలియజేయండి.
ఇదీ చదవండి: World Cup: పాకిస్థాన్పై జోకులు వేసిన ఆస్ట్రేలియా కెప్టెన్ కమిన్స్!
NO PRE-MATCH CEREMONY FOR FANS OUTSIDE NARENDRA MODI STADIUM….!!!! pic.twitter.com/GqGwkTBkRl
— Mufaddal Vohra (@mufaddal_vohra) October 14, 2023
