వీడియో: మలేషియాలో యశ్‌.. స్పెషల్‌ గిఫ్ట్‌తో సర్‌ప్రైజ్‌ చేసిన ఫ్యాన్స్‌!

కేజీఎఫ్‌ సినిమాలతో దేశ వ్యాప్తంగా అభిమానుల్ని సొంత చేసుకున్నారు కన్నడ రాకింగ్‌ స్టార్‌ యశ్‌. 2022లో వచ్చిన కేజీఎఫ్‌ 2 ఏ మేరకు కలెక్షన్లను కొల్లగొట్టిందో అందరికీ తెలిసిన విషయమే. ఇక,  ఈ రెండు సినిమాలు క్రియేట్‌ చేసిన రికార్డుల నేపథ్యంలో యశ్‌ ఒక రకంగా ఇబ్బందుల్లో పడ్డారు. తర్వాతి ప్రాజెక్ట్‌ విషయంలో చాలా జాగ్రత్తగా వ్యవహరిస్తున్నారు. తన తర్వాతి సినిమా కేజీఎఫ్‌ సినిమాల రికార్డులను తిరగరాసేదిగా ఉండాలని యశ్‌ భావిస్తున్నారు. అందుకే కథల విషయంలో చాలా జాగ్రత్తగా ఉంటున్నారు.

కేజీఎఫ్‌ 2 విడుదలై దాదాపు సంవత్సరానికి పైగా అవుతున్నా.. ఏ కథకూ ఓకే చెప్పలేదు. ఇప్పటికీ కథలు వింటూనే ఉన్నారు. అప్పుడప్పుడు కమర్షియల్‌లో మాత్రమే కనిపిస్తున్నారు. సినిమా షూటింగులు లేని కారణంగా ఆయన తన కుటుంబం కోసం ఎక్కువ సమయం గడుపుతున్నారు. టూర్లు, షికార్లు అంటూ తిరుగుతున్నారు. తాజాగా, ఆయన మలేషియా పర్యటనకు వెళ్లారు. ఈ సందర్భంగా ఆయన ఫ్యాన్స్‌ ఆయనకు ఘన స్వాగతం పలికారు. తమ అభిమానంతో ఆయన్ని ఉక్కిరిబిక్కిరి చేశారు.

ఓ స్పెషల్‌ గిఫ్ట్‌ను సైతం యశ్‌కు ఇచ్చి సర్‌ప్రైజ్‌ చేశారు. ఇంతకీ ఆ స్పెషల్‌ గిఫ్ట్‌ ఏంటంటే.. అది యశ్‌ కుటుంబం మొత్తం ఉన్న పెయింటింగ్‌ అది. అందులో యశ్‌ తల్లిదండ్రులు, భార్య, పిల్లలు అందరూ ఉన్నారు. చేత్తో గీసిన ఆ పెయింటింగ్‌ను యశ్‌కు బహుకరించారు. ఆ ఫొటో చూసిన యశ్‌ ఆశ్చర్యపోయారు. గిఫ్ట్‌ ఇచ్చిన వ్యక్తికి కృతజ్ఞతలు తెలిపారు. ప్రస్తుతం ఇందుకు సంబంధించిన వీడియో ఒకటి సోషల్‌ మీడియాలో వైరల్‌గా మారింది. మరి, యశ్‌కు స్పెషల్‌ గిఫ్ట్‌పై మీ అభిప్రాయాలను కామెంట్ల రూపంలో తెలియజేయండి.